Jerimaya 8:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ughwu kọye che me jẹ umuku rẹ ihwo ri chekọ vwẹ orua umwemwu nana vrẹn arhọ, vwẹ asan re me djẹ ayen ra ejobi; eriyin Ọrovwohwo rẹ otuofovwi na tare.

Jerimaya 8:3 ပူးပေါင်းရင်းမြစ်များ

1 Ivie 19:4

Ẹkẹvuọvo ekpuyovwi rọye da yan oyan rẹ ẹdọke soso ro evun rẹ aghwa, ọ da rhe o de rhi tidia otọ rẹ urhe rẹ uhwerhe; ọda guọnọ nẹ ọye ghwe ghwu siẹvo, tanẹ, O teri, asakiephana, E Ọrovwohwo, reyọ arhọ mẹ, kidie mi yovwi nọ esẹ mẹ-ẹ.

Jerimaya 23:3

Ke me ghwẹ igegede mẹ ri chekọ nẹ asan me djẹ ayen ra ejobi rhe, me ghwẹ ayen rhivwi rhe ukoko rayen, ayen ki vwiẹ ji bu phihọ.

Jerimaya 23:8

ẹkẹvuọvo kirobo rẹ Ọrovwohwo herọ rọ reyọ uvwiẹ rẹ uwevwi rẹ Izrẹl ji sun ayen nẹ orho rẹ obọhwẹre ọnre rhe kugbe irho rọ djẹ ayen ra ejobi na. Ayen ke dia otọ rẹ obọ rayen.

Jerimaya 29:14

Ovwan ke mrẹ vwẹ, eriyin Ọrovwohwo tare, ke me vwẹ ughwẹ rẹ ovwan rhivwi rhe ovwan ke me ghwe ovwan nẹ ẹgborho vẹ asan re me djẹ ovwan ra ejobi rhe, eriyin Ọrovwohwo tare, me je ghwa ovwan rhivwi nẹ asan ri mi mu ovwan ra kpo ighuvwu na.

Jerimaya 29:28

Kidie ọ vue ovuẹ rhe avwanre vwi Babilọn, ta nẹ, Ovwan ighuvwu na cha dia kre kri, bọn uwevwi re wa dia ayen, voro udju re wa re emamọ rayen.

Jerimaya 40:12

etiyin ihwo ri Ju na ejobi de rhivwi nẹ asan ra djẹ ayen ra rhe otọ ri Juda, bru Gẹdalaya rhe vwẹ obi Mizpa; ayen de koko wain vẹ emamọ rẹ ọkeuvo buebu.

Jerimaya 44:2

Enẹ Ọrovwohwo rẹ otuofovwi, Ọghẹnẹ rẹ Izrẹl, tare: Wa mrẹ umiovwo re me ghwarhe enu ri Jerusalẹm vẹ enu rẹ irere ri Juda ejobi, Nighe, none na ayen kẹ ofefe, ohwo rha dia aye-en,

Jerimaya 44:6

Vwẹ ọtiọye na ophu mẹ vẹ ivuemiovwo mẹ ko hwe ku irere ri Juda vẹ irhuvwu ri Jerusalẹm kọ je la mu ayen, ayen ke rhe dia ẹghwọrọ vẹ ofefe, ọtiobo rọ epha nonẹ na.

Jerimaya 6:9

Enẹ Ọrovwohwo rẹ otuofovwi na tare. Gbo otu ri chekọ vwẹ Izrẹl; Ọtiobo re gbo vain, gba vwẹ obọ wẹn wan rhe kerẹ ohwo rọ kọrọ otiẹ vwẹ enu rẹ eghọn rọye.

Daniẹl 9:7

Ọvwata, E Ọrovwohwo, obọ wẹn ọ epha, ẹkẹvuọvo vwọ kẹ avwanre ozighi vọn avwanre opharo, kirobo rọ epha vwẹ ẹdọke ri nonẹ, kẹ ihwo ri Juda, vẹ ihwo re dia Jerusalẹm, kugbe Izrẹl ejobi, te e re kẹrẹ vẹ e re hẹ ogboko, vwẹ otọ ejobi ru wọ djẹ ayen ra fiki rẹ ozighi rẹ ayen gbe kpahe owẹ.

Livitikọs 26:33

Ke Me cha hra ovwan ro irere na ejobi, eda re dje phihọ ako ejobi ke che yoro ayen phia fiki rẹ ovwan otọ na kọ cha dia ofefe, irere re ovwan ejobi ka kua ayen fiotọ.

Emọs 3:1

Nyo ota nana rẹ Ọrovwohwo ta kpahe owẹ na, E ihwo rẹ Izrẹl, vwọ kpahe orua na ejobi re Me reyọ nẹ otọ rẹ Ijipt rhe na;

Jona 4:3

Vwẹ ọtiọye na, E Orovwohwo, reyọ arhọ mẹ nẹ uvwe oma, me rẹ wẹ kidie o yoma kẹ vwẹ ri mi vwo ghwu nọ ọ re me da rhọ.

Maika 2:3

Eriyin na, enẹ Ọrovwohwo na tare: nighe Me herọ jẹ iroro umwemwu vwọ kpahe orua nana, we se si ọhọre rẹ ovwan no-o; ovwan sa yan phuoma-a fikiridie ọke yena cha dia ọke ọbrabra .

Urhi Rivẹ 30:1

Ọke rẹ imu nana ejobi de bru ovwan rhe re, ebruba vẹ ekan, re mi phihọ obaro rẹ ovwan na, ovwan Me karohọ ayen vwẹ ohri rẹ ẹgborho vwẹ asan rẹ Ọrovwohwo rẹ Ọghẹnẹ djẹ ovwan ra na,

Urhi Rivẹ 30:4

Ọ da dianẹ ihwo ra djẹ kufia vwẹ usun rẹ ovwan na hẹ obo etan rẹ odjuvwu dede, Ọrovwohwo Ọghẹnẹ rẹ ovwan na cha ghwẹ ayen koko rhe, ọ cha reyọ ovwan nẹ oboyi rhe,

Ẹvwọphia 6:16

ri bunu se igbenu na kugbe eragha na, Shenyẹ avwanre re wo si avwanre nu kẹ opharo rẹ ohwo ro tidia vwẹ enu rẹ ekete na, ji kugbe ophu rẹ Omogodẹ na;

Ẹvwọphia 9:6

Vwẹ ọke yena ihwo ke guọnọ ughwu yẹ ayen sa mrẹ-ẹ; urhuru rẹ ughwo kọ si ayen ughwu kọ mrẹ ayen djẹ.