Jerimaya 9:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Vwẹ ọtiọye na enẹ Ọrovwohwo rẹ otuofovwi na, Ọghẹnẹ rẹ Izrẹl, tare Kighe, me cha vwẹ akoro vwọ ghẹrẹ ihwo nana, me da vwẹ ame rẹ obi kẹ ayen da.

Jerimaya 9:15 ပူးပေါင်းရင်းမြစ်များ

Une rẹ Ejiro 60:3

Wẹ re nẹrhẹ ihwo wẹn re oja rẹ imu egangan; wẹ re kẹ avwanre udi da ro gele avwanre na.

Une rẹ Ejiro 69:21

Ayen da vwẹ obi ru emuọre kẹ vwẹ, ki viniga me dare vwo fue urhuru rẹ ame mẹ.

Une rẹ Ejiro 75:8

Kidie vwẹ obọ rẹ Ọrovwohwo uko herọ, ẹe udi ro gbe iphughẹ, ra nabo gua, ko che ku udi na no, ihwo imwemwu rẹ akpọ na ejobi ke cha da re duvwu ikiẹn

Une rẹ Ejiro 80:5

Wọwẹ re reyọ ikara rẹ oviẹ vwọ ghẹre ayen, wọ da vwẹ oviẹ rọ vọnre kpẹghẹ kpẹghe vwọ ke ayen da.

Aizaya 2:17

Obrabra rẹ ohwo kọ mrẹ ẹphọphọ eheri rẹ ihwo ke che vwo kpotọ; Ọrovwohwo ọvo a kpare kpenu vwẹ ẹdẹ yena.

Aizaya 2:22

Chuko ku ohwo rẹ akpọ rọ vwẹ unwe nwẹn, kidie o firi?

Jerimaya 23:15

Ọtiọye na enẹ Ọrovwohwo rẹ otuofovwi na ta kpahe emraro na: Nighe, me cha vwẹ emu ro muenu ghẹrẹ ayen, me ke ayen ame rẹ obi da, kidie vwẹ obọ rẹ emraro ri Jerusalẹm Jẹn ọghẹnẹ ẹriẹn rhe wan ro otọ na ejobi.

Jerimaya 24:10

Ki mi ji ọlọkọ vẹ owẹvwe, kugbe emiavwe bru ayen ra, bẹsiẹye re ayen vwọ ghwọrọ tototo nẹ otọ re me kẹ ayen vẹ esẹ rayen na.

Jerimaya 25:15

Enẹ Ọrovwohwo, Ọghẹnẹ rẹ Izrẹl, ta kẹ vwẹ: Reyọ uko ri wain re ophu na nẹ obọ mẹ, re wo ru irere ejobi ri mi ju we bru ra na re ayen da.

Jerimaya 44:27

Nighe, Me ra rhẹrẹ ayen fiki rẹ umiovwo ọ dianẹ fiki rẹ erhuvwu-u, ihwo ri Juda ejobi re hẹ otọ rẹ Ijipt cha ghwọrọ vwẹ ọ rẹ ọlọkọ vẹ owẹvwe bẹsiẹ rẹ ayen vwo fuere.

Jerimaya 49:37

Me vwẹ oshọ mu Elam vwẹ obaro rẹ ivwighrẹ rayen, vẹ obaro rẹ otu re guọnọ ayen hwe, me reyọ umiovwo mẹ vwo rhe ayen, ophu mẹ rode na, eriyin Ọrovwohwo tare, Mi ji ọlọkọ nene ayen, bẹsiẹ me vwọ ghwọrọ ayen nu,

Jerimaya 8:14

Die avwanre vwo tidia gbiei? Sioma koko, re avwanre yan ruẹ irere ra gba ogba phihọ na, re me ghwu vwẹ etiyin; kidie Ọrovwohwo Ọghẹnẹ rẹ avwanre vwẹ ughwu vwọ pẹtiẹ avwanre, ọ da vwẹ obi kẹ avwanre da, kidie avwanre ru umwemwu kpahe Ọrovwohwo.

Uvwerhe 3:15

Obo re yara ọye ọ vwọ vọn evun mẹ, Ọ da vwẹ akoro vwọ vọn vwẹ evun.

Uvwerhe 3:19

Karophihọ oma ẹlaghọ mẹ vẹ eyarọ mẹ, akoro kugbe akrasa.

Izikiẹl 5:12

Ẹkẹn erha wẹn ki che ghwu ughwu rẹ emiavwe, owẹvwe kọ cha torhẹ vwẹ uherevie wẹn; ẹkẹn erha ọfa ko ghwu ughwu rẹ ọlọkọ riariẹ owẹ; ẹkẹn erha ro chekọ ke me hra nene odju ejobi ke yoro ọlọkọ nẹ ako rhe nene ayen.

Izikiẹl 5:2

Ẹkẹn erha rọye wọ torhẹ vwẹ erhanre vwẹ uherevie rẹ orere na, rẹ ẹdẹ rẹ imu na da gba nu, ẹkẹn erha ọvo, wọ reyọ wọ me vwẹ ọlọkọ wẹn vwo tue riariẹ orere na; ẹkẹn erha ro chekọ wo mi tuetue nene odju, ki mi yoro ọlọkọ mẹ nẹ ako rhe vwọ kpahe ayen.

Urhi Rivẹ 28:36

Ọrovwohwo cha reyọ ovwan, vẹ ovie re vwo mu vwẹ enu rẹ ovwan na, vwo rhe ẹgborho re te owẹ te esẹ wẹn je riẹn dẹvo-o; Etiyin wọ da ga edjọ, e rẹ urhe vẹ e re elalọ.

Urhi Rivẹ 29:18

Wa kẹnoma eyẹ a da rhe mrẹ ọshare eyẹ aye eyẹ orua eyẹ uvwiẹ ọvo, rẹ udu rọye kurhẹriẹ jẹ Ọrovwohwo Ọghẹnẹ rẹ avwanre vwo nonẹ na ra ga edjọ rẹ ẹgborho yena; eyẹ a da rhe mrẹ ọvo rọ mọ omamọ ro vwo obi kugbe omamọ ro muenu vwẹ uherevie rẹ ovwan,

Ẹvwọphia 8:11

Odẹ rẹ isio na kẹ Akoro. Akarha rẹ ame na de hirhe vwọ hẹ akoro, ame de hwe ihwo buebu, fikiridie ọ yara.