Jerimaya 7:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Enẹ Ọrovwohwo rẹ otuofovwi na tare, Ọghẹnẹ rẹ Izrẹl na Rhuẹrẹ idjerhe wẹn ve eyere wẹn phihọ ke me rhọvwe nẹ ovwan dia etinẹ.

Jerimaya 7:3 ပူးပေါင်းရင်းမြစ်များ

Ivie rẹ Ivẹ 17:13

Dede na yẹn Ọrovwohwo ji ọmraro kọmraro kugbe ọmrẹ kọmrẹ ra nẹ Izrẹl vi Juda iroro, nẹ, Kurhẹriẹ nẹ idjerhe umwemwu rẹ ovwan na rere ovwan sẹro rẹ irhi mẹ kugbe iji mẹ, ovwan yọnrọn ayen kirobo ri mi ji urhi vwọ kẹ esẹ rẹ ovwan, kirobo ri mi ji idibo mẹ emraro na rhi yono ovwan.

Ezra 10:11

Asakiephana wa gba fan efanfan kẹ Ọrovwohwo Ọghẹnẹ rẹ ọse rẹ ovwan, rere ovwan ru ẹguọnọ rọye, wa hẹriẹ oma rẹ ovwan nẹ ihwo rẹ otọ na ji vwo nẹ oma rẹ eya erhorha na.

Isẹ 28:13

Ohwo ro si ogbeku rọye nu che se yovwẹ-ẹ, ẹkẹvuọvo ohwo rọ rhọvwerọ ro de siobọ nẹ ayen cha mrẹ arodọvwẹ.

Aizaya 55:7

Jẹn oruimwemwu je imwemwu rọye vwo, re ohwo umwemwu jẹ iroro ọbrabra rọye vwo, jẹn o rhivwi bru Ọrovwohwo, rere o ni arodọvwẹ rọye, bru Ọrovwohwo, kidie evwoghovwo rhere buebu.

Jerimaya 17:25

Kẹsiẹye ivie ke sa wan anurhoro nana ro orere na, re tidia enu rẹ ekete ri Devid, re gua akpẹrẹ kugbe iyesi, ayen kugbe isun rayen, ihwo ri Juda kugbe ihwo re dia Jerusalẹm; kẹ ihwo dia orere nana bẹdẹ

Jerimaya 18:11

Ọtiọye na gba ta kẹ ihwo ri Juda vwẹ asakiephana re wọ je ta kẹ ihwo re dia Jerusalẹm, Enẹ Ọrovwohwo tare, Nighe, me herọ choma re umiovwo kpahe owẹ, me je jẹ iroro kpahe owẹ. Dohwo didjerhe umwemwu rọye kurhẹriẹ nu wa rhuẹrẹ idjerhe vẹ eyere rẹ ovwan phihọ.

Jerimaya 18:8

ọ da dianẹ orere yena, re me ta ota kpahe na, kurhẹriẹ nẹ umiovwo rọye, ki mi ji kurhẹriẹ jẹ umiovwo ri mi rori nẹ mi ruo jovwo na.

Jerimaya 26:13

Ọtiọye na ovwan gba rhẹriẹ idjerhe rẹ ovwan, wa je rhẹriẹ iruo rẹ ovwan asakiephana, re we nyo urhuru rẹ Ọrovwohwo Ọghẹnẹ rẹ ovwan, Ọrovwohwo ko kurhẹriẹ nẹ umiovwo ro ghwoghwori kpahe ovwan na.

Jerimaya 35:15

Mi ji idibo mẹ rẹ emraro na ejobi bru ovwan rhe, mi ji ayen ejojo, nẹ, Dohwo didjerhe umwemwu rọye rhẹriẹ ru, wa rhuẹrẹ eyere rẹ ovwan, vwo je edjọ efa ẹyan nene re we jẹn ayen egọ, re wa sa dia evun rẹ otọ re me kẹ ovwan vẹ esẹ rẹ ovwan na. Ẹkẹvuọvo wa vwẹ erhọn kpọtọ-ọ wa je kerhọn mẹ-ẹ.

Jerimaya 35:16

Emọ ri Jonadab rẹ ọmọ ri Rekab yọnrọn urhi rẹ ọsẹ rayen vwọ kẹ ayen ẹkẹvuọvo ihwo nana nyo vwe-e.

Jerimaya 4:1

Ọ da dianẹ wo kurhẹriẹ, E Izrẹl, eriyin Ọrovwohwo tare, mẹvwẹ wo kurhẹriẹ bru rhe. Ọ da dianẹ wo si ẹgua wẹn nẹ obaro mẹ ru wọ gbe phariẹ-ẹ.

Jerimaya 6:16

Enẹ Ọrovwohwo na tare, Mudia vwẹ oma rẹ idjerhe, wo ni, wọ nọ ekpen re idjerhe rẹ awanre na asan rẹ omamọ rẹ idjerhe epha, ru wa yan phihọ, re wọ mrẹ urovwoma vwọ kẹ ẹnwẹn rẹ ovwan Ẹkevuọvo ayen da ta nẹ, Avwanre cha yan phihọ-ọ.

Jems 4:8

Si kẹrẹ Ọghẹnẹ, rere o si kẹrẹ owẹ. Hworhẹ abọ rẹ ovwan iruimwemwu na; hworhẹ udu rẹ ovwan rọ fon, ovwan otu ri vwo iroro ivẹ.