Jerimaya 7:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Kẹ we cho uji, dia ozighẹ, we gbe igberadja, duvwu iyori rẹ eku, torhẹ incens ki Baal, we nene eghẹnẹ efa re ovwan riẹnre-e,

Jerimaya 7:9 ပူးပေါင်းရင်းမြစ်များ

1 Ivie 18:21

Ilaija dẹ rhi sikẹre ihwo na ejobi, ọ da ta, Mavọ ovwan vwo iroro ivivẹ krite? ọ da dianẹ Ọrovwohwo ọye Ọghẹnẹ, we nene; ẹkẹvuọvo ọ da dia Baal, we gbe nene. Ihwo na kpahe ọvuọ kẹ-ẹ.

Ẹyano 20:3

Wo vwo eghẹnẹ efa-a mẹvwẹ ọvo.

Aizaya 1:13

Wo gbi ze izobo gheghe na ọfa-a ugboduma ẹgua kẹ vwẹ. Ọtuphro rẹ emeranvwe kugbe ẹdidjala kugbe ọghwẹgbe re se. Mi se chiri orukuruku vẹ ọghwẹgbe ofuefu na-a.

Aizaya 58:2

Dede na yẹ ayen guọnọ ovwẹ kẹdẹ kẹdẹ, yẹ ayen guọnọ idjerhe mẹ riẹn vẹ aghọghọ, kerẹ ẹgborho ri ruẹ ọvwata re mrẹ iji rẹ Ọghẹnẹ rayen djẹ-ẹ; ayen nọ ekpẹn rẹ orhiebro rẹ ọvwata vwẹ obọ mẹ, ayen vwẹ omavwerhe vwo si kẹrẹ Ọghẹnẹ.

Jerimaya 1:16

Mi brorhiẹ mẹ hwe ayen, fiki rẹ orukuruku rayen rẹ ayen vwo sen vwẹ na; ayen torhẹ izobo kẹ edjọ efa, ayen da gọ iruo rẹ abọ rayen.

Jerimaya 11:13

Kidie obo rẹ irere rẹ ovwan bute eriyin edjọ rẹ ovwan ji bute, E Juda, kirobo rẹ irhuvwu wẹn bute etiọye egbada re vwo vi kẹ omaẹvuọ rẹ ovwan ji bute vwi Jerusalẹm, egbada ra da torhẹ insẹns kẹ Baal.

Jerimaya 11:17

Ọrovwohwo rẹ otuofovwi na, rọ kọn we na, ghwoghwo umiovwo kpahe owẹ, fiki rẹ umwemwu rẹ uwevwi rẹ Izrẹl vẹ uwevwi ri Juda ruru, vwọ nẹrhẹ ovwẹ phihọ ophu rẹ ayen vwo torhẹ incẹns kẹ Baal.

Jerimaya 13:10

Ihwo umwemwu nana, re senre nẹ ayen nyo eta mẹ-ẹ na, re vwẹ udu ọgangan nene udu rẹ obọ rayen vwọ yan nene edjọ efa vwọ gan ayen je vwẹ uyovwi te otọ kẹ ayen na, ayen cha dia kerẹ otehun nana, ro fi emuọvo-o na.

Jerimaya 18:15

Ẹkẹvuọvo me chọrọ ihwo mẹ ẹro, ayen torhẹ insẹns kẹ eghẹnẹ rẹ efian, ayen yẹghrẹ vwẹ idjerhe rayen, vwẹ idjerhe rẹ awanre na, ri hirhe phihọ obẹnẹ rọ dia idjerhe rọde-e.

Jerimaya 19:4

Fikiridie ihwo na sen vwẹ, ayen torhẹ incẹnse kẹ eghẹnẹ efa vwo miovwo etinẹ na, eghẹnẹ re ayen vẹ esẹ rayen kugbe ivie ri Juda riẹnre-e, fikiridie ayen ghwa ọbara rẹ evwata rhe vwọ vọn etine na.

