Jerimaya 7:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Ẹkẹvuọvo urhi nana me vwọ kẹ ayen, Nyo urhuru mẹ, ke me dia Ọghẹnẹ kẹ ovwan, ovwan ke dia ihwo mẹ, rere wa yan vwẹ idjerhe ejobi ri mi dje kẹ ovwan rere o vwo yovwi kẹ ovwan.

Jerimaya 7:23 ပူးပေါင်းရင်းမြစ်များ

ỌBE RẸ JOB 36:11

O da dianẹ ayen kerhọn rẹ ayen da ga, ẹdẹ rayen kẹ gba vwẹ oyovwe, ikpe rayen ke vọn vẹ avwerhe.

Une rẹ Ejiro 119:3

I ri ruẹ oruchọ-ọ, ẹkẹvuọvo re yan phihọ evun rẹ idjerhe rọye!

Une rẹ Ejiro 40:6

Izobo re zeri vẹ ẹkpẹvwẹ wọ guọnọre-e, ẹkẹvuọvo wọ kẹ vwẹ erhọn rọ rhie phihọ. Izobo rẹ ẹtorhẹ kugbe Izobo rẹ umwemwu wọ guọnọre-e.

Une rẹ Ejiro 81:13

E manẹ kẹ ihwo mẹ sa kerhọn mẹ vwonẹ, rere Izrẹl yan vwẹ idjerhe mẹ!

Ẹyano 15:26

tanẹ, Wọ da vwẹ oma kpotọ nyo ota rẹ Ọrovwohwo Ọghẹnẹ wẹn, wo de ru obo ri shephihọ vwẹ ẹro rọye, wọ da kerhọ rẹ iji rọye wọ da yọnrọn ayen, emiavwe ri mi vwo mu ihwo rẹ Ijipt na gbi che mu we-e, kidie Mẹvwẹ Ọrovwohwo, osivwi wẹn.

Ẹyano 16:32

Mosis da ta, ọnana obo rẹ Ọrovwohwo tare na: E jẹn a sẹro rẹ omer rọye ọvo nu vwẹ uvwiẹ rẹ ovwan ejobi, rere ayen vwọ mrẹ ikara re me vwọ ghẹrẹ ovwan vwẹ evun rẹ aton, ọke re me vwọ reyọ ovwan nẹ otọ rẹ Ijipt rhe.

Aizaya 3:10

Ta kẹ evwata nẹ oyovwi kẹ ayen, fikiridie ayen cha re emamọ rẹ uruemu rayen

Jerimaya 11:4

ri mi ji iji kẹ esẹ rẹ ovwan re me vwọ reyọ ayen nẹ otọ rẹ Ijipt cha, nẹ erhanre rẹ utehru, ta nẹ, Kerhọn rẹ urhuru mẹ, re we ru obọ me ta kẹ ovwan, kẹ ovwan dia ihwo mẹ, ke me je dia Ọghẹnẹ rẹ ovwan,

Jerimaya 11:7

Kidie me da nabọ kpokpa kẹ esẹ rẹ ovwan re me vwọ reyọ ayen nẹ otọ rẹ Ijipt cha, kọke kọke rhi te nonẹ na, tanẹ, Nyo urhuru mẹ.

Jerimaya 13:11

Kidie obo rẹ otehun ta muẹ ehun rẹ ohwo ye, ọtiọye mi ru uwevwi rẹ Izrẹl ejobi kugbe uwevwi ri Juda ejobi ne tamu uvwe, eriyin Ọrovwohwo tare, rere ayen vwọ dia ihwo mẹ vwẹ odẹ, ejiro, kugbe urinrin, ẹkẹvuọvo ayen kerhọ-ọn.

Jerimaya 22:21

Me ta kẹ wẹ vwẹ evun rẹ oyovwe wẹn, ẹkẹvuọvo wọ tare, Me cha kerhọ-ọn, Ọnana uruemu wẹn nẹ emọ rhe, nẹ wo nyo urhuru mẹ-ẹ.

Jerimaya 22:3

Enẹ Ọrovwohwo tare: Ru obo ri shehọ vẹ ọsoso, sivwi ohwo re shenyẹ nẹ abọ rẹ ohwo ro shenyẹ na. Wo rue oruchọ eyẹ wọ ji gbe ozighi kẹ ọrhorha-a, ọmọphrori-i vwi-i, kugbe ayeuku-u, wo ji sun ọbara rẹ ọvwata vwẹ etinẹ na-a.

Jerimaya 24:7

Me kẹ ayen udu rẹ ayen vwọ riẹn nẹ mẹvwẹ Ọrovwohwo na; ayen cha dia ihwo mẹ ke me dia Ọghẹnẹ rayen, kidie ayen cha vwẹ udu rayen ejobi rhivwi bru uvwe rhe.

