Jerimaya 7:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ dede na ayen kerhọn mẹ-ẹ, ayen je vwẹ erhọn kpotọ-ọ, ẹkẹvuọvo ayen vẹ udu kpohro, ayen ru miovwi nọ esẹ rayen.

Jerimaya 7:26 ပူးပေါင်းရင်းမြစ်များ

1 Ivie 14:22

Juda de ru obo re brare vwẹ obaro rẹ Ọrovwohwo, ayen da vwẹ imwemwu re ayen ruru vwọ kpare omẹriọ rọye, nọ obo rẹ esẹ rayen ri chekọ ruru.

1 Ivie 14:9

ẹkẹvuọvo wẹ kọye me ru umwemwu no ihwo na ejobi re ka obaro kẹ wẹ wo de re duvwu ẹdjọ efa kugbe ema ra wraure, wọ da kpare ophu mẹ, wo de mu vwe phihọ obuko;

Ivie rẹ Ivẹ 17:14

Ẹkẹvuọvo ayen kerhọ-ọ, ẹkẹvnọvo ayen de fi udu gbere kirobo rẹ esẹ rẹ ayen ruru ri jẹ Ọrovwohwo Ọghẹnẹ rayen esegbuyota.

Ivie rẹ Ivẹ 17:15

Ayen da jẹ irhi rọye fia, kugbe ọphọ rọ vẹ esẹ rayen rere, kugbe okpa rọ kpa kẹ ayen. Ayen da yan nene ema rẹ efian, ayen de nene ẹgborho re yariẹ ayen phihọ, rẹ Ọrovwohwo kpa ọkpa kẹ ayen nẹ ayen nene-e na.

2 Ikun rẹ Ivie 30:8

We rhe jẹn udu rẹ ovwan dia gangan kerẹ esẹ rẹ ovwa-an, ẹkẹvuọvo wa vwẹ oma kpotọ kẹ Ọrovwohwo, re we bro rhe ẹshẹ rọye, ro ru fon bẹdẹ, re wa rhe ga Ọrovwohwo Ọghẹnẹ wẹn, rere ophu rẹ ovwan ro muo vwo fue.

2 Ikun rẹ Ivie 33:10

Ọrovwohwo da ta ota kẹ Manasse kugbe ihwo rọye, ẹkẹvuọvo ayen davwerhọ-ọn.

2 Ikun rẹ Ivie 33:23

Ọ rha vwẹ oma rọye kpotọ kẹ Ọrovwohwo-o, kirobo ri Manasse ọsẹ rọye vwẹ oma kpotọ, ẹkẹvuọvo Amọn nana da re abe rhurhu abe.

Nehemaya 9:29

Wọ da ta kẹ ayen nẹ ayen rhoma yọnrọn urhi na. Dede na ayen mu oma kpenu ayen mu ọghọ kẹ irhi wẹ-ẹn, ẹkẹvuọvo ayen de ru umwemwu kpahe iji wẹn, re ohwo da yọnrọn ọ me rhọ, ayen de si igabọ te ohọre vẹ udu kpohro e gbe rha davwerhọ-ọn,

Isẹ 29:1

Ohwo ra ghwọ kuẹ kọke kọke, yẹ udu rọye gan phihọ, che she kpregede e rhe che se sivwo-o.

Aizaya 48:4

Fikiridie Me rlenre nẹ wo vwo udu, ohọre wẹn irien rẹ utehru arhanre wẹn kẹ ẹronvwo,

Aizaya 5:4

Die ọfa chekọ re ru kẹ ogba ri vain mẹ, ri mi gbi ru kẹ-ẹ? Ri mi vwo no rhẹro nẹ ọ mọ otiẹ, rọ rha vwọ mọ grape rẹ erivwi?

Jerimaya 11:8

Dede na ayen nyori-i eyẹ ayen je kerhọ-ọn; ẹkẹvuọvo dohwo dudu ọgangan rẹ umwemwu rọye je yan phihọ. Ọtiọye re me da ghwa eta rẹ ọphọ nana kpahe ayen, ri mi jiji kẹ ayen nẹ ayen ru, ẹkẹvuọvo ayen ruro-o.

Jerimaya 16:12

fikiridie we ru miovwi vrẹn esẹ rẹ ovwan, gbe nighe, ovwan dohwo dudu ọgangan rọye je yan nene, wa rhọvwe kerhọn mẹ-ẹ;

Jerimaya 17:23

Dede na ayen kerhọ-ọn ayen je vwẹ erhọn rẹ ayen kpo otọ-ọ, ẹkẹvuọvo ayen de ru udu rayen gan rere ayen vwo mrasan je nyo rere ayen vwo reyọ uyono.