Jerimaya 32:29

Ihwo ri Kaldia re họnra orere nana na cha rhe rhi phi erhanre phihọ orere na, rọ da torhẹ, kugbe uwevwi ra diẹ enu rayen de torhẹ ugboduma kẹ Baal ra da je udi ku edjọ na, rẹ ophu vwo mu vwe na.

Jerimaya 44:3

fiki rẹ umwemwu rẹ ayen ruru rẹ ayen vwọ kpare ophu mẹ, kidie ayen ra torhẹ izobo kẹ edjọ efa ayen da gọ ayen, e rẹ ayen, eyẹ ovwan, eyẹ esẹ rẹ ovwan riẹnre-e.

Jerimaya 44:8

Die sorọ re wọ vwọ reyọ iruo rẹ abọ rẹ ovwan vwọ nẹrhẹ ovwe phihọ ophu, rọ vwọ torhẹ ugboduma kẹ edjọ efa vwẹ otọ ri Ijipt re wa rhere rhe dia na, rere e vwo bru ovwan kufia re we rhi hirhe phihọ ekan vẹ ehwẹje kẹ uvwiẹ rẹ akpọ na?

Jerimaya 44:9

Uvumwemwu rẹ esẹ rẹ ovwan, chọrọ ovwan ẹrọ, rẹ imwemwu rẹ ivie ri Juda, uvumwemwu rẹ eya rayen, uvumwemwu rẹ ekpuyovwi rẹ ovwan, vẹ uvumwemwu rẹ eya rẹ ovwan na, rẹ ayen ruru vwẹ otọ ri Juda kugbe irhuvwu ri Jerusalẹm na?

Jerimaya 48:35

Ki mi che fue vwi Moab, ohwo ro ze izobo vwẹ asan ro kpenu na rọ je torhẹ ugboduma kẹ edjọ rọye, eriyin Ọrovwohwo tare.

Jerimaya 5:2

Owenẹ ayen tanẹ, kirobo rẹ Ọrovwohwo herọ na yẹ ayen duvwu iyori rẹ efian.

Jerimaya 5:7

Mavọ mi se vwo ghovwo ovwan? emọ rẹ ovwan sen vwẹ, e re dia eghẹnẹ-ẹ keye ayen vwo duvwu iyori. Me ghẹrẹ ayen evun vọn nu, ayen ki gbe igberadja kẹ ayen tẹrẹ usun kpo uvwevwi rẹ igberadja.

Jerimaya 7:6

rẹ ovwan gbi shenyẹ ọrhorha-a, rẹ ovwan gbi shenyẹ ọmọphrorivwi-i, kugbe ayeuku-u, eyẹ ovwan gbi sun ọbara ekueku te otọ vwẹ etinẹ na-a, rẹ ovwan gbi nenesi rẹ eghẹnẹ efa-a kẹ emiovwo rẹ ovwa-an,

Izikiẹl 18:18

Vwọ kẹ ọsẹ rọye, fikiridie o yono obo ra ghwa ihwo ria, o cho oniọvo rọye, ọ de ru obo ri je yovwo vwẹ ohri rẹ ihwo rọye, nighe, o che ghwu phihọ orukuruku rọye.

Izikiẹl 20:30

Ọtiọye na gba ta kẹ uwevwi rẹ Izrẹl, Enẹ Ọrovwohwo Ọghẹnẹ tare; We ji miovwi oma rẹ ovwan kirobo rẹ esẹ rẹ ovwan ruru ri ghwru nene obo ri tu ayen oma na?

Izikiẹl 23:39

Kidie ọke rẹ ayen vwo hwe emọ rayen vwo ze izobo kẹ edjọ rayen nu, vwẹ ẹdẹ yena ọvuọvo na ayen da rhe enu rẹ ẹshẹ mẹ rhi gbe ẹgua. Ọnana obo rẹ ayen ruru vwẹ uwevwi mẹ.

