Jerimaya 7:30 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁰ Fikiridie emọ ri Juda ru emu omiomiovwi vwẹ obaro mẹ eriyin Ọrovwohwo na tare, ayen mu orukuruku rayen vi vwẹ uwevwi ra vwẹ odẹ mẹ se na, ayen de gbe ẹgua.

Jerimaya 7:30 ပူးပေါင်းရင်းမြစ်များ

Ivie rẹ Ivẹ 21:3

Kidie ọ rhoma bọn egbada ri Hẹzikaya ọsẹ rọye guọghọre na; ọ da so agbada kẹ Baal, ọ da rha ma Ashera kirobo rẹ Ehab ovie rẹ Izrẹl ruru, ọ da gọ ekuakua ri obenu na, o de ze kẹ ayen.

Ivie rẹ Ivẹ 21:4

Ọ da so egbada phihọ evun rẹ uwevwi rẹ Ọrovwohwo, rẹ Ọrovwohwo ta kpahe nẹ, Evun ri Jerusalẹm mi che phi odẹ mẹ phihọ.

Ivie rẹ Ivẹ 21:7

Ọ da reyọ oma rẹ Ashera re duvwuru na phihọ evun rẹ uwevwi rẹ Ọrovwohwo ta kẹ Devid vi Solomon ọmọ rọye, Vwẹ evun rẹ uwevwi nana kugbe evun ri Jerusalẹm, re me sanọ reyọ vwẹ orua ejobi rẹ Izrẹl na, Mi che phi odẹ mẹ phihọ bẹdẹ.

Ivie rẹ Ivẹ 23:12

Kugbe egbada rẹ okpo rẹ uvun rẹ enu rẹ Ahaz, rẹ ivie ri Juda soro, kugbe egbada ri Manasse so phihọ eguan ivẹ re hẹ evun rẹ uwevwi rẹ Ọrovwohwo na, o de ghwiẹ ayen notọ ọ da guọghọ ayen ivwivwuvwu, o de tue iwurhie rayen phihọ uto ri Kidrọn.

2 Ikun rẹ Ivie 33:15

Ọ da kpare ẹdjọ erhorha na kugbe oma kufia nẹ evun rẹ uwevwi rẹ Ọrovwohwo na, kugbe egbada rọ so phihọ ugbenu rẹ uwevwi rẹ Ọrovwohwo na vwi Jerusalẹm, ọ da kpare ayen kufia nẹ evun rẹ orere na.

2 Ikun rẹ Ivie 33:3

Kidie ọ rhoma bọn asan ri kpenu rẹ ọsẹ rọye Hẹzekaya kporo she jovwo, ọ da so egbada kẹ Baal, o de kuere oghriki, ọ da gọ ekuakua rẹ obo odjuvwu ejobi, ọ da ga ayen.

2 Ikun rẹ Ivie 33:7

Oma rẹ kare na o de muo phihọ uwevwi rẹ Ọghẹnẹ na, rẹ Ọghẹnẹ ta kẹ Devid kugbe Solomọn rẹ ọmọ rọye, Vwẹ uwevwi nana, kugbe evun ri Jerusalẹm, re me jẹreyọ vwẹ orua rẹ Izrẹl ejobi na, ọye mi phi odẹ mẹ phihọ bẹdẹ;

Aizaya 66:4

Mẹvwẹ ọvo kọ cha je okpetu kẹ ayen, Me djẹ oshọ mu ayen; kidie, ọke mi vwo se, ohwo ọvuọvo nyori-i, Me vwọ ta ota ayen kerhọ-ọn, ẹkẹvuọvo ayen ru umwemwu vwẹ obaro Mẹ, ayen da je obo ri tu vwe oma ru.

Jerimaya 16:18

Me hwa osa rẹ orukuruku vẹ imwemwu rayen kpahe kẹ ayen, fikiridie ayen vwẹ irivwi rẹ edjọ rayen ri mioma na vwo imovwi otọ mẹ, ayen vwẹ ẹgua-egbe rayen vọn ukuẹriọ mẹ.

Jerimaya 23:11

Tẹ ọmraro tẹ orherẹn riẹn Ọghẹnẹ-ẹ, vwẹ evun rẹ uwevwi mẹ me da mrẹ umwemwu rayen vughe eriyin Ọrovwohwo tare.

Jerimaya 32:34

Ayen phi ometuo rayen phihọ uwevwi ra vwẹ odẹ mẹ se vwo miovwo.

Jerimaya 32:35

Ayen bọn asan rọ kpenu kẹ Baal vwẹ iyara rẹ ọmọ ri Hinọm, rẹ ayen da vwẹ emeshare vẹ emetẹ rayen vwọ gọ iye kẹ Mọlẹk, mi ji aye-en, ọ je hẹ iroro mẹ-ẹ, nẹ ayen ru ẹgua nana, vwọ nẹrhe Juda ru umwemwu.

Izikiẹl 7:20

Ekuakua iyoyovwi rẹ oma ẹrhuẹrẹ rayen ayen de ghwa ayen diodi, ayen vwẹ ihoho rẹ ẹgua rayen vwo ru obo ri tuoma rayen; vwẹ ọtiọye na ki mi ru obo ri jẹfuọn kẹ ayen.

Izikiẹl 8:3

O da vwẹ obo re họhọ obọ na vwọ phia, ọ da yọnrọn eme rẹ ẹto rẹ uyovwi me ọvo, Erhi na da kpare ovwẹ phelephele kpenu, ọ da vwẹ ovwẹ kpo Jerusalẹm ra mrẹ emramrẹ rẹ Ọghẹnẹ, vwo kpo ughere vẹ anurhoro rẹ ọguan rọ hẹ obo ẹtan ro hirhe aro ku obọhwẹre ọnre, asan rẹ agbara rẹ uhoho rẹ omẹriọ epha, rọ rhanriẹ omẹriọ na.

Daniẹl 11:31

Ihwo rẹ ofovwi rọye ke cha vwẹ oma phia ki che gbe uwevwi rẹ Ọghẹnẹ na ẹgua vẹ ọgba na, kọ reyọ izobo rẹ ẹtorhẹ re kọke kọke na no. Kẹ ayen cha vwẹ imu rẹ ẹgua re guọghọ asan na vwo muẹ.

Daniẹl 9:27

Ọ vẹ ihwo buebu ke cha re ọphọ ọgangan vwẹ edidjana ọvo; ubro rẹ edidjana ọfa izobo re zeri kọ daji, vwẹ enu rẹ ibekpe rẹ ẹguegbe, kọye ohwo ọvo rọ cha kua fiọtọ che nurhe, bẹsiẹ ra cha vwọ kpare oba rẹ urhi rọye na ku ọ ro gburhi na.