Jerimaya 9:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Kidie enyo edo rẹ oviẹ vwi Zayọn: Mavọ a ghwọrọ avwanre te! Oma vọ avwanre tototo, fikiridie ma yan je otọ na vwọ, kidie ayen guọghọ ẹdia rẹ avwanre te otọ.

Jerimaya 9:19 ပူးပေါင်းရင်းမြစ်များ

Aizaya 32:9

Vrẹn, ovwan eya rẹ oma furu, nyo urhuru Me, ovwan emetẹ re he ofuvwegbe, kerhọn rẹ ota Me.

Jerimaya 15:1

Etiyin Ọrovwohwo da ta kẹ vwẹ, owenẹ Mosis vẹ Samuẹl mudia vwẹ obaro mẹ dede, udu mẹ sa rhẹriẹ bru ihwo nana-a. Si ayen nẹ obaro mẹ, rere wo jẹn ayen yanran.

Jerimaya 2:14

Kẹ Izrẹl ọviẹn, kẹ ọmọ rẹ ọviẹn o ruẹ? Die ọ vwọ rhọma rhi hirhe phihọ ohwo re muẹ ria?

Jerimaya 4:13

Nighe, ọ cha kerẹ egho, ẹkpẹrẹ rẹ ofovwi rọye họhọ ogiribo iyesi rọye djẹ phẹre nọ ugo– ekan kẹ avwanre, kidie avwanre ghwọre.

Jerimaya 4:20

Ẹguọghọ nene ẹguọghọ, otọ na ejobi kọ cha dia ofefe kpregede a teyọ itughẹ mẹ she, ibọkpọ mẹ vwẹ ẹro ẹbrẹ na.

Jerimaya 7:15

Ke me djẹ ovwan nẹ obaro mẹ, kirobo me djẹ imoni rẹ ovwan kufia ye, uvwiẹ rẹ Ifrem ejobi.

Jerimaya 7:19

Mẹvwẹ kọye ayen kpare ophu na? eriyin Ọrovwohwo na tare. Ọ dia omobọ rayen, ayen vwo gbe ozighi na?

Jerimaya 7:29

Bru ẹto wẹn wo do kufia, kpare ugoroviẹ vwẹ enu rẹ ugbenu phrẹphrẹphrẹ na, kidie Ọrovwohwo siẹn ọchuko kẹ uvwiẹ nana rẹ ophu rọye muọ na.

Uvwerhe 4:15

Wan nẹ etiyin! Ovwan re pha gbegbe na! ihwo ki kperẹ kẹ ayen; wan nẹ etiyin! Wan nẹ etiyin! We dje obọ te-e! Ayen de rhi hirhe phihọ ovwisunsun vẹ osoghoro; ihwo ke ta vwẹ ohri rẹ ẹgborho na, Ayen vẹ avwanre gbe dia kugbe ọfa-a.

Uvwerhe 5:2

A rhẹriẹ uku rẹ avwanre vwọ kẹ erhorha, iwevwi rẹ avwanre kẹ ihwo rẹ isiorho.

Izikiẹl 27:2

Asakiephana wẹ, ọmọ re ohwo, kuenu rẹ ovie kẹ Taya,

Livitikọs 18:25

kọye otọ na de rhi gbe ẹgua, kọye mi vwo ruo gangan fiki rẹ orukuruku rọye, otọ na da kpa ihwo rọye kufia.

Livitikọs 18:28

rere otọ na vwo jẹ ovwan e geri kufia, rẹ ovwan de gbe ẹgua, kirobo ro geri ihwo re ka dia jovwo kufia na.

Livitikọs 20:22

Fiki rẹ Ọnana ovwan gba yọnre irhi mẹ ejobi vẹ iji mẹ ejobi, re we ru ayen; rere otọ re Me vwẹ ovwan ra na vwo jẹn ovwan ẹkpa kufia.

Maika 2:10

Vrẹn wọ yanran, kidie ọna dia asan re de rovwoma-a; fiki rẹ emu ogbeghbe rọ guọghọ rọ guọghọ vẹ ivuemiovwo rode.

Maika 2:4

Vwẹ ọke yena ka cha vwẹ une rẹ ehwẹjẹ vwọ so owẹ, kẹ ayen cha viẹ beroma gangan, tanẹ, Avwanre ghwruru tototo, o ku ẹkẹn rẹ ihwo mẹ rhẹriẹ, nighe obo ro siro nẹ uvwe obọ! O da ghare etọ rẹ avwanre kẹ otu ri mu avwanre.

Urhi Rivẹ 28:29

kẹ ovwan dia akparhurhu vwẹ ọghẹruvo, kerẹ esẹ rẹ orhuẹro a yan bribri, ovwan gbi vwo oyouvwe vwẹ idjerhe rẹ ovwa-an; ke shenyẹ ovwan ke ji cho ovwan kọke kọke, ohwo rọ chọ ovwan uko gbe dia-a.