Jerimaya 7:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Nẹ ẹdẹ rẹ esẹ rẹ ovwan vwo nẹ otọ rẹ Ijipt rhe rhi te none na, mi vwo ji idibo mẹ emraro na ejejo bru ayen, nẹ ẹdẹ ra ro ẹdẹ,

Jerimaya 7:25 ပူးပေါင်းရင်းမြစ်များ

2 Ikun rẹ Ivie 24:19

Yẹ o ji ji emraro rhe ohri rayen rere ọ vwẹ ayen rhivwi rhe Ọrovwohwo; enana ki se oseri hwe ayen, ẹkẹvuọvo yẹ ayen davwerhọ-ọn.

2 Ikun rẹ Ivie 36:15

Ọrovwohwo na, Ọghẹnẹ rẹ esẹ rayen, de ji ikọn ejobi bru ayen, fikiridie ọ re ehrọre rẹ ihwo rọye kugbe asan rọ dia.

Ezra 9:7

nẹ ẹdẹ rẹ esẹ rẹ avwanre rhe rhi te nonẹ na, ọye avwanre vwọ hẹ evun rẹ abe, vwi fiki rẹ imwemwu rẹ avwanre, avwanre vẹ ivie rẹ avwanre, kugbe irherẹn rẹ avwanre: e vwo mu avwanre phihọ obọ rẹ ivie rẹ otọ na, vwọ kẹ ọlọkọ, vwọ kẹ ighuvwu, vwọ kẹ ugborho, vwọ kẹ omaẹvuọ kirobo rọ epha rhi te nonẹ na.

Nehemaya 9:26

Dede na ye ayen ji vwo udu ayen de mukpahe owẹ ayen de mu urhi wẹn phihọ obuko ayen de hwe emraro wẹn, ri bru ayen uche nẹ i rhivwi bru uwe rhe, ayen de gbe ẹgua rode.

Nehemaya 9:30

Ikpe buebu wo chiri ako rẹ ayen, wọ da wan oma re emraro na vwe Erhi wẹn ta ota kẹ ayen; dede na ayen davwerhọ-ọn. Fiki rẹ ọtiọye na wo de phi ayen phihọ obọ re ihwo rẹ otọ na.

Aizaya 5:4

Die ọfa chekọ re ru kẹ ogba ri vain mẹ, ri mi gbi ru kẹ-ẹ? Ri mi vwo no rhẹro nẹ ọ mọ otiẹ, rọ rha vwọ mọ grape rẹ erivwi?

Jerimaya 11:7

Kidie me da nabọ kpokpa kẹ esẹ rẹ ovwan re me vwọ reyọ ayen nẹ otọ rẹ Ijipt cha, kọke kọke rhi te nonẹ na, tanẹ, Nyo urhuru mẹ.

Jerimaya 25:3

Etiyin ikpe uje gbẹ erha re, nẹ ẹgbukpe ihwe gbẹ erha ri Josaya ọmọ rẹ Amọn ovie ri Juda na, rhi te nonẹ na, ota rẹ Ọrovwohwo na bru vwe rhe, me je ta kẹ ovwan ẹtẹta kẹ, dede na wa kerhọ-ọn.

Jerimaya 25:4

Wa kerhọ-ọn wa je vwẹ erhọn kpotọ re we nyo-o, owene Ọrovwohwo na jẹ idibo na emraro na ejobi bru ovwan rhe vwẹ ọke ejobi,

Jerimaya 29:19

Fikiridie ayen davwẹ erhọn rẹ eta mẹ na-a ri mu jẹ idibo mẹ rẹ emraro na nẹ e ra ta kẹ ayen kẹsiẹ kẹsiẹ, eriyin Ọrovwohwo tare, ẹkẹvuọvo wa cha kerhọ-ọn, eriyin Ọrovwohwo tare.

Jerimaya 35:14

Urhi ri Jonadab ọmọ ri Rekab vwọ kẹ emọ rọye, nẹ ayen da waini-i, ayen yonrọn; ayen dare rhi te none na-a, kidie ayen yọnron urhi rẹ ọsẹ rayen, mi dje ovwan ẹtẹta kẹ, ẹkẹvuọvo wa kerhọn mẹ-ẹ.

Jerimaya 35:15

Mi ji idibo mẹ rẹ emraro na ejobi bru ovwan rhe, mi ji ayen ejojo, nẹ, Dohwo didjerhe umwemwu rọye rhẹriẹ ru, wa rhuẹrẹ eyere rẹ ovwan, vwo je edjọ efa ẹyan nene re we jẹn ayen egọ, re wa sa dia evun rẹ otọ re me kẹ ovwan vẹ esẹ rẹ ovwan na. Ẹkẹvuọvo wa vwẹ erhọn kpọtọ-ọ wa je kerhọn mẹ-ẹ.

Jerimaya 44:4

Dede na mi dje idibo mẹ emraro na ejejo bru ovwan rhe tanẹ, E, we ruẹ emuẹgha nana ro tu vwe oma na-a!

Jerimaya 7:13

Fiki rẹ obo rẹ ovwan vwo ru imu nana, vwẹ asakiephana, eriyin Ọrovwohwo na tare, ọke mi vwo dje ovwan ẹtẹta kẹ wa kerhọ-ọn, mi vwo se ovwan we nyori-i,

Izikiẹl 2:3

O da ta kẹ vwẹ, Ọmọ rẹ ohwo, mi ji we bru ihwo rẹ Izrẹl, bru ẹgborho ri muẹ kpahe ihwo, ri mu kpahe ovwẹ, te ayen te ese rayen gbe urhi mẹ ku rhi te nonẹ na.

Hosia 11:7

Ihwo mẹ kẹ ukuko ayen siẹ phihọ kẹ vwẹ, ọtiọye na e de kru oghwa nyẹ ayen, rẹ ohwo ọvuọvo se mu-u.

Hosia 12:10

Me ta ota kẹ emraro na, Mẹvwẹ ri ruẹ emramrẹ buẹ, Me da rha wan unu rẹ emraro kpe itẹ.

Emọs 2:11

Me da vwẹ emọ rẹ ovwan ẹvo ru emraro, imighene rẹ ovwan ẹvo vwo ru ijigbo. O dia ọtiọye, E ihwo rẹ Izrẹl? Ọrovwohwo na tarọ.

Malakae 3:7

Rhanvwe ọke rẹ esẹ rẹ ovwan rhe ọye ovwan vwo ku erhọn fia kẹ irhi mẹ rẹ ovwan vwo jẹ ayen ẹyọnrọn. Rhivwi bru vwe rhe, rere mi rhivwi bru ovwan rhe, enẹ Ọrovwohwo rẹ otuofovwi na tare. Ẹkẹvuọvo ovwan ra ta nẹ, Komavọ mi rhivwi vwo?

Iyẹnrẹ Esiri ri Luk 11:49

Kọye Aghwanre rẹ Ọghẹnẹ vwọ ta, Mi ji emraro na rhe ayen kugbe iyinkọn ayen hwe ẹvo vwọ ayen mu ẹvo,

Urhi Rivẹ 9:7

Karohọ, wo jo chọrọ owẹ ẹro-o, obo wọ nẹrhẹ Ọrovwohwo wẹn mu ophu vwẹ evun rẹ aghwa na, nẹ ẹdẹ ru wo vwo vrẹn nẹ otọ rẹ Ijipt rhe, rhi te etinẹ na, ọye wo vwo mu kpahe Ọrovwohwo na.