Jerimaya 8:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Oma tobọ vo ayen siẹ rẹ ayen de gbe ẹgua na? Ẹjo, oma vo ayen phiephe-e, ayen riẹ obo re muẹ oma phihọ-ọ. Ọtiọye na ayen ki che she phihọ ohri rẹ otu ri sheri, Ọke mi de hwe ayen kẹ ayen rhurie she, eriyin Ọrovwohwo tare.

Jerimaya 8:12 ပူးပေါင်းရင်းမြစ်များ

Jẹnẹsis 19:34

Vwẹ ẹdẹ rivẹ, oro ọkpako da ta kẹ ọ rẹ otete, Nighe, Me vẹ ọsẹ Me ri gbe sherhẹ ason rọ wanre na, jẹ a je vwẹ udi kẹ da vwẹ ason na rhe, rere wọ vẹ ọye je vwerhẹ rhe, rere vwẹ oma rọye uvwiẹ rẹ avwanre vwo je fue.

Une rẹ Ejiro 52:1

Die wọ vwọ yan eyan, E ọgba re ohwo na re umwemwu ru wo ru kpahe ohwo esiri? Vwe ẹdẹ na ejobi wọ ra je iroro rẹ ẹguọghọ.

Une rẹ Ejiro 52:7

Nighe ohwo rọ vwẹ Ọghẹnẹ ru odjahọ rọye-e, ẹkẹvuọvo ọ de vwe ẹro so efe buebu rọye, o de re si oma nu vwẹ evun re efe rọye.

Aizaya 24:2

Eriyin ọ cha dia, obọ rọ dia kẹ ihwo na, ọtiọye ọ je dia kẹ irherẹn na, obo rọ dia kẹ ọviẹn, ọtiọye ọ je dia kẹ ọrovworo, obo rọ dia kẹ ukọpha, ọtiọye ọ je dia kẹ ọpha, obo rọ dia kẹ ọ rọ dẹ, ọtiọye o je dia keẹ ọrọshẹ, ọbo rọ dia kẹ ọ ro momo kẹ ihwo ọtiọye ọ je dia kẹ ọ re o momo kẹ obo rọ dia kẹ ọrọvwigho ọtiọye ọ je dia kẹ ọriesa.

Aizaya 3:9

Ẹbẹbẹrọvo rẹ ayen nẹ na ko se oseri hwe ayen; ayen ghwoghwo umwemwu rayen kerẹ Sodọm, ayen sionẹ-ẹ. Ekan kẹ ayen! Fikiridie ayen ọvo so okpetu nana kẹ oma rayen.

Jerimaya 10:15

Ayen fiemu-u iruo rẹ ophiẹvwe, ọke re ehwe rayen kẹ ayen cha ghwọrọ.

Jerimaya 14:15

Ọtiọye na enẹ Ọrovwohwo tare kpahe emraro ri mi jiri-i ye vwẹ odẹ mẹ mraro na, ere ta nẹ, ọlọkọ vẹ owẹvwe sa rhe otọ nana-a! ọlọkọ vẹ owẹvwe cha ghwọrọ emraro yena.

Jerimaya 23:12

Ọtiọye na idjerhe rayen kọ dia kẹ ayen kerẹ idjerhe rọ ghworiẹ vwẹ ebri, ra cha djẹ ayen rua rẹ ayen de she; kidie me cha ghwẹ umiovwo rhe ayen vwẹ ukpe rẹ ehwe rayen, eriyin Ọrovwohwo tare.

Jerimaya 3:3

Ọtiọye na a vwo da eghwẹghwẹ rẹ osio na ji yẹ osio rẹ owanre je rhọ-ọ, yu wo vwo oka rẹ ọfarhiẹ vwẹ arhare oma sa vo ovwa-an.

Jerimaya 44:10

Ayen je vwẹ oma rayen kpoto rhi te nonẹ na-a, ayen je djẹ osho-o, ayen je yan phihọ evun rẹ urhi vẹ iji ri mi phihọ obaro rẹ ovwan vẹ obaro rẹ esẹ rẹ ovwan na-a.

Jerimaya 6:15

Oma vo ayen vwẹ ọke rẹ ayen de gbe ẹgua? Ejo, oma vo aye kakaka-a ayen riẹn obo re muẹ opharo phihọ. Vẹ ọtiọye na ayen she phihọ ohri rẹ otu ri sheri, vwẹ ọke ri mi de hwe ayen ke phi ayen wan, eriyin Ọrovwohwo na tare.

Jerimaya 6:21

Ọtiọye na enẹ Ọrovwohwo na tare; Nighe, mi che mu uchukurhe umwemwu phihọ idjerhe rọ kprọ ihwo nana awọ she; te ese te emọ ejobi te oko te ugbeyan cha ghwọrọ

Izikiẹl 23:18

Ọke ro vwo gbe ọfanrhiẹn na gbonozẹ ọtiọye rọ vwọ vwẹ ẹba rọye nẹ nu, mi de chuko kuo vẹ omaetuo, kirobo mi chuko ku oniọvo rọye rẹ ọmọtẹ.

Hosia 5:9

Ifrem ko che hirhe phihọ erhurhu vwẹ ẹdẹ rẹ ojaẹriọ, vwẹ ohri rẹ uvwiẹ rẹ Izrẹl mi de ghwoghwo obo ri muẹro

Zẹfanaya 3:5

Ọrovwohwo rọ hẹ evun rọye na ọvwata o ruẹ, o ruẹ obo re chọrẹ-ẹ; kirhiọke kirhiọke o vwo dje ọsoso rọye phia, ọke rọ rhieri chọ obọ-ọ; ẹkẹvuọvo ohwo rọ dia ọsosọ-ọ riẹn omaẹvuọ-ọ.

Urhi Rivẹ 32:35

Ihri ẹriọ ọmẹ mẹvwẹ re hwa osa ọke rẹ owọ rayen da ghworiẹ kidie ẹdẹ rẹ okpetu rayen sikẹre re, ughwu rayen cha kpregede.

Filipae 3:19

Oba rayen kẹ ẹghwọrọ, ẹdjọ rẹ ayen gọ kẹ evun, omaẹvuọ rayen kọye ayen vwọ yan eyan, vẹ iroro rẹ ayen vwọ kpahe emu rẹ akpọ na.