Jerimaya 8:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ọ dia Dan e de nyo inwe ẹ fiọn rẹ iyesi rayen; kugbe ẹguangon rẹ azanọ rẹ rayen, otọ na soso de kpogho. Ayen rhere ayen da ghwọrọ otọ na kugbe obọ re vọnrọn, ọrere na ve ọtu re dia ejobi.

Jerimaya 8:16 ပူးပေါင်းရင်းမြစ်များ

ỌBE RẸ JOB 39:20

Wẹ re nẹrhẹ o pho kerẹ abaka? Ekperẹ rọye na muoshọ gangnn.

Une rẹ Ejiro 24:1

Akpọ na o rẹ Ọrovwohwo kugbe obo re vọnrọ ejobi, akpọ na kugbe obo re dia evun rọye ejobi;

Jerimaya 10:25

Ku ophu wẹn ku ẹgborho ri ju we ẹriẹn kugbe ihwo ri se ode wẹ-en, kidie ayen mu Jekọp rọn, ayen murọ rọn ayen guọgherọ te otọ ayen ru ẹdia rọye phihọ ofefe.

Jerimaya 3:24

Nẹ ọke emọ rẹ avwanre rhe, ọye emu rẹ omẹvuọ nana vwọ ghwọrọ obo rẹ esẹ rẹ avwanre wian kẹ igegede vẹ uchuru rayen, emeshare vẹ emetẹ rayen.

Jerimaya 30:16

Ọtiọye na ihwo ri mu ovwan rọ ejobi ke ji mu ayen rọ ivwighrẹ rẹ ovwan ejobi, ọvuọvo rayen, ki kpo imu, otu re ghwa ovwan reyọ ejobi ka je ghwa ayen reyọ, iri shenyẹ ovwan ejobi ke ji shenyẹ ayen rhe.

Jerimaya 30:5

Enẹ Ọrovwohwo tare: Avwanre nyo edo rẹ ogidi rode na, rẹ imuoshọ, ufuoma herọ-ọ.

Jerimaya 4:24

Mi vwo ni igbenu na, me vwọ mrẹ ayen ki kpogho, igbenu itete na herọ kpo uko kpo aro.

Jerimaya 4:7

Okpohrokpo nẹ evun rẹ etu rọye rhe, ọghwọrọ rẹ ẹgborho na yan phiare; ọ yan nẹ asan rọye re rere ọ ru otọ rẹ ovwan phihọ ofefe irere rẹ ovwan ke cha dia erhurhu ohwo gbe dia aye-en.

Jerimaya 47:3

Vwẹ edo rẹ ichiyotọ rẹ isi eshare rọye, vwẹ ẹdjẹ rẹ ekpẹrẹ rọye, vwẹ eghorie rẹ idjuge rayen, esẹmọ na rhe ni uko nẹ emọ raye-en, eriyin abọ rayen ghwrọghọ te,

Jerimaya 5:17

Ayen cha re orhọ wẹn vẹ emuọre wẹn, ayen cha re emeshare wẹn vẹ emetẹ wẹn, ayen cha re igegede wẹn vẹ ichuru wẹn; ayen cha re vain wẹn vẹ owe wẹn; irere ra gba ogba phihọ ru wọ vwẹ ẹro so na, ayen cha vwẹ ọlọkọ ghwọrọ ayen.

Jerimaya 50:42

Ayen yọnrọn umurhabọ vẹ ubiri, Ayen ihwo ọkon, inẹ aruẹdọ-ọ Edo rayen họhọ ohonre rẹ abadi, ayen gua vwẹ enu rẹ iyesi, ayen rhuẹrẹ oma phihọ kerẹ ohwo ro kpo ofovwi vwọ so owẹ. E ọmọtẹ ri Babilọn!

Jerimaya 51:29

Otọ na kpogho chahoma vwẹ odjadja, kidie iroro rẹ Ọrovwohwo jẹn kpahe Babilọn ji mudia, ro vwo ru otọ ri Babilọn ofefe, ohwo cha dia-a.

Jerimaya 6:23

Ayen yọnrọn umurhabọ vẹ oshuẹ, ihwo umwemwu ri nẹ aruedọ-ọ, edo rayen họhọ ohọnre rẹ abadi ayen gua vwẹ enu re iyesi e nabo hwa phihọ kerẹ ihwo re hẹrhẹ ofovwi e hwa kpahe owẹ, E ọmọtẹ ri Zayọn!

Nahum 3:2

Edo rẹ uphiẹphiẹ, kugbe edo rẹ adjugẹ, iyesi ri pho kugbe hwrogho hwrogho rẹ akpẹrẹ!

Habakọk 3:10

Igbenu na mrẹ wẹ, ki muẹ oma chahe, ame rọ họnra na ra djẹ phihọ obaro, asan ikokodo na de kperi urhuru phia, ọ kpare obọ rọye kpenu.

1 Kọrẹnt 10:26

Kidie akpọ na ọ rẹ Ọrovwohwo kugbe obo re hẹ evun rọye.

1 Kọrẹnt 10:28

Ẹkẹvuọvo ohwo ọvo da ta kẹ owẹ nẹ, A vwẹ ọnana gọ iye, fiki rẹ eroro kẹ ohwo rọ vnẹ wẹ na jovwo–

Iguẹdjọ 18:29

Etiyin ayen de mu odẹ kẹ orere na nẹ Dan vwọ kpahe odẹ rẹ ọsẹ rayen rode re se Dan, ohwo re vwiẹ kẹ Izrẹl, ẹkẹvuọvo Laish ọye odẹ re ke mu kẹ orẹre na jovwo.

Iguẹdjọ 20:1

Etiyin ihwo rẹ Izrẹl ejobi de vrẹn nẹ obi Dan rhe Bẹẹrshẹba, kugbe otọ ri Giliad, ogbotu na de rhi koko kerẹ ohwo ọvo ayen de bru Ọrovwohwo rhe vwi Mizpa.

Iguẹdjọ 5:22

Kẹsiẹye e ki nyo edo rẹ ichiyi rẹ iyesi ri pho, ri pho kraekrae.