Jerimaya 7:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ rẹ ovwan gbi shenyẹ ọrhorha-a, rẹ ovwan gbi shenyẹ ọmọphrorivwi-i, kugbe ayeuku-u, eyẹ ovwan gbi sun ọbara ekueku te otọ vwẹ etinẹ na-a, rẹ ovwan gbi nenesi rẹ eghẹnẹ efa-a kẹ emiovwo rẹ ovwa-an,

Jerimaya 7:6 ပူးပေါင်းရင်းမြစ်များ

Ivie rẹ Ivẹ 21:6

Ọ da vwẹ ọmọ rọye vwo ze izobo, o de yono arọẹmrẹ vẹ epha, ọ vẹ idiẹbo te eriedan ki ruẹ kugbe. Ọ de ru obo re chọre gangan vwẹ obaro rẹ Ọrovwohwo, ọ da nẹrhẹ Ọrovwohwo mu ophu.

Ivie rẹ Ivẹ 24:4

Kugbe ọbara rẹ eku ro sun te otọ, kidie ọ vwẹ ọbara rẹ eku vọn Jerusalẹm, yẹ Ọrovwohwo se vwo ghovwo-o.

Une rẹ Ejiro 106:38

ayen de sun ọbara rẹ ekun kuotọ, ọbara rẹ emeshare kugbe emetẹ rayen, re ayen vwo ze Izobo ke ema ri Kenan, otọ na de rhi gbeku vẹ ọbara.

Isẹ 23:10

Wo kporo ughwru rẹ awanre ra vwọ ghare otọ-ọ, wọ je vwẹ ẹgba vwọ rua otọ rẹ ọmọphrorivwi-i;

Aizaya 59:7

Awọ rayen djẹ ro umwemwu, ayen bru okpakpa suẹn ọbara rẹ ọvwata te otọ, iroro rayen iroro rẹ orukuruku, evẹre vẹ ẹghwọrọ e hẹ idjerhe rayen.

Jerimaya 13:10

Ihwo umwemwu nana, re senre nẹ ayen nyo eta mẹ-ẹ na, re vwẹ udu ọgangan nene udu rẹ obọ rayen vwọ yan nene edjọ efa vwọ gan ayen je vwẹ uyovwi te otọ kẹ ayen na, ayen cha dia kerẹ otehun nana, ro fi emuọvo-o na.

Jerimaya 19:4

Fikiridie ihwo na sen vwẹ, ayen torhẹ incẹnse kẹ eghẹnẹ efa vwo miovwo etinẹ na, eghẹnẹ re ayen vẹ esẹ rayen kugbe ivie ri Juda riẹnre-e, fikiridie ayen ghwa ọbara rẹ evwata rhe vwọ vọn etine na.

Jerimaya 2:30

Mi hwe emọ rẹ ovwan dede na, yẹn ayen vwiro ku obọ rhẹriẹ-ẹ, Ọlọkọ rẹ obọ wẹn hwe emraro wẹn kerẹ okpohrokpo rọ chẹghẹ emu.

Jerimaya 2:34

A mrẹ ọbara rẹ ivwiogbere re hweri ekueku vwẹ ejọjọ rẹ ewun wẹn, ru wọ ru imu nana ejobi na yẹ ayen tọn uwevwi wẹn fi-i.

Jerimaya 26:15

Wa nabọ riẹn gbagba nẹ we de hwe vwe, yẹ ovwan che sun ọbara rẹ ọvwata te otọ kpahe oma rẹ ovwan vẹ enu rẹ orere nana kugbe ihwo re dia ejobi, kidie ghine uyota Ọrovwohwo ri ji vwe bru ovwan rhe nẹ me ta eta nana ejobi phihọ erhọn rẹ ovwan.

Jerimaya 26:23

ayen de mu Uraya nẹ Ijipt rhe vwo rhe Ovie Jehoiakim o de hwe o da kpare orivwi rọye phihọ asan re shi ihwo diodi phihọ.

Jerimaya 35:15

Mi ji idibo mẹ rẹ emraro na ejobi bru ovwan rhe, mi ji ayen ejojo, nẹ, Dohwo didjerhe umwemwu rọye rhẹriẹ ru, wa rhuẹrẹ eyere rẹ ovwan, vwo je edjọ efa ẹyan nene re we jẹn ayen egọ, re wa sa dia evun rẹ otọ re me kẹ ovwan vẹ esẹ rẹ ovwan na. Ẹkẹvuọvo wa vwẹ erhọn kpọtọ-ọ wa je kerhọn mẹ-ẹ.

Jerimaya 5:28

oma da rhe ro ayen sọkọ sọkọ. Ayen riẹn ughwru vwẹ uruemu rẹ orukuruku-u, ayen brorhiẹ rẹ esiri-i ayen nyo ota rẹ ọmọphrorivwi re vwo ruo yovwi-i, ayen je chọ ochọ rẹ ọrakpọbẹ kẹ-ẹ.

