Jerimaya 8:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Die avwanre vwo tidia gbiei? Sioma koko, re avwanre yan ruẹ irere ra gba ogba phihọ na, re me ghwu vwẹ etiyin; kidie Ọrovwohwo Ọghẹnẹ rẹ avwanre vwẹ ughwu vwọ pẹtiẹ avwanre, ọ da vwẹ obi kẹ avwanre da, kidie avwanre ru umwemwu kpahe Ọrovwohwo.

Jerimaya 8:14 ပူးပေါင်းရင်းမြစ်များ

2 Samuẹl 20:6

Devid da ta kẹ Abishai, Asakiephana Sheba rẹ ọmọ ri Bichri cha wan avwanre oma nọ obo rẹ Absalọm ruru. Reyọ idibo rẹ ọrovwovwe wa vwọ tua, ọ de rhi vwo irere ra gba ogba riariẹ, ọ da rhe kẹ avwanre ukpokpoma. Ihwo erha de nene.

Une rẹ Ejiro 39:2

Mi diunu me da fọ gbiẹi, Mi rhurhu unu yo fi emuọvo-o, ọdjarhe mẹ ko miovwẹ phihọ,

Une rẹ Ejiro 69:21

Ayen da vwẹ obi ru emuọre kẹ vwẹ, ki viniga me dare vwo fue urhuru rẹ ame mẹ.

Aizaya 47:5

Tidia fo gbiẹi, yanran kpo evun re ebri, E ọmọtẹ ri Kaldia, kidie e gbi che se we ọfa nẹ oni rẹ uvie

Jerimaya 14:20

Ma rhọvwe umwemwu rẹ avwanre, E Ọrovwohwo, vẹ orukuruku rẹ esẹ rẹ avwanrẹ, kidie me ru umwemwu kpahe owẹ.

Jerimaya 14:7

Owenẹ imwemwu re avwanre se oseri hwe avwanre dede, ru emu ọvo fiki rẹ odẹ wẹn E Ọrovwohwo; kidie esiohuko rẹ avwanre buru gangan, avwanre ru umwemwu kpahe owẹ.

Jerimaya 23:15

Ọtiọye na enẹ Ọrovwohwo rẹ otuofovwi na ta kpahe emraro na: Nighe, me cha vwẹ emu ro muenu ghẹrẹ ayen, me ke ayen ame rẹ obi da, kidie vwẹ obọ rẹ emraro ri Jerusalẹm Jẹn ọghẹnẹ ẹriẹn rhe wan ro otọ na ejobi.

Jerimaya 3:25

Jẹn avwanre ji sherhẹ vwẹ evun rẹ omẹvuọ rẹ avwanre, ji jẹ ọghọ emuo rẹ avwanre ji rhurhu avwanre, kidie avwanre vẹ esẹ rẹ avwanre ru umwemwu kpahe Ọrovwohwo Ọghẹnẹ rẹ avwanre nẹ ọke emọ rẹ avwanre rhe rhi te nonẹ na; avwanre ji nyo urhuru rẹ Ọrovwohwo Ọghẹnẹ rẹ avwanre na-a.

Jerimaya 35:11

Ẹkẹvuọvo ọke rẹ Nebukadreza ovie ri Babilọn vwọ rhe rhi mu kpahe otọ nana re, ma da ta, Wa mọ, ra yanran kpo Jerusalẹm fiki rẹ oshọ rẹ unuofovwi rẹ ihwo ri Kaldia vẹ unuofovwi rẹ ihwo ri Siria na. Kọye ma vwọ dia Jerusalẹm na.

Jerimaya 9:14

ẹkẹvuọvo yẹ ayen ji nene udu ọgangan rayen, ayen da yan nene Baal, kirobo esẹ rayen yono ayen.

Jerimaya 9:15

Vwẹ ọtiọye na enẹ Ọrovwohwo rẹ otuofovwi na, Ọghẹnẹ rẹ Izrẹl, tare Kighe, me cha vwẹ akoro vwọ ghẹrẹ ihwo nana, me da vwẹ ame rẹ obi kẹ ayen da.

Uvwerhe 3:19

Karophihọ oma ẹlaghọ mẹ vẹ eyarọ mẹ, akoro kugbe akrasa.

Livitikọs 10:3

Etiyin Mosis da ta kẹ Erọn nẹ, Ọnana obo rẹ Ọrovwohwo tare, Mi dje oma mẹ phia fuanfon vwẹ ohri rẹ ihwo ri si kẹrẹ ovwẹ, kugbe obaro rẹ ihwo ejobi a da vwẹ urinrin kẹ vwẹ. Erọn de fotovwi gbiẹi.

Emọs 6:10

Ọke rẹ omoni rẹ ohwo na, ohwo rọ torhẹ na, de muo kpenu rere ọ ghwẹ ibeku rọye nẹ evun rẹ uwevwi na rhe, rọ da ta kẹ ohwo rọ obẹtan rẹ uwevwi na nẹ, Ohwo ọfa ji kugbe uwe? Kọ ta nẹ, Ẹjo, kọ cha ta Rhurhu unu! E jẹn avwanre se odẹ rẹ Ọrovwohwo-o.

Habakọk 2:20

Ẹkẹvuọvo yẹ Ọrovwohwo hẹ evun rẹ uwevwi ọfuanfon rọye e jẹn akpọ na ejobi fọ riẹi vwẹ obaro rọye.

Zekaraya 2:13

Ihwo ejobi, fọ gbiẹi vwẹ obaro rẹ Ọrovwohwo; kidie ọ kpare oma rọye nẹ ẹdia ọfuanfọn rọye rhire.

Matiu 27:34

Ayen da vwẹ udi rọ yara korokoro kẹ, rọ vwọ davwọ o jọ da-a.

Urhi Rivẹ 29:18

Wa kẹnoma eyẹ a da rhe mrẹ ọshare eyẹ aye eyẹ orua eyẹ uvwiẹ ọvo, rẹ udu rọye kurhẹriẹ jẹ Ọrovwohwo Ọghẹnẹ rẹ avwanre vwo nonẹ na ra ga edjọ rẹ ẹgborho yena; eyẹ a da rhe mrẹ ọvo rọ mọ omamọ ro vwo obi kugbe omamọ ro muenu vwẹ uherevie rẹ ovwan,

Urhi Rivẹ 32:32

Kidie vain rayen nẹ vain ri Sodọm rhe, o ji nẹ aghwa ri Gomora rhe; otie rayen otie rọ vwo obi, ẹrhẹghẹ rayen yara.