Jerimaya 8:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² ka hra ayen phihọ kẹ ọnre vẹ emeranvwe kugbe otu re hẹ obenu ejobi, e rẹ ayen guọnọre rẹ ayen je ga na, rẹ ayen yan nene na, rẹ ayen nenesi rọye, rẹ ayen vwẹ uyovwi kpotọ kẹ; a gbe sa ghwẹ ayen koko-o, e ji se shi ayẹ-ẹn ayen ke họhọ isọn vwẹ otọ na.

Jerimaya 8:2 ပူးပေါင်းရင်းမြစ်များ

Ivie rẹ Ivẹ 17:16

Ayen da siẹn irhi rẹ Ọrovwohwo Ọghẹnẹ rayen, ayen de duvwu upene rẹ irhuẹn ivẹ kẹ oma rayen, ayen da ma Ashera, ayen da gọ ema rẹ obo odjuvwu, ayen da gọ Baal.

Ivie rẹ Ivẹ 21:3

Kidie ọ rhoma bọn egbada ri Hẹzikaya ọsẹ rọye guọghọre na; ọ da so agbada kẹ Baal, ọ da rha ma Ashera kirobo rẹ Ehab ovie rẹ Izrẹl ruru, ọ da gọ ekuakua ri obenu na, o de ze kẹ ayen.

Ivie rẹ Ivẹ 21:5

Ọ da so egbada kẹ ekuakua rẹ obenu na vwẹ eguan ivẹ re hẹ evun rẹ uwevwi rẹ Ọrovwohwo na.

Ivie rẹ Ivẹ 23:5

O de si irherẹn re gọ ẹdjọ na ni ẹdia rẹ irherẹn rẹ ivie ri Juda vwo mu nẹ etorhẹ ugboduma vwẹ asan ri Kpenu vwẹ irere ri Juda re yariẹ Jerusalẹm phihọ; eriyin je hẹ otu re torhẹ ugboduma kẹ Baal, vwọ kẹ ọnre vẹ emeranvwe vẹ isio, vẹ ekuakua ejobi rẹ hẹ idjuvwu na.

Une rẹ Ejiro 53:5

Etiyin ayen epha, vwẹ evun rẹ oshọ rode, vwẹ oshọ ra je mrẹ siẹvo-o! Kidie Ọghẹnẹ cha hra ibeku rẹ ohwo umwemwu; Oma cha vọ ayen, kidie Ọghẹnẹ sen ayen.

Une rẹ Ejiro 83:10

ra ghwọrọre vwẹ Ẹndọr, ri hirhe phihọ isọn kẹ otọ na.

Une rẹ Ejiro 83:11

Ru ehọnvwọnre rayen kerẹ Orẹb vi Zeeb, isun rayen ejobi kerẹ Zeba vi Zalmunna,

Aghwoghwo 6:3

Ọ da dianẹ ohwo vwiẹ emọ ujọri, rọ da dia akpọ ikpe buebu, rẹ ikpe rọye da dia buebu, ẹkẹvuọvo ọ gbe mrẹ avwerhe rẹ omamọ rẹ akpọ eyere-e, e gbi rhe sho omamọ rẹ esho-o, me tare nẹ ọmọ rẹ evwiẹ chọra yovwi nọ ohwo yena.

Jerimaya 14:16

Ihwo rẹ ayen mraro kẹ na a cha djẹ ayen nẹ irhuvwu ri Jerusalẹm re dia ihwo rẹ owẹvwe vẹ ọlọkọ che hwe, ohwo ro shi ayen gbe dia-a, eya rayen, emeshare rayen, kugbe emetẹ rayen. Kidie mi che kuẹ umwemwu rayen phihọ enu rayen.

Jerimaya 16:11

Etiyin wọ ke vuẹ ayen nẹ: Fikiridie esẹ rẹ ovwan sen vwẹ, eriyin Ọrovwohwo tare, ayen de nene edjọ efa ayen da ga ayen, ayen da vwẹ uyovwi kpotọ kẹ ayen, ayen da sen vwẹ, ayen gbe yọnrọn urhi mẹ-ẹ,

Jerimaya 16:4

Emiavwe ọbrabra che hwe ayen. A cha viẹ aye-en, e ji che shi aye-en; ayen cha họhọ isọn vwẹ enu rẹ otọ na. Ọlọkọ vẹ owẹvwe che hwe ayen, irivwi rayen ke dia emuọre kẹ emephran rẹ enu kugbe eranvwe rẹ akpọ na.

Jerimaya 16:6

Ihwo ride vẹ ihwo itete che ghwẹ vwẹ otọ nana, e che shi aye-en, ọ rọ viẹ ayen gbe dia-a eyẹ kẹ ọ ro bru ẹto eyẹ ọ rọ wanrẹ uyovwi kẹ aye-en.

Jerimaya 19:13

Iwevwi ri Jerusalẹm kugbe iwevwi rẹ ivie ri Juda–iwevwi ra dia enu rayen da torhẹ izobo kẹ otu rẹ obenu ejobi, ra da vwẹ idi gọ iye kẹ eghẹnẹ efa, e che gbe ayen ẹgua vwi Tọfẹt.

Jerimaya 22:19

Obo re shi ekẹtẹkẹtẹ ọye esho, e kpono e mi do phihọ abọ oboyi rẹ inurhoro ri Jerusalẹm.

