Jerimaya 8:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Ifuen gbe hẹ Giliad? Ọbo hẹ oboyi? Kidie rha suọ re gbi sivwi arhọ rẹ ọmọtẹ rẹ ihwo mẹ-ẹ? na-a?

Jerimaya 8:22 ပူးပေါင်းရင်းမြစ်များ

Jẹnẹsis 37:25

Ayen tidia te otọ kẹ ayen ria emu, ayen vwọ kpare opharo ayen da mrẹ usun rẹ ihwo rẹ Ishmael ri nẹ Giliad cha, vẹ usun rẹ iyesi rayen re ghwa orhọrhe, adjija, kugbe egẹ, re yanran kpo Ijipt.

Jẹnẹsis 43:11

Etiyin ọsẹ rayen Izrẹl da ta kẹ ayen, ọ da dia ọtiọye, gbe ru ọna: gba sanọ ibi rẹ emamọ esiri rẹ otọ na ẹvo phihọ ekpo, ra phare ọko rhe ohwo na, imi shani vẹ ọnyọ, urho, adjija, ibi ri pistachio, kugbe orhomrẹ.

Jerimaya 14:19

Wọ ghwa siẹn Juda tototo? Ki Zayọn ghwe tu erhi wẹn oma? Die wọ vwọ ghwiẹ avwanre, rẹ esivwo gbe herọ kẹ avwanre-e? Avwanre phiẹro phihọ ufuoma, ye erhuvwu cha-a; vwẹ ọke rẹ esivwo, gbe nighe kẹ uguegue.

Jerimaya 22:6

Kidie enẹ Ọrovwohwo tare kpahe uwevwi rẹ ovie ri Juda: Wọ họhọ Giliad kẹ vwẹ, kerẹ enu ri Libanọn, dede na uyota mi che ru we phihọ aton, phihọ orere re jẹ dia.

Jerimaya 46:11

Yanran kpo obi Giliad, wọ reyọ adjija, E ọmọtobẹ rẹ Ijipt na! Wọ reyọ ihuvwu ibuebu wẹn na kufia; esivwo herọ kẹ wẹ-ẹ.

Jerimaya 51:8

Kpregede ọye Babilọn she guọghọ; viẹ ke! Kẹ umwuodirhẹ fiki rẹ odjadja rọye na; ọkeọvo e mi se sivwo vwobọ.

Jerimaya 6:7

Obo rẹ orhare sẹro rẹ ame rọye djidjidji ye, ọtioye ọ sẹro rẹ orukuruku rọye djidjidji; omuru gidigidi vẹ eghwọrọ ọye enyo vwẹ evun rọye; emiavwe vẹ oma ẹnwan eye me mrẹre vwẹ obaro mẹ vwẹ ọke ejobi.

Jerimaya 9:1

E manẹ uyovwi mẹ kẹ ame, rẹ ibiẹrọ mẹ da dia ogbugbu rẹ oviẹ? rere me a vie te ason te uvo fiki rẹ irivwi rẹ ọmọtẹ rẹ ihwo mẹ na!

Jerimaya 9:11

Mi che ru Jerusalẹm phihọ erhurhu, mi che ruo phihọ unu rẹ erha mi che ru irere ri Juda phihọ ofefe, ihwo gbe dia-a.

Uvwerhe 2:13

Kidie me sa ta kẹ wẹ, eyẹ kidie mi vwo dje we, E ọmọtẹ ri Jerusalẹm? Didi emu mi vwo dje we rere mi se vwo bru uwe uche, E ọmọtobẹ ri Zayọn? kidie ẹghwọrọ wẹn hẹre kere abadi; kono se sivwi uwe?

Izikiẹl 27:17

Juda kugbe otọ rẹ Izrẹl vẹ owẹ chueki; ayen me vwẹ ọka, oliv, kugbe owe re ka mọ, ọnyọn evwri kugbe udẹ vwo wene ekuakua rẹ eki wẹn.

Ukeri 32:1

Asakiephana emọ ri Rubẹn kugbe emọ ri Gad de vwo uchuru buebu gbidi; ayen da mrẹ otọ ri Jazer kugbe otọ ri Giliad, nighe, asan na da dia asan rẹ uchuru.

Iyẹnrẹ Esiri ri Luk 8:43

Ayen rọ dia afe ikpe ihwivẹ re ohwo ọvuọvo se sivwo-o,.