Jerimaya 7:5

Kidie ovwan de ghine rhuẹrẹ idjerhe rẹ ovwan vẹ eyere rẹ ovwan phihọ rẹ ovwan de ghine ru ọsoso kẹ ohwohwo,

Jerimaya 7:9

Kẹ we cho uji, dia ozighẹ, we gbe igberadja, duvwu iyori rẹ eku, torhẹ incens ki Baal, we nene eghẹnẹ efa re ovwan riẹnre-e,

Uvwerhe 4:13

Ọna ki fiki rẹ umwemwu rẹ emraro rọye kugbe orukuruku rẹ irherẹn rọye, ri sun ọbara rẹ evwata na ekueku vwẹ ohri rọye.

Izikiẹl 18:6

ọ da dianẹ ọ rha re emu vwẹ enu rẹ ugbenu-u eyẹ ọ rha kpare opharo kpenu vwo ni ema rẹ uwevwi rẹ Izrẹl na-a, o rhe gbe aye rẹ ọrivẹ rọye ẹgua-a eyẹ o rhe bi kẹre aye rọ hẹ ọke rọye-e,

Izikiẹl 22:7

Ọsẹ vẹ oni a vwẹ ayen jehwe vwẹ evun wẹ, ọrhorha rọ hẹ uherevie wẹn, wa karhiẹn emu rọye mie, te ọmọphrorivwi te ayeuku e ru ayen chọ vwẹ evun wẹn.

Livitikọs 19:33

Ọrhorha da kua bru we rhe otọ wẹn, wo ruo emu omiomiovwi-i.

Livitikọs 25:17

Ovwan ruẹ ohwohwo chọ-ọ ẹkẹvuọvo ovwan djẹ oshọ rẹ Ọghẹnẹ rẹ ovwan; kidie Mẹvwẹ Ọrovwohwo Ọghẹnẹ rẹ ovwan,

Malakae 3:5

Ki mi che si kẹre owẹ vwẹ orhiebro; ke me cha dia oseri rẹ okpakpa kpahe ebuepha na, kugbe igberadja na, kugbe otu ri duvwu iyori rẹ ogbarogba na, vẹ otu re ghwa otu re durhie iruo ria na, vẹ otu ri kpokpo eme-phrorivwi vẹ eyauku, otu ri gerẹ erhorha phihọ akakọ, ri jẹ oshọ mẹ ẹdjẹ na; eriyin Ọrovwohwo rẹ otuofovwi na tare.

Matiu 27:25

Ayen da kpahe ta nẹ, Ọbara rọye dia enu rẹ uyovwi rẹ avwanre vẹ emọ rẹ avwanre.

Matiu 27:4

nẹ, Mi ru chọ, re me vwọ shẹ ọvwata na ekueku. Ẹkẹvuọvo ayen da ta nẹ, ọye dia ota rẹ avwanre-e, ọye ota wẹn.

Urhi Rivẹ 11:28

ke rha ekan, ọ da dianẹ wa rha kerhọ rẹ irhi rẹ Ọrovwohwo Ọghẹnẹ rẹ ovwan na-a, vwo kurhẹriẹ nẹ idjerhe mi ji urhi rọye kẹ ovwan nonẹ na, re nene ẹdjọ, rẹ ovwan riẹnre-e.

Urhi Rivẹ 24:17

Ase rẹ ọrhorha eyẹ ọ rẹ omophrorivwi wo kuorhẹriẹ-ẹ, wọ je reyọ amwa rẹ ayeuku viẹnwa-a,

Urhi Rivẹ 27:19

Ekan kẹ ohwo rọ rhẹriẹ ase rẹ ọrhorha, ọ rẹ ọmophrorivwi kugbe ayeuku. Ihwo na ejobi Me kpahe tanẹ, Isẹ.

Urhi Rivẹ 8:19

O de rhi te, ọ da dianẹ Ọrovwohwo Ọghẹnẹ wẹn chọrọ owẹ ẹro, ro wọ da yan nene ẹdjọ, wọ da ga ayen, ji shiguẹ kẹ ayen, Me vuẹ wẹ nonẹ nẹ wo ghinẹ ghwu.

Jems 1:27

Omamọ rẹ egagọ ro jẹ ẹgua evwo vwẹ obaro rẹ Ọghẹnẹ rẹ avwanre kugbe Ọsẹ rẹ avwanre na ọ na, rere o mie te asan rẹ emephran orivwi kugbe eyauku re hẹ ukpokpogho, rere o rhe si oma rọye phrẹphrẹ nẹ etatọrọ rẹ akpọ na.