Jerimaya 7:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Vwẹ ọtiọye na enẹ Ọrovwohwo Ọghẹnẹ na tare: Nighe, mi che ku ivuemiovwo mẹ vẹ ophu mẹ phihọ etinẹ na, phihọ enu rẹ ohwo vẹ eranvwe, phihọ enu rẹ irhe rẹ aghwa vẹ emamọ rẹ otọ na, ọ cha la e se fuo-o.

Jerimaya 7:20 ပူးပေါင်းရင်းမြစ်များ

Ivie rẹ Ivẹ 22:17

Fikiridie ayen sen vwẹ ayen da torhẹ insẹns kẹ edjọ, rere ayen vwọ kpare ovwẹ ophu vẹ iruo rẹ abọ rayen, fiki rẹ ọtiọye na ophu mẹ kọ cha tua kpahe etinẹ na, e gbi se fuo-o.

Aizaya 10:17

Urhukpẹ rẹ Izrẹl ko hirhe phihọ erhanre, Ọfuanfon Ọvuọvo rọye na kẹ ogidi erhanre; kọ torhẹ ọ me ghwọrọ idjigbẹ vẹ ekpia rọye na vwẹ ẹdẹ ọvo.

Aizaya 42:25

Etiyin o de ku ọtotorhe rẹ ophu rọye kuo kugbe ẹgba rẹ ofovwi rọye, ọ da vwe erhanre riarie phihọ, ẹkẹvuọvo yo riẹnre-e, ọ torhẹre, ẹkẹvuọvo ayen se roro mrẹ-ẹ.

Aizaya 66:24

Ke ayen cha yan phia rhi ni irivwi rẹ ihwo ri gbe ozighi kpahe ovwẹ, kidie ihori rayen che ghwu-u, erhanre rayen che fu-u, ke ayen cha dia ometuo keẹ ihwo ejobi.

Jerimaya 11:16

Ọrovwohwo se we dẹvure, Urhe rẹ oliv djidjidji, yoyovwi vẹ omamọ rẹ ibi, ẹkẹvuọvo ọ cha vwẹ edo rẹ ogiribo rode na vwo phi erhanre phihọ eghọn rọye ke torhẹ.

Jerimaya 12:4

Mavo otọ na muoma phihọ krite, rẹ ẹbe rẹ aghwa na vwioro krite? fiki rẹ umwemwu rẹ otu re dia evun rọye, tẹ eranvwe vẹ emephran e hwerhe ayen kufia kidie ihwo tare nẹ, Ọ sa mrẹ oba rẹ avwanre-e.

Jerimaya 14:16

Ihwo rẹ ayen mraro kẹ na a cha djẹ ayen nẹ irhuvwu ri Jerusalẹm re dia ihwo rẹ