Jerimaya 31:33

Ẹkẹvuọvo ọnana hẹ ọphọ re me vẹ uwevwi rẹ Izrẹl cha re, ọke yena da wan nu, eriyin Ọrovwohwo tare: Ki mi che phi urhi mẹ phihọ evun rayen, mi ji che siọ phihọ udu rayen; ke me dia Ọghẹnẹ rayen, ayen ke dia ihwo mẹ.

Jerimaya 32:23

Ayen da ruọ ra dia. Ẹkẹvuọvo ayen nyo urhuru wẹ-ẹ, ayen je yan phihọ urhi wẹ-ẹ; ayen ru emu ọvuọvo re wo jiji kẹ ayen nẹ ayen ru na-a, kọye umiovwo nana ejobi vwo bru ayen rhe.

Jerimaya 38:20

Jerimaya da ta, A cha reyọ owẹ vwọ kẹ aye-en. Mu ọghọ kẹ urhuru rẹ Ọrovwohwo vwẹ obo re me vuẹ wẹ na, kọ yovwi kẹ wẹ, ke ji sivwi urhuarho wẹn.

Jerimaya 42:6

Owenẹ oyovwiri eyẹ omiovwiri dede, me nyo urhuru rẹ Ọrovwohwo Ọghẹnẹ rẹ avwanre ohwo re me ju we brẹ ra na, rere ọ vwọ mrasan yovwi kẹ avwanre ọke me de nyo urhuru rẹ Ọrovwohwo Ọghẹnẹ rẹ avwanre na.

Zẹfanaya 3:2

Ọ kerhọn rẹ urhuru ọvuọvọ-o, ọ reyọ obo re dje kẹ-ẹ. Ọ vwẹ ẹro so Ọrovwohwo-o, o si kẹrẹ Ọghẹnẹ rọye-e.

Zekaraya 6:15

Otu re he ogboko jovwo na ke cha rhe rhi nene ayen bọn uwevwi rẹ Ọrovwohwo na; ku wọ cha riẹn nẹ Ọrovwohwo rẹ otuofovwi na ri ji vwe bru we rhe. Ọnana che ru, o da dianẹ wọ vwẹ oma kpotọ nyo urhuru rẹ Ọrovwohwo Ọghẹnẹ wẹn na .

Zekaraya 7:7

Ọke ra vwọ dia Jerusalẹm ro vwo vwo erhuvwu, re irere rọye vwọ gba yariẹ phihọ, re vwo yere obọhwẹre ọnre vẹ igo rọye, enana dia eta rẹ Ọrovwohwo wan oma rẹ emraro rẹsosuọ ta-a?

Ọbe ri Pọl si rhe Ihwo ri Rom 16:26

ẹkẹvuọvo ra rhe vwọ phia vwẹ asakiephana vwẹ oma rẹ isiesi rẹ emraro na ẹgborho rẹ akpọ na ejobi riẹnre na, kirobo re urhi rẹ Ọghẹnẹ ro jeghwo epha, ro nẹrhẹ e mu ọghọ kẹ esegbuyọta na–

2 Kọrẹnt 10:5

Avwanre guọghọ aphro kugbe eyan ri hirhe phihọ ukọn kẹ erianriẹn rẹ Ọghẹnẹ, rọ da vwẹ iroro kiroro vwo ru ọviẹn re e vwo jẹ ọghọ emuọ kẹ Kristi,

Urhi Rivẹ 11:27

ebruba, ọ da dianẹ wa kerhọ rẹ irhi rẹ Ọrovwohwo Ọghẹnẹ rẹ ovwan, ri mi ji kẹ ovwan vwẹ ẹdẹ ri nonẹ na;

Urhi Rivẹ 13:4

Wa Me yan nene Ọrovwohwo rẹ ovwan na, wa Me djẹ oshọ yọnrọn irhi rọye, vwo nyo urhuru rọye, wa Me ga re wa je gba oma muo.

Urhi Rivẹ 13:5

Ẹkẹvuọvo ọmraro yena, eyẹ ọvwerhẹ evwerhẹ yena ke hwe ghwu; fikiridie ọ ta ota ọbrabra kpahe Ọrovwohwo Ọghẹnẹ rẹ ovwan ro si ovwan nẹ otọ rẹ Ijipt rhe na, rọ tan ovwan nẹ uwevwi rẹ ọviẹn, ro vwo sun ovwan nẹ idjerhe rẹ Ọrovwohwo Ọghẹnẹ rẹ ovwan vuẹ ovwan nẹ we nene. Ọtiọye ku we si hworhẹ umwemwu na nẹ uherevie rẹ ovwan.

