Jerimaya 9:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ono ohwo rọ ghwanre rọ sa riẹn otọ rẹ ọnana? Ono unu rẹ Ọrovwohwo tarọ kẹ, ro ghwoghwo phia? Die jabọ rẹ otọ na vwo miovwi, vwọ dia ofefe kerẹ aghwa rẹ ohwo ọvuọvo gbe wan vrẹ-ẹn?

Jerimaya 9:12 ပူးပေါင်းရင်းမြစ်များ

Une rẹ Ejiro 107:34

otọ ro yovwẹ emu hirhe phihọ otọ rẹ ughweraka diodi, fiki rẹ umwemwu rẹ ihwo re dia.

Une rẹ Ejiro 107:43

Onọ re ghwanre jọ kerhọn re imu nana, jẹn ihwo roro ẹguọnọ re Ọrovwohwo ro je rhẹriẹ na.

Aizaya 42:23

Ono vwẹ usun rẹ ovwan na re sa kerhọn rẹ Ọnana, ro hwe oma mu vwọ kerhọn vwo ọke rọ cha?

Jerimaya 23:10

Kidie otọ na vọnre vẹ igberadja; fiki rẹ ekan otọ na vwo muomahọ, odi rẹ aghwa na ejobi je ya re. Idjerhe rayen omiomiovwi, ẹgba rayen shehọ-ọ.

Jerimaya 23:16

Enẹ Ọrovwohwo rẹ otuofovwi na tare, Wọ kerhọn rẹ eta rẹ emraro re mraro kẹ wẹ na-a, re ghwẹ iphiẹrohọ ifefe vọn wẹ oma na, emramrẹ re iroro rayen ayen ta na, ọ dia ọ ro nẹ unu rẹ Ọrovwohwo na rhe-e.

Jerimaya 23:22

Ọ dianẹ ke ayen mudia vwẹ ẹguare mẹ, manẹ ayen ghwoghwo ota mẹ kẹ ihwo mẹ, manẹ ayen ku ayen rhẹriẹ nẹ idjerhe umwemwu rayen, ji nẹ umiovwo rẹ eyere rayen.

Jerimaya 23:28

E jẹ ọmraro rọ vwerhẹ evwerhẹ ta evwerhẹ rọye, ẹkẹvuọvo e jẹ ọ ro vwo ota mẹ vwẹ esegbuyota ta. Didi emu odi ve ọka gbe vwo kugbe? eriyin Ọrovwohwo tare.

Jerimaya 9:20

Ovwan gbe nyo, E eya, ota rẹ Ọrovwohwo na, re we jẹ erhọn rẹ ovwan reyọ ota rẹ ugbunu rọye, yono emetẹ wẹn obo ra viẹ dohwo dọrivẹ rọye so ine rẹ uvweri kẹ.

Izikiẹl 14:23

Ayen ki bru we uche, vwẹ ọke wọ da mrẹ idjerhe rayen kugbe uruemu rayen, ko wọ riẹn nẹ mi ruro ghevweghe-e, eriyin Ọrovwohwo Ọghẹnẹ na tare.

Hosia 14:9

Ohwo kohwo rọ ghwanre e jọ riẹn imu nana; ohwo kohwo ro vwo iroro, e jo vughe ayen; Kidie idjerhe rẹ Ọrovwohwo hẹ ọsoso ohwo rọ dia ọsoso yan vwẹ evun rọye, ẹkẹvuọvo oruimwemwu she vwẹ evun rẹ ayen.

Hosia 4:10

Ayen ke re, je evun vọn aye-en, ayen gbe igberadja jẹn ayen buru-u; kidie ayen siẹn Ọrovwohwo ọfarhiẹ kọye ayen gbe.

Joẹl 1:11

Jo gbe we unu, E otu ri voro otọ, Beroma, E otu re rhuẹrẹ vain, fiki rẹ ọka vẹ irosun, fikiridie orhọ rẹ udju na ejobi ghwọrọ kufia.

Zẹfanaya 3:6

Me nyavwe ẹgborho buebu kufia, ekuakua rẹ ofovwi rayen buebu ghwọrọ kufia; Me vwe irhuvwu rayen ejobi te otọ riae ọtiọye na ohwo ọvuọvo rha sa yan vwẹ aye-en, ẹgborho rayen ejobi rhi hirhe oma phihọ ọfefe, kaka ohwo, o vwo ohwo ọvuọvo rọ dia-a.

Matiu 24:15

Ọke rẹ ovwan da rhe mrẹ ukpokpogho rẹ ẹgua, ra tare vwẹ ọbe ri Daniẹl ọmraro na, ro mudia vwẹ asan ọfuanfon na (e jẹn ohwo ro se riẹn otọ rọye),

Urhi Rivẹ 32:29

Ọ dianẹ ayen ghwanre nọ, manẹ ayen riẹn Ọnana, yẹ ayen vughe oba rẹ akpọ rayen.

Ẹvwọphia 1:3

Ebruba kẹ ohwo ro se eta rẹ aroẹmrẹ na phia, kugbe ebruba kẹ ayen otu ri nyoro, re da yọnre obo re si phihọ evun rọye; kidie ọke na kẹre otọ rẹ.