Jerimaya 7:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Ẹkẹvuọvo ayen nyori-i, ayen kerhọ-ọn, ẹkẹvuọvo ayen da yan nene iroro rẹ obo rayen vẹ udu ọgangan rẹ udu umwemwu rayen, ayen da ya kpuko o gbe dia obaro-o.

Jerimaya 7:24 ပူးပေါင်းရင်းမြစ်များ

Nehemaya 9:29

Wọ da ta kẹ ayen nẹ ayen rhoma yọnrọn urhi na. Dede na ayen mu oma kpenu ayen mu ọghọ kẹ irhi wẹ-ẹn, ẹkẹvuọvo ayen de ru umwemwu kpahe iji wẹn, re ohwo da yọnrọn ọ me rhọ, ayen de si igabọ te ohọre vẹ udu kpohro e gbe rha davwerhọ-ọn,

Une rẹ Ejiro 81:13

E manẹ kẹ ihwo mẹ sa kerhọn mẹ vwonẹ, rere Izrẹl yan vwẹ idjerhe mẹ!

Jerimaya 13:10

Ihwo umwemwu nana, re senre nẹ ayen nyo eta mẹ-ẹ na, re vwẹ udu ọgangan nene udu rẹ obọ rayen vwọ yan nene edjọ efa vwọ gan ayen je vwẹ uyovwi te otọ kẹ ayen na, ayen cha dia kerẹ otehun nana, ro fi emuọvo-o na.

Jerimaya 13:11

Kidie obo rẹ otehun ta muẹ ehun rẹ ohwo ye, ọtiọye mi ru uwevwi rẹ Izrẹl ejobi kugbe uwevwi ri Juda ejobi ne tamu uvwe, eriyin Ọrovwohwo tare, rere ayen vwọ dia ihwo mẹ vwẹ odẹ, ejiro, kugbe urinrin, ẹkẹvuọvo ayen kerhọ-ọn.

Jerimaya 15:6

Wọ sen vwẹ, eriyin Ọrovwohwo tare, obobuko wọ cha ra; kọye me vwọ riẹn obọ mẹ kpahe owẹ re me vwọ ghwọrọ owẹ; oma rẹ ufuefu rhọ vwẹ rẹ.

Jerimaya 16:12

fikiridie we ru miovwi vrẹn esẹ rẹ ovwan, gbe nighe, ovwan dohwo dudu ọgangan rọye je yan nene, wa rhọvwe kerhọn mẹ-ẹ;

Jerimaya 17:23

Dede na ayen kerhọ-ọn ayen je vwẹ erhọn rẹ ayen kpo otọ-ọ, ẹkẹvuọvo ayen de ru udu rayen gan rere ayen vwo mrasan je nyo rere ayen vwo reyọ uyono.

Jerimaya 17:9

Udu rẹ ohwo vọnre vẹ ophiẹvwe gangan o miovwiri gangan; ono se vughe?

Jerimaya 18:10

ọ da dianẹ o ru umwemwu vwẹ aro mẹ, ro gbi nyo urhuru mẹ-ẹ, ki mi kurhẹriẹ nẹ emu esiri ri mi rori nẹ mi ru kẹ jovwo na.

Jerimaya 18:12

Ẹkẹvuọvo ayen da ta nẹ, Ọyena emu gheghe! Me nene iroro rẹ obọ rẹ avwanre, avwanre ohwo ọvuọvo ru kirobo rẹ udu ọgangan rẹ avwanre epha.

Jerimaya 2:27

Re ta kẹ urhe, “Wọwẹ ọsẹ mẹ,” vwọ kẹ olalọ Wẹ ri vwiẹ vwẹ. Kidie ayen chuko ku vwe, ọ dia opharo raye-en. Ẹkẹvuọvo ọke rẹ ukpokpogho rayẹn ayen me ta, vrẹn wo sivwi avwanre.

Jerimaya 22:21

Me ta kẹ wẹ vwẹ evun rẹ oyovwe wẹn, ẹkẹvuọvo wọ tare, Me cha kerhọ-ọn, Ọnana uruemu wẹn nẹ emọ rhe, nẹ wo nyo urhuru mẹ-ẹ.

Jerimaya 23:17

Ayen dje eta efa kẹ otu re siẹn ota rẹ Ọrovwohwo na. O che yovwẹ kẹ ovwan ji te ayen ihwo ri nene udu ọgangan rẹ evun rẹ rayen nẹ, Umiovwo se te ovwa-an.

Jerimaya 3:13

Takpe rhọvwe abe wẹn ri wo ru kpahe Ọrovwohwo Ọghẹnẹ wẹn re wo ru ẹse wẹn kẹ erhorha re hẹ otọ rẹ urhe ọkpokpọ na.

Jerimaya 3:17

Vwẹ ọke yena ke se Jerusalẹm nẹ ekete rẹ uvie rẹ Ọrovwohwo, irere na ejobi ki koko bro rhe, obaro rẹ Ọrovwohwo vwi Jerusalẹm, ayen gbe rha vwẹ udu ọgangan vwo nene umwemwu rẹ udu rayen ọfa-a.

Jerimaya 32:23

Ayen da ruọ ra dia. Ẹkẹvuọvo ayen nyo urhuru wẹ-ẹ, ayen je yan phihọ urhi wẹ-ẹ; ayen ru emu ọvuọvo re wo jiji kẹ ayen nẹ ayen ru na-a, kọye umiovwo nana ejobi vwo bru ayen rhe.

Jerimaya 32:33

Ayen hirhe obuko rayen ku vwe ọ dia opharo raye-en, obo mi dje ayen eyeyono te na ayen sa kerhọn vwọ reyọ uyono-o.