Urhi Rivẹ 30:2

ovwan vẹ emọ rẹ ovwan gbe rhivwi bru Ọrovwohwo rẹ Ọghẹnẹ rẹ ovwan we de nyo urhuru rọye vwi kemu kemu ejobi ri mi ji urhi rọye kẹ ovwan nonẹ na, vwẹ udu rẹ ovwan ejobi ji kugbe ẹnwẹn rẹ ovwan ejobi;

Urhi Rivẹ 30:20

vwọ guọnọ Ọrovwohwo Ọghẹnẹ, kerhọ rẹ urhuru rọye wọ je gba oma wẹn muo kidie, ọye vwẹ arhọ kugbe ẹdẹ ogrogro kẹ ovwan, re wọ sa dia otọ rẹ Ọrovwohwo veri kẹ esẹ rẹ ovwan, kẹ Ebraham kẹ Aizik, kugbe Jekọp, nẹ ọye vwọ kẹ ayen.

Urhi Rivẹ 30:8

Ko wọ rhoma nyo urhuru rẹ Ọrovwohwo ku wọ yọnrọn irhi rọye ejobi ro ji kẹ ovwan nonẹ na.

Urhi Rivẹ 4:10

ẹdẹ wo vwo mudia vwẹ obaro rẹ Ọrovwohwo Ọghẹnẹ wẹn vwẹ obi Horẹb na, ọke rẹ Ọrovwohwo vwọ ta kẹ vwẹ nẹ, Koko ihwo na kẹ vwẹ, re mi ru ayen re ayen nyo eta mẹ na ejobi, re ayen mrasa vwo yono oshẹdjẹ vwẹ ẹdẹ rẹ ayen dia akpọ na krire, rere ayen vwọ mrasa yono emọ rayen.

Urhi Rivẹ 4:40

Wọ Me yọnrọn irhi rọye, kugbe iji rọye, e re mi ji iji kẹ wẹn nonẹ na, rere o vwo yovwi kẹ wẹ re o ji vwo yovwi kẹ emọ wẹn re vwo kpahe owẹ, rere ẹdẹ wẹn vwọ mrasan gro vwẹ otọ rẹ Ọrovwohwo Ọghẹnẹ wẹn vwọ kẹ wẹ bẹdẹ.

Urhi Rivẹ 5:16

Vwẹ ọghọ kẹ ọsẹ wẹn vẹ oni wẹn, kirobo rẹ Ọrovwohwo Ọghẹnẹ wẹn jiji kẹ wẹ; rere ẹdẹ wẹn vwo gro, ro vwo yovwi kẹ wẹ vwẹ otọ rẹ Ọrovwohwo Ọghẹnẹ wẹn na vwọ kẹ wẹ.

Urhi Rivẹ 5:29

E manẹ oghẹre rẹ udu ọtiọye na kọye he evun rayen, re ayen vwọ djẹ oshọ Mẹ, vwọ yọnrọn irhi mẹ vwẹ ọke ejobi, ro vwo yovwi kẹ ayen, ro ji vwo yovwi kẹ emọ rayen, bẹdẹ!

Urhi Rivẹ 5:33

Wa yan vwẹ idjerhe na ejobi rẹ Ọrovwohwo Ọghẹnẹ rẹ ovwan ji iji kẹ ovwan, rere wa rhọ kugbe rere o vwo yovwi kẹ ovwan kugbe rere ẹdẹ rẹ ovwan vwo gro vwẹ otọ rẹ ovwan che yeri na.

Urhi Rivẹ 6:3

Vwẹ ọtiọye na, Gbe nyo E Izrẹl, wọ karohọ vwo ruo; rere ọ mrasa yovwi kẹ ovwan kugbe rere we vwo bu phihọ ọtiobo rẹ Ọrovwohwo Ọghẹnẹ rẹ esẹ rẹ ovwan ve kẹ ovwan vwẹ otọ rẹ ameivie vẹ ọnyọn da djẹ na.

Hibru 5:9

re vwo ruo gba nu kọ rhe dia esiri rẹ esivwo ri bẹdẹ na vwọ kẹ ayen ejobi ri mu ọghọ kẹ.

1 Samuẹl 15:22

Samuẹl da ta, Wo rori nẹ Ọrovwohwo vwo omavwerhe vwẹ izobo rẹ ẹtorhẹ kugbe izobo re zeri, kirobo rẹ oma vwerhe Ọrovwohwo siẹ re de mu ọghọ kẹ urhuru rọye– Nighe, Ọghọ emuo o yovwi nọ izobo, ra vwọ kerhọ nọ lvwri rẹ egbo.