Jerimaya 8:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ọke mi vwo si ayen koko, eriyin Ọrovwohwo na tare, a gbe mrẹ otiẹ vwẹ enu ri vain na-a eye emamọ vwẹ enu rẹ urhe rẹ owe-e. Ẹbe na dede je ghwa ya yẹ obo re me vwọ kẹ ayen wan ayen vrẹn nure.

Jerimaya 8:13 ပူးပေါင်းရင်းမြစ်များ

Aizaya 5:10

Kidie ẹbẹre otọ ihwe ri vain gbe sa vọu oze-e kugbe egheghẹre re ibi ra kọnre gbe sa vọn iputusẹ-ẹ.

Jerimaya 14:12

Owenẹ ayen chirẹ owẹvwe, mi che nyo oviẹ raye-en, owenẹ ayen ji ze izobo rẹ ẹtorhẹ vẹ izobo rẹ eka dede, me rhọvwe reyọ aye-en, ẹkẹvuọvo me vwẹ ọlọkọ vẹ owẹvwe vẹ emiavwe guọghọ ayen.

Jerimaya 14:15

Ọtiọye na enẹ Ọrovwohwo tare kpahe emraro ri mi jiri-i ye vwẹ odẹ mẹ mraro na, ere ta nẹ, ọlọkọ vẹ owẹvwe sa rhe otọ nana-a! ọlọkọ vẹ owẹvwe cha ghwọrọ emraro yena.

Jerimaya 17:8

Kọ họhọ urhe ra kọn phihọ asame, rẹ awọ roye djẹ ro ẹtẹrhe, rọ djẹ oshọ rẹ oheri-i, kidie ẹbe rọye epha wọnwọn, ọ rọ ẹnwan rẹ ukpe rẹ uvo rhovworo-o, kidie o jẹn emamọ emọ-ọ.

Jerimaya 5:17

Ayen cha re orhọ wẹn vẹ emuọre wẹn, ayen cha re emeshare wẹn vẹ emetẹ wẹn, ayen cha re igegede wẹn vẹ ichuru wẹn; ayen cha re vain wẹn vẹ owe wẹn; irere ra gba ogba phihọ ru wọ vwẹ ẹro so na, ayen cha vwẹ ọlọkọ ghwọrọ ayen.

Jerimaya 7:20

Vwẹ ọtiọye na enẹ Ọrovwohwo Ọghẹnẹ na tare: Nighe, mi che ku ivuemiovwo mẹ vẹ ophu mẹ phihọ etinẹ na, phihọ enu rẹ ohwo vẹ eranvwe, phihọ enu rẹ irhe rẹ aghwa vẹ emamọ rẹ otọ na, ọ cha la e se fuo-o.

Izikiẹl 22:31

Fiki rẹ ọtiọye na ki mi ku ophu mẹ ku ayen; me vwẹ erhanre rẹ ophu mẹ torhẹ ayen, ke me guọnọ idjerhe rayen vwẹ enu rẹ uyovwi rayen, eriyin Ọrovwohwo Ọghẹnẹ tare.

Hosia 2:12

Ke me guọghọ irhe ri vain vi figi rọyẹ, rọ ta ota kpahe nẹ, Enana osa mẹ, rẹ esen mẹ vwọ kẹ vwẹ. Mi ru ayen hirhe phihọ egbo, eranvwe rẹ aghwa ke re ayen.

Joẹl 1:7

Ọ da guọghọ vain mẹ ejobi, ọ da dia irhe ri fig mẹ; ọ da kpẹn ehọrọ rayen kuotọ e de ru eghọn rayen fon.

Livitikọs 26:20

ovwan ke vwẹ ogangan rẹ ovwan wian owian kufia, kidie otọ rẹ ovwan gbi che yovwi emu-u, irhe re otọ na gbe rha mọ-ọ.

Habakọk 3:17

Owenẹ urhe ri fig rha kpa ipho dede-e, eyẹ ibi gbe hẹ enu ri vai-in, rẹ urhe rẹ oliv gbe mọ-ọ re idju na gbi yovwi emu-u ro gbi vwo ekru rẹ eranvwe vwẹ erhu-u,

Hegae 1:11

Ke me vwẹ ọkarovwẹ rẹ ame rhe otọ na vẹ igbenu na, ọkarovwẹ rẹ ọka, ọ rẹ udi ọboba, ọ rẹ ọfigbo, ọ rẹ obo rẹ djẹ nẹ otọ cha, ọ rẹ enu rẹ ohwo vẹ eranvwe, ji kugbe owian rẹ obọ rayen ejobi.

Hegae 2:17

Me vwẹ uvo ọgangan ve imicho vwọ ghwọrọ owẹ vẹ ekankọn ri nẹ otọ wẹn cha ejobi kugbe owian rẹ abọ wẹn, dede na wo rhivwi bru vwe rhe-e, eriyin Ọrovwohwo na tare.

Malakae 3:11

Ke me cha ghwọ ku ife vẹ eghwọghwọ re ghwọrọ emu ejobi fiki wẹ re ayen vwo je unu edje te obo rẹ ovwan kọnre ejobi, udju ri vain wẹn kọ mọ ọ gbe fa-a, eriyin Ọrovwohwo rẹ otuofovwi na tare.

Matiu 21:19

Rọ vwọ mrẹ urhe rẹ owe vwẹ orhoma rẹ idjerhe, o de te esiri rọye, ọ mrẹ emuọvo vwẹ enu rọye-e; jokpa rẹ ẹbe ọvo; ọ da ta kẹ nẹ, Ohwo ọvuọvo gbe sa re ubi wẹn bẹdẹ-ẹ.

Jems 1:11

Kidie ọnre cha bẹrẹ rhe vẹ uvo ogangan, rhi mu ẹbe na, i mi rhi vwioro, idodo na mi rhi she kufia, erhuvwu rọye ejobi mi rhi ghwru kufia: eriyin ọdafe vẹ oyan rẹ eki rọye je cha phoriẹn kufia.