Jerimaya 25:33

Otu rẹ Ọrovwohwo hweri vwẹ ẹdẹ yena cha riẹn nẹ oba rẹ akpọ ọvo re te ọrivẹ. A cha viẹ aye-en, e ji koko aye-en, e ji shi aye-en, ayen cha dia isọn vwẹ enu rẹ otọ na.

Jerimaya 31:40

Iyara rẹ irivwi na ejobi vẹ iwurhie na, kugbe idju na ejobi rhiri re te uto ri Kidrọn, te akakọ rẹ Unurhoro rẹ Iyesi na ro ni obaro ọnre na, cha dia fuanfọn kẹ Ọrovwohwo. E gbi che ghwie ọfa-a e gbi ji kuo kufia bẹdẹ-ẹ.

Jerimaya 36:30

Ọtiọye na enẹ Ọrovwohwo ta kpahe Jehoiakim ovie ri Juda, O che vwo ohwo ro tidia ekete ri Devid na-a, e che mu orivwi rọye kufia phihọ oheri rẹ uvo vẹ ekpahe rẹ ason.

Jerimaya 9:20

Ovwan gbe nyo, E eya, ota rẹ Ọrovwohwo na, re we jẹ erhọn rẹ ovwan reyọ ota rẹ ugbunu rọye, yono emetẹ wẹn obo ra viẹ dohwo dọrivẹ rọye so ine rẹ uvweri kẹ.

Jerimaya 9:21

Kidie ughwu te evakpo rẹ avwanre re, ọ rọ ighẹn rẹ avwanre re, o re bru emọ na nẹ irhuvwu rẹ avwanre, imighene na nẹ ọguan na.

Jerimaya 9:22

Ta, Enẹ Ọrovwohwo na tare: Irivwi rẹ ihwo na che she, kerẹ isọn ra kpare phihọ uphephẹ kerẹ ekrẹbe rẹ ihwo ri vuẹ orhọ ohwo ọvuọvo gbe ghwẹ ayen koko-o.

Izikiẹl 29:5

Ke me kpare owẹ phihọ evun rẹ aghwa te owẹ te iyeri re ivwori wẹn, ku we she phihọ uphephẹ ghwroro, a rha ghwẹ ovwan koko-o siẹvo kẹ esho-o. Me vwẹ ovwan ru emuọre kẹ eranvwe rẹ aghwa ta emephran rẹ enu.

Izikiẹl 39:5

Wo che she phihọ evun rẹ uphephẹ, kidie me tarọ nure, eriyin Ọrovwohwo Ọghẹne tare.

Izikiẹl 6:5

Ke me riẹn oma rẹ irivwi rẹ ihwo rẹ Izrẹl phihọ obaro rẹ ema rayen, ke me hra ibeku wẹn riariẹ agbada na phihọ.

Izikiẹl 8:16

O da reyọ ovwẹ rhe ọguan rẹ uherevie rẹ uwevwi rẹ Ọrovwohwo na, gbe nighe, vwẹ anurhoro rẹ uwevwi rẹ Ọrovwohwo na, vwẹ uvwre rẹ ọmọguan na vẹ agbada na, ihwo kerẹ uje gbẹ ẹnẹ herọ, ri chuku ku uwevwi rẹ Ọrovwohwo, ayen de chuko ku uwevwi rẹ Ọrovwohwo na ji hirhe opharo ku ọnre, re ga ọnre na.

Zẹfanaya 1:17

Me cha vwẹ omaẹghwọrọ vwọ ihwo na, ọtiọye na ayen ke yan divwi divwi kerẹ irhuẹro, fikiridie ayen ru imwemwu kpahe Ọrovwohwo; ka mwavwe ọbara rayen kuotọ kerẹ iwurhie, uvwo rayen kerẹ isọn.

Zẹfanaya 1:5

Otu ri diguẹ phihọ ọkpọ rẹ uwevwi vwọ kẹ otu rẹ obenu, otu ri diguẹ ayen mie duvwe iyori kẹ Ọrovwohwo ye ayen je vwẹ ode ri Milkọn duvwẹ Iyori.

Iruo rẹ Iyinkọn na 7:42

Ẹkẹvuọvo Ọghẹnẹ da yan jẹ ayen vwo o de fovwo ayen phihọ egagọ rẹ ekuakua re hẹ obo odjuvwu, kirobo re siro phihọ ọbe rẹ emraro na; ovwan hwe eranvwe vwọ gọ vwẹ kugbe izobo, ikpe ujuvẹ soso vwẹ evun rẹ aghwa, E uwevwi rẹ Izrẹl?

Urhi Rivẹ 17:3

ro de gbe odibo kẹ ẹdjọ rọ da ga ayen, ọnre eyẹ emeranvwe eyẹ emu efa rẹ obo odjuvwu, re Me djẹ ovwan na,

Urhi Rivẹ 4:19

Jomaotọ wa da rhe kpare opharo rẹ ovwan ni enu, rhe mrẹ ọnre vẹ emeranvwe kugbe isio na, kugbe otu rẹ obenu na ejobi, i mi sun ovwan ghwru, we mi shekpotọ kẹ ayen, ga ayen, e rẹ Ọrovwohwo Ọghẹnẹ vwọ kẹ ihwo rẹ akpọ na ejobi.