Jerimaya 35:15

Mi ji idibo mẹ rẹ emraro na ejobi bru ovwan rhe, mi ji ayen ejojo, nẹ, Dohwo didjerhe umwemwu rọye rhẹriẹ ru, wa rhuẹrẹ eyere rẹ ovwan, vwo je edjọ efa ẹyan nene re we jẹn ayen egọ, re wa sa dia evun rẹ otọ re me kẹ ovwan vẹ esẹ rẹ ovwan na. Ẹkẹvuọvo wa vwẹ erhọn kpọtọ-ọ wa je kerhọn mẹ-ẹ.

Jerimaya 6:16

Enẹ Ọrovwohwo na tare, Mudia vwẹ oma rẹ idjerhe, wo ni, wọ nọ ekpen re idjerhe rẹ awanre na asan rẹ omamọ rẹ idjerhe epha, ru wa yan phihọ, re wọ mrẹ urovwoma vwọ kẹ ẹnwẹn rẹ ovwan Ẹkevuọvo ayen da ta nẹ, Avwanre cha yan phihọ-ọ.

Jerimaya 7:26

dede na ayen kerhọn mẹ-ẹ, ayen je vwẹ erhọn kpotọ-ọ, ẹkẹvuọvo ayen vẹ udu kpohro, ayen ru miovwi nọ esẹ rayen.

Jerimaya 8:5

Die sorọ rẹ ihwo nana vwo rhivwi kpuko rẹ ayen vwo si phihọ uko bẹdẹ? Ayen churu obọ mu ophiẹvwe kokoroko, ayen rhọvwe kurhẹriẹ-ẹ.

Jerimaya 9:14

ẹkẹvuọvo yẹ ayen ji nene udu ọgangan rayen, ayen da yan nene Baal, kirobo esẹ rayen yono ayen.

Izikiẹl 20:13

Ẹkẹvuọvo uwevwi rẹ Izrẹl de mu kpahe ovwẹ vwẹ evun rẹ aghwa, ayen gbe yan phihọ evun rẹ iji mẹ-ẹ ẹkẹvuọvo ayen da sen irhi mẹ, rẹ ohwo rọ sẹro rayen ko rhọ, ẹdidjala mẹ ayen de gbe ẹgua tughu tughu. Etiyin mi de roro nẹ mi ku ophu mẹ ku ayen vwẹ evun rẹ aghwa na, rere mi ghwe furhie ayen re kakare.

Izikiẹl 20:16

fikiridie ayen siẹn irhi mẹ ayen gbi rhe nene iji mẹ-ẹ, ayen de gbe ẹdidjala mẹ ẹgua, kidie udu ayen ghwru nene ẹdjọ rayen.

Izikiẹl 20:21

Ẹkẹvuọvo emọ na de mu kpahe ovwẹ, ayen gbe yan phihọ iji mẹ-ẹ, ayen gbe vwẹ ẹro kpotọ sẹro rẹ irhi mẹ-ẹ, rẹ ohwo rọ sẹro rọye kọ rhọ, ayen gbe ẹdidjala mẹ na ẹgua. Me da jẹ iroro nẹ mi ku ophu mẹ ku ayen vwẹ evun rẹ aghwa.

Izikiẹl 20:8

Ẹkẹvuọvo ayen de mu kpahe ovwẹ ayen gbe kerhọn mẹ-ẹ, ayen ohwo ọvuọvo gbe rhọvwe ku obo ri tuoma rẹ ẹro rayen mrẹ ghọghọ na kufia-a, eyẹ ayen ji siobọ nu ema re Ijipt na-a. Etiyin mi de roro nẹ mi ku ophu mẹ ku ayen rere mi hirhe ivuemiovwo mẹ ku ayen vwẹ uherevie rẹ otọ rẹ Ijipt na.

Daniẹl 9:6

Avwanre davwerhọn rẹ idibo wẹn vẹ emraro wẹ-ẹn, re vwẹ odẹ wẹn ta ota kẹ ivie rẹ avwanre, isun rẹ avwanre, kugbe esẹ rẹ avwanre te ihwo rẹ otọ rẹ avwanre na.

Hosia 10:6

E, oravwọ na dẹn ke che muo kpo Asiria ra vwọ hwa osa kẹ ovie rode na. Oma kọ cha vuẹ Ifrem, oma rẹ edjọ ẹga kọ vo Izrẹl.

Hosia 4:16

Izrẹl vẹ udu kọi, kerẹ erhuẹn ọshare ro vwo udu, kẹ Ọrovwohwo sa ghẹrẹ ayen vwẹ etiyin na, kerẹ ogodẹ vwẹ egbri ophephẹ?

Maika 6:16

Kidie wọ je sẹro rẹ irhi rẹ Omri, kugbe iruo rẹ uwevwi rẹ Ehab; wọ da yan nene iroro rayen; rere mi vwo ru we dia ofefe, ihwo re dia evun wẹn ke fiọn unu yan; ọtiọye na ku wọ ghwa oghwa rẹ ehwẹjẹ rẹ ihwo na.

Zekaraya 7:11

Ẹkẹvuọvo ayen kerhọ-ọn ayen de si igabọn te ohọre, rhurhu erhọn rayen re ayen je nyo.

Urhi Rivẹ 29:19

ohwo ọvo ro nyo eta rẹ ọphọ nana ra rere na rọ bẹbẹ nẹ ẹrhovwo vwẹ udu rọye nẹ, Owenẹ Me yan nene obo rẹ udu mẹ guọnọre dede, emu ọvuọvo se ru vwe-e. Ọnana kọye cha ghwa ehwerhe kuẹfia rẹ odjidjiro vẹ ọyaya rhe.