Jerimaya 19:15

Enẹ Ọrovwohwo rẹ otuofovwi, Ọghẹnẹ rẹ Izrẹl, tare, Nighe, me herọ ghwa umiovwo cha orere nana kugbe irere rọye ejobi umiovwo ri mi ghwoghwo kpahọ ejobi, fikiridie ayen gan udu phihọ, ayen rhọvwe nyo eta mẹ-ẹ.

Jerimaya 22:21

Me ta kẹ wẹ vwẹ evun rẹ oyovwe wẹn, ẹkẹvuọvo wọ tare, Me cha kerhọ-ọn, Ọnana uruemu wẹn nẹ emọ rhe, nẹ wo nyo urhuru mẹ-ẹ.

Jerimaya 25:3

Etiyin ikpe uje gbẹ erha re, nẹ ẹgbukpe ihwe gbẹ erha ri Josaya ọmọ rẹ Amọn ovie ri Juda na, rhi te nonẹ na, ota rẹ Ọrovwohwo na bru vwe rhe, me je ta kẹ ovwan ẹtẹta kẹ, dede na wa kerhọ-ọn.

Jerimaya 25:7

Dede na wa kerhọn mẹ-ẹ, eriyin Ọrovwohwo tare, nẹ wa vwẹ iruo rẹ abọ rẹ ovwan kpare ovwẹ ophu vwọ kẹ umiovwo rẹ obọ rẹ ovwan.

Jerimaya 26:5

vwọ kerhọn rẹ eta rẹ idibo mẹ emraro na ri mi ji bru ovwan cha phẹrephẹre na, dede na wa kerhọ-ọn,

Jerimaya 29:19

Fikiridie ayen davwẹ erhọn rẹ eta mẹ na-a ri mu jẹ idibo mẹ rẹ emraro na nẹ e ra ta kẹ ayen kẹsiẹ kẹsiẹ, eriyin Ọrovwohwo tare, ẹkẹvuọvo wa cha kerhọ-ọn, eriyin Ọrovwohwo tare.

Jerimaya 3:13

Takpe rhọvwe abe wẹn ri wo ru kpahe Ọrovwohwo Ọghẹnẹ wẹn re wo ru ẹse wẹn kẹ erhorha re hẹ otọ rẹ urhe ọkpokpọ na.

Jerimaya 32:23

Ayen da ruọ ra dia. Ẹkẹvuọvo ayen nyo urhuru wẹ-ẹ, ayen je yan phihọ urhi wẹ-ẹ; ayen ru emu ọvuọvo re wo jiji kẹ ayen nẹ ayen ru na-a, kọye umiovwo nana ejobi vwo bru ayen rhe.

Jerimaya 34:14

Oba rẹ ikpe esan ohwo kohwo mi siobọ nẹ ohwo ri Hibru rọ dẹre rọ garọ ikpe esan nure; sio nẹ iruo wẹn ro ruẹ kẹ wẹ Ẹkẹvuọvo esẹ rẹ ovwan kerhọ-ọn e je davwerhọn mẹ-ẹ.

Jerimaya 35:15

Mi ji idibo mẹ rẹ emraro na ejobi bru ovwan rhe, mi ji ayen ejojo, nẹ, Dohwo didjerhe umwemwu rọye rhẹriẹ ru, wa rhuẹrẹ eyere rẹ ovwan, vwo je edjọ efa ẹyan nene re we jẹn ayen egọ, re wa sa dia evun rẹ otọ re me kẹ ovwan vẹ esẹ rẹ ovwan na. Ẹkẹvuọvo wa vwẹ erhọn kpọtọ-ọ wa je kerhọn mẹ-ẹ.

Jerimaya 35:17

Vwẹ ọtiọye na, enẹ Ọrovwohwo Ọghẹnẹ rẹ otuofovwi, Ọghẹnẹ rẹ Izrẹl na tare: Nighe, me cha ghwa umiovwo rhurhu Juda vẹ ihwo ri Jerusalẹm ejobi, umiovwo re me ta kpahe ayen jovwe na, fikiridie me ta kẹ ayen yẹ ayen kerhọ-ọn mi se ayen yẹ ayen nyori-i.

Jerimaya 44:16

Vwọ kpahe ota ru wọ ta kẹ avwanre vwẹ odẹ rẹ Ọrovwohwo na, ma sa kerhọn wẹ-ẹ.

Jerimaya 5:3

E Ọrovwohwo ẹro wẹn gbe rha mrẹ uyota? wọ teyọ ayen she, ẹkẹvuọvo yọ miavwẹ aye-en. Wọ guọghọ ayen yẹ ayen kuobọ rhẹriẹ-ẹ, ayen ru opharo rayen gan nọ oragha ayen rhọvwe kurhẹriẹ-ẹ.

Jerimaya 6:10

Kono me vuẹ ono me je kpokpa kẹ, rere ayen vwo nyo? Nighe, erhọn rayen rhurhuru, ayen sa kerhọ-ọn nighe, ota rẹ Ọrovwohwo kọ họhọ ehwẹjẹ kẹ ayen, oma rọye vwerha aye-en.

