Jerimaya 9:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Ta, Enẹ Ọrovwohwo na tare: Irivwi rẹ ihwo na che she, kerẹ isọn ra kpare phihọ uphephẹ kerẹ ekrẹbe rẹ ihwo ri vuẹ orhọ ohwo ọvuọvo gbe ghwẹ ayen koko-o.

Jerimaya 9:22 ပူးပေါင်းရင်းမြစ်များ

Ivie rẹ Ivẹ 20:13

Hẹzikaya de dede ayen reyọ, ọ da vwẹ ekuakua rẹ efe rẹ uwevwi rọye vwọ nẹ ayen, idọnọ, oro, egẹ, evwri ọghaghare, iwun rẹ ofovwi, emu kemu rọ hẹ evun rẹ uwevwi rẹ efe rọye ejobi ọye ọ vwọ nẹ ayen; ọ vwọ omu ọvuọvo rọ hẹ evun rẹ uwevwi rọye eyẹ evun rẹ uvie rọye na Hẹzikaya je vwọ nẹ aye-en.

Ivie rẹ Ivẹ 20:15

Ọ da ta, Die ayen mrẹre vwẹ evun rẹ uwevwi wẹn na? Hẹzikaya da kpahe kẹ, Ayen mrẹ emu ejobi rẹ hẹ evun rẹ uwevwi mẹ, o vwo emu ọvuọvo rọ hẹ evun rẹ uvun rẹ efe mẹ ri mi je djẹ kẹ aye-en.

Ivie rẹ Ivẹ 9:37

Orivwi ri Jẹzibẹl cha dia kerẹ isọn vwẹ enu rẹ udju vwẹ evun rẹ ubrotọ ri Jẹzril, ohwo ọvuọvo gbe cha sa ta nẹ, Ọnana Jẹzibẹ-ẹl.

ỌBE RẸ JOB 5:13

O mu evwaghware vwẹ ọphiẹvwẹ rayen, iroro rẹ ọphiẹ che te oba nana nana.

Une rẹ Ejiro 49:7

Uyota o vwo ohwo ọvuọvo rọ sa tan oma rọye-e, eye rọ sa vwe uchunu re arhọ rọye kẹ Ọghẹnẹ-ẹ,

Une rẹ Ejiro 83:10

ra ghwọrọre vwẹ Ẹndọr, ri hirhe phihọ isọn kẹ otọ na.

Isẹ 18:11

Efe rẹ ọdafe ọye orere rọ da djẹrhọ, ọ họhọ igbẹhẹ ro kpenu rọ vwọ gba ogba riariẹ oma.

Isẹ 23:4

Wo jẹ owian wẹn dia ọ ra vwọ ghwẹ efe koko ọvo-o, vwo aghwanre rere wo sioma reyọ.

Aizaya 5:25

Kọye ophu rẹ Ọrovwohwo vwọ tua kpahe ihwo rọye, ọ da riẹn obọ kpahe ayen ọ da ghwiẹ ayen, igbenu na de kpogho irivwi rayen kerẹ ikueku vwẹ uherevie rẹ urhuvwu Vwẹ enana ejobi na ophu rọye ji fue-e, yẹn obọ rọye je riẹn phia rhe.

Jerimaya 16:4

Emiavwe ọbrabra che hwe ayen. A cha viẹ aye-en, e ji che shi aye-en; ayen cha họhọ isọn vwẹ enu rẹ otọ na. Ọlọkọ vẹ owẹvwe che hwe ayen, irivwi rayen ke dia emuọre kẹ emephran rẹ enu kugbe eranvwe rẹ akpọ na.

Jerimaya 25:33

Otu rẹ Ọrovwohwo hweri vwẹ ẹdẹ yena cha riẹn nẹ oba rẹ akpọ ọvo re te ọrivẹ. A cha viẹ aye-en, e ji koko aye-en, e ji shi aye-en, ayen cha dia isọn vwẹ enu rẹ otọ na.

Jerimaya 6:21

Ọtiọye na enẹ Ọrovwohwo na tare; Nighe, mi che mu uchukurhe umwemwu phihọ idjerhe rọ kprọ ihwo nana awọ she; te ese te emọ ejobi te oko te ugbeyan cha ghwọrọ

Jerimaya 7:33

Irivwi rẹ ihwo nana ke cha dia emuọre kẹ emephran rẹ enu, ji kugbe eranvwe rẹ otọ na, ohwo ọvuọvo ro cha djẹ oshọ mu ayen gbe herọ-ọ.

Jerimaya 8:2

ka hra ayen phihọ kẹ ọnre vẹ emeranvwe kugbe otu re hẹ obenu ejobi, e rẹ ayen guọnọre rẹ ayen je ga na, rẹ ayen yan nene na, rẹ ayen nenesi rọye, rẹ ayen vwẹ uyovwi kpotọ kẹ; a gbe sa ghwẹ ayen koko-o, e ji se shi ayẹ-ẹn ayen ke họhọ isọn vwẹ otọ na.

Habakọk 1:11

Etiyin ayen de hwerhe vrẹn kerẹ odju ayen da yan he obaro, ihwo re re abe, rẹ ẹgba rayen hirhe phihọ ọghẹnẹ kẹ ayen.

Zẹfanaya 1:17

Me cha vwẹ omaẹghwọrọ vwọ ihwo na, ọtiọye na ayen ke yan divwi divwi kerẹ irhuẹro, fikiridie ayen ru imwemwu kpahe Ọrovwohwo; ka mwavwe ọbara rayen kuotọ kerẹ iwurhie, uvwo rayen kerẹ isọn.

Urhi Rivẹ 8:17

Jomaotọ wọ da rhe ta vwẹ udu wẹn, Ọgangan mẹ vẹ ẹgba rẹ obọ mẹ mi vwo vwo efe nana,