Izikiẹl 5:11

Vwẹ ọtiọye na, kirobo re me herọ na, eriyin Ọrovwohwo Ọghẹne tare, uyota, fikirobo wo vwo gbe ẹshẹ mẹ na ẹgua vẹ erharhe eravwọ wẹn ejọbi kugbe ẹgua wẹn ejobi na, vwẹ ọtiọye na ke me nyavwe owẹ te otọ, ẹro mẹ che ju we vwo-o, me je cha re ehrọre-e.

Hosia 2:13

Ki mi vwẹ oja riọ fiki rẹ ẹdorẹ ri Baal ọke rọ vwọ torhẹ insens kẹ ayen rọ vwọ vwẹ Isa vẹ ejọnrọn vwọ rhuẹro oma rọye, ro de nenesi rẹ esen rọye, Me da chọrọ ẹro, ọtiọye Ọrovwohwo tare,

Hosia 6:9

Kirobo rẹ iji hwa phihọ idjerhe hẹrhẹ ohwo ye, otiọye irherẹn na ji se oma koko, ayen da dia izighẹ vwẹ idjerhe ro kpo Shikẹm, uyota, ayen ru obo re brare.

Emọs 4:5

vwẹ obo ri phuru vwọ kpẹvwẹ ẹkpẹvwẹ, re wo ghwoghwo ẹkpẹvwẹ ro nẹ udu rhe, ghwoghwo ayen; kidie ọtiọye ovwan guọnọ ru E ihwo rẹ Izrẹl, Ọrovwohwo Ọghẹnẹ na tarọ.

Zẹfanaya 1:5

Otu ri diguẹ phihọ ọkpọ rẹ uwevwi vwọ kẹ otu rẹ obenu, otu ri diguẹ ayen mie duvwe iyori kẹ Ọrovwohwo ye ayen je vwẹ ode ri Milkọn duvwẹ Iyori.

Malakae 3:5

Ki mi che si kẹre owẹ vwẹ orhiebro; ke me cha dia oseri rẹ okpakpa kpahe ebuepha na, kugbe igberadja na, kugbe otu ri duvwu iyori rẹ ogbarogba na, vẹ otu re ghwa otu re durhie iruo ria na, vẹ otu ri kpokpo eme-phrorivwi vẹ eyauku, otu ri gerẹ erhorha phihọ akakọ, ri jẹ oshọ mẹ ẹdjẹ na; eriyin Ọrovwohwo rẹ otuofovwi na tare.

Ọbe ri Pọl si rhe Ihwo ri Rom 2:2

Avwanre riẹnre nẹ orhiẹ rẹ Ọghẹnẹ ọ hẹ enu rẹ otu ri ruẹ oghẹre rẹ emu ọtiọye na.

Urhi Rivẹ 32:17

Ayen ze izobo kẹ idẹbono re dia edjọ-ọ na, vwọ kẹ edjọ rẹ ayen jẹn riẹ-ẹn, vwọ kẹ edjọ kpopko re rhere na, e re esẹ rẹ ovwan djẹ oshọ kẹ na-a.

Ẹvwọphia 21:8

Ẹkẹvuọvo vwọ kẹ ọvwoshọ, ọ ro jẹ esegbuyota evwo, ọ ro gbe ẹgua, vwọ kẹ ozighẹ, ovwofanrhiẹ, ọmraro, ọgọedjọ, kugbe ọvwọrọn ofian, ughwẹ rayen kẹ ẹtẹrhe rẹ erhanre da tua vẹ ibiosio rẹ erhanre na, kọye hẹ ughwu rivẹ.

Ẹvwọphia 22:15

Otu rẹ eranko na, emraro rẹ ofian, evwofanrhiẹ, izighẹ, egọedjọ, kugbe otu re vwọrọn ofian, ki che mudia otafe.

Iguẹdjọ 5:8

Ọke rẹ ayen vwọ jẹn edjọ ekpokpọ reyọ, Etiyin ofovwi de rhi te inurhoro ka mrẹ ekpọfia eyẹ ishuẹ vwẹ ohri rẹ ihwo uriori ujuvẹ vwẹ evun rẹ Izrẹl na?