Jerimaya 7:32 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³² Ọtiọye na, gbe nighe, ẹdẹ cha, eriyin Ọrovwohwo na tare, re vwo je se Tofẹt ọfa, ẹkẹvuọvo ke se iyara rẹ Ihwehwe, kidie Tofẹt kọye ayen che shi ihwo phihọ, kidie asan ọfa gbe herọ-ọ.

Jerimaya 7:32 ပူးပေါင်းရင်းမြစ်များ

Ivie rẹ Ivẹ 23:10

O de gbe Tofet ẹgua, rọ hẹ evun rẹ iyara rẹ emọ ri Hinọm, rere ohwo ọvuọvo vwo jẹ ọmọshare rọye eyẹ ọmọtẹ rọye ẹ vwọ tọn vwo ze izobo kẹ Molẹk.

Jerimaya 19:11

Wọ ta kẹ ayen nẹ, Enẹ Ọrovwohwo rẹ otuofovwi tare: Ọtiọye mi che hwe ihwo nana kugbe orere nana, kirobo rẹ ohwo hwe ochẹ rẹ ọmaichẹ, a gbe sa rhuẹrẹ-ẹ. E che shi ihwo vwẹ Tọfẹt fikifidie asan ọfa re shi ihwo phihọ gbe herọ-ọ.

Jerimaya 19:13

Iwevwi ri Jerusalẹm kugbe iwevwi rẹ ivie ri Juda–iwevwi ra dia enu rayen da torhẹ izobo kẹ otu rẹ obenu ejobi, ra da vwẹ idi gọ iye kẹ eghẹnẹ efa, e che gbe ayen ẹgua vwi Tọfẹt.

Jerimaya 19:2

wọ yan kpọ Iyara rẹ Hinnọm vwẹ asan anurhoro rẹ Igbephẹre na, wo dia etiyin de ghwoghwo eta re me ta kẹ wẹ na.

Jerimaya 19:6

Ọtiọye na, nighe, ẹdẹ cha, eriyin Ọrovwohwo tare, re gbi se etinẹ na Tọfẹt ọfa-a, eyẹ Iyara ri Hinnọm ọfa-a, ẹkẹvuọvo ke se nẹ Iyara re de hwe ihwo.

Jerimaya 31:40

Iyara rẹ irivwi na ejobi vẹ iwurhie na, kugbe idju na ejobi rhiri re te uto ri Kidrọn, te akakọ rẹ Unurhoro rẹ Iyesi na ro ni obaro ọnre na, cha dia fuanfọn kẹ Ọrovwohwo. E gbi che ghwie ọfa-a e gbi ji kuo kufia bẹdẹ-ẹ.

Jerimaya 7:31

Ayen bọn ẹdia ro kpenu ri Tofẹt, rọ hẹ iyara rẹ emọ ri Hinnọm, rẹ ayen da torhẹ emeshare vẹ emetẹ rayen vwẹ erhanre; ọ re me vuẹ aye-en, ro ji nẹ iroro mẹ rhe-e.

Izikiẹl 6:4

Egbada wẹn ke cha dia ifefe, egbada rẹ incẹns wẹn ke vwirhi ayen, irivwi rẹ ihwo wẹn re hweri ke mu ayen phihọ obaro rẹ ema wẹn.

Livitikọs 26:30

Ke Me cha guọghọ imukpe re ovwan ejobi, ke Me nyavwe agbada re insẹns rẹ ovwan she, ki mi che mu irivwi re ovwan phihọ enu rẹ irivwi rẹ ẹdjọ re ovwan ejobi, ovwan ki che tue erhi mẹ oma.