Jerimaya 8:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Vwẹ ọke yena, eriyin Ọrovwohwo na tare, ibeku rẹ ivie ri Juda, ibeku rẹ isun rọye, ibeku rẹ irherẹn rọye, ibeku rẹ emraro na, kugbe ibeku rẹ ihwo ri Jerusalẹm, ke che ghwie ayen nẹ evun rẹ ushi rayen rhe;

Jerimaya 8:1 ပူးပေါင်းရင်းမြစ်များ

1 Ivie 13:2

Ohwo na da vwẹ ota rẹ Ọrovwohwo bunu sohọ aghade na, ọ da ta, E agbada, agbada, enẹ Ọrovwohwo tare: Nighere, e che vwiẹ ọmọ vwẹ uwevwi ri Devid na, re se Josaya; kọ cha vwẹ irherẹn rẹ asan ro kpenu na re torhẹ insẹns vwẹ enu wẹ na vwo ze izobo vwẹ enu we; ka cha torhẹ ibeku rẹ ihwo vwẹ enu wẹ.

Ivie rẹ Ivẹ 23:16

Ri Josaya vwọ rhẹriẹ oma, ọ da mrẹ ishi vwẹ etiyin rẹ ughenu na; o de ji ihwo ra tọn ibeku rẹ ishi na phia, ọ da torhẹ ayen vwẹ enu rẹ agbada na, o da gbe ẹgua, kerẹ ota rẹ Ọrovwohwo na rẹ ohwo rẹ Ọghẹnẹ na ghwoghwori, ohwo rọ mraro kpahe imu nana.

Ivie rẹ Ivẹ 23:20

Ọ de hwe irherẹn ejobi rẹ egbada na re vware vwẹ etiyin, phihọ enu rẹ agbada na, ọ da torhẹ ibeku rẹ ihwo vwẹ enu rẹ ayen. Etiyin o de rhivwi kpo Jerusalẹm.

Ivie rẹ Ivẹ 9:37

Orivwi ri Jẹzibẹl cha dia kerẹ isọn vwẹ enu rẹ udju vwẹ evun rẹ ubrotọ ri Jẹzril, ohwo ọvuọvo gbe cha sa ta nẹ, Ọnana Jẹzibẹ-ẹl.

Une rẹ Ejiro 53:5

Etiyin ayen epha, vwẹ evun rẹ oshọ rode, vwẹ oshọ ra je mrẹ siẹvo-o! Kidie Ọghẹnẹ cha hra ibeku rẹ ohwo umwemwu; Oma cha vọ ayen, kidie Ọghẹnẹ sen ayen.

Jerimaya 14:16

Ihwo rẹ ayen mraro kẹ na a cha djẹ ayen nẹ irhuvwu ri Jerusalẹm re dia ihwo rẹ owẹvwe vẹ ọlọkọ che hwe, ohwo ro shi ayen gbe dia-a, eya rayen, emeshare rayen, kugbe emetẹ rayen. Kidie mi che kuẹ umwemwu rayen phihọ enu rayen.

Izikiẹl 37:1

Obọ rẹ Ọrovwohwo da hẹ oma mẹ, ọ da vwẹ ovwẹ phia vwẹ Erhi rẹ Ọrovwohwo, vwẹ uherevie rẹ iyara na, rẹ ọ vọnre vẹ ibeku.

Izikiẹl 6:4

Egbada wẹn ke cha dia ifefe, egbada rẹ incẹns wẹn ke vwirhi ayen, irivwi rẹ ihwo wẹn re hweri ke mu ayen phihọ obaro rẹ ema wẹn.

Izikiẹl 6:5

Ke me riẹn oma rẹ irivwi rẹ ihwo rẹ Izrẹl phihọ obaro rẹ ema rayen, ke me hra ibeku wẹn riariẹ agbada na phihọ.

Emọs 2:1

E nẹ Ọrovwohwo na tare. Fiki rẹ ogbeku erha ri Moab, ji kugbe ẹne, Me gbe sa rhan unu rẹ ehwe na-a, fikirdie ọ torhẹ ibeku rẹ ovie rẹ Idọm hirhe phihọ Iwurhie.