Jerimaya 6:17

Me da vwẹ erhẹrotọ mu kẹ ovwan, ta nẹ, Kerhọn rẹ edo rẹ ọgban na! Ẹkẹvuọvo ayen tare nẹ, Ma cha kerhọ-ọn.

Jerimaya 7:24

Ẹkẹvuọvo ayen nyori-i, ayen kerhọ-ọn, ẹkẹvuọvo ayen da yan nene iroro rẹ obo rayen vẹ udu ọgangan rẹ udu umwemwu rayen, ayen da ya kpuko o gbe dia obaro-o.

Jerimaya 9:13

Ọrovwohwo tare nẹ: Fiki rẹ obo rẹ ayen vwọ siẹn urhi mẹ ri mi phihọ obaro rẹ ayen na, re ayen rhe nyo urhuru mẹ-ẹ na, vwọ yan nene-e na,

Izikiẹl 12:2

Ọmọ rẹ ohwo, wọ dia uherevie rẹ uwevwi ro muẹkpahe ihwo, ri vwo ẹro re vwọ mrorẹ, ẹkẹvuọvo ye mrorẹ-ẹ, ri vwo erhọn ri vwo nyo ẹme, yi nyo-o;

Izikiẹl 12:3

kidie ayen uwevwi ri muẹkpahe ohwo. Fiki rẹ ọtiọye na, ọmọ rẹ ohwo, gba choma wo kru oghwa rẹ imu kẹ oma wẹn, rere wọ yan kpo imu vwẹ oghẹruvo vwẹ irharo rayen; wọ cha yanran kerẹ ohwo re muru nẹ asan ọvo kpo ọrivẹ vwẹ irharo rayen. Ọkeọvo ayen me riẹn, dede na yẹ ayen uwevwi ro muẹkpahe ohwo.

Izikiẹl 20:30

Ọtiọye na gba ta kẹ uwevwi rẹ Izrẹl, Enẹ Ọrovwohwo Ọghẹnẹ tare; We ji miovwi oma rẹ ovwan kirobo rẹ esẹ rẹ ovwan ruru ri ghwru nene obo ri tu ayen oma na?

Daniẹl 9:6

Avwanre davwerhọn rẹ idibo wẹn vẹ emraro wẹ-ẹn, re vwẹ odẹ wẹn ta ota kẹ ivie rẹ avwanre, isun rẹ avwanre, kugbe esẹ rẹ avwanre te ihwo rẹ otọ rẹ avwanre na.

Hosia 11:7

Ihwo mẹ kẹ ukuko ayen siẹ phihọ kẹ vwẹ, ọtiọye na e de kru oghwa nyẹ ayen, rẹ ohwo ọvuọvo se mu-u.

Zekaraya 7:11

Ẹkẹvuọvo ayen kerhọ-ọn ayen de si igabọn te ohọre, rhurhu erhọn rayen re ayen je nyo.

Malakae 3:7

Rhanvwe ọke rẹ esẹ rẹ ovwan rhe ọye ovwan vwo ku erhọn fia kẹ irhi mẹ rẹ ovwan vwo jẹ ayen ẹyọnrọn. Rhivwi bru vwe rhe, rere mi rhivwi bru ovwan rhe, enẹ Ọrovwohwo rẹ otuofovwi na tare. Ẹkẹvuọvo ovwan ra ta nẹ, Komavọ mi rhivwi vwo?

Matiu 21:38

Ẹkẹvuọvo, eghwẹrẹ na vwọ mrẹ ọmọ na ayen da ta kẹ omoma rẹ ayen nẹ, Ọnana re cha reuku na; yanrhe re avwanre hwe, re avwanre reyọ uku rọye na.

Matiu 23:32

Ovwan gbe ru kirobo rẹ esẹ rẹ ovwan ruru.

Iruo rẹ Iyinkọn na 7:51

Ovwan ihwo re vẹ udu kpoi na, vẹ udu vẹ erhọn koi, ovwan nene Erhi Ofuanfon sivwi oma kọke kọke. Kirobo rẹ esẹ rẹ ovwan ruru, ọtiọye we ji ruẹ na.

Ọbe ri Pọl si rhe Ihwo ri Rom 2:5

Vwe evun rẹ udu rẹ ovwan na ovwan re koko abe kẹ oma rẹ ovwan vwẹ ẹdẹ ophu rọye vwẹ ọke rẹ ọvwata rẹ Ọghẹnẹ da cha vwẹ orhiebro rọye phia.

Urhi Rivẹ 8:20

Ọtiobo rẹ Ọrovwohwo ru ẹgborho na ghwọrọ vwẹ obaro wẹn na ọtiọye wa je ghwọrọ; fikiridie wa rhọvwe kerhọ rẹ urhuru rẹ Ọrovwohwo Ọghẹnẹ rẹ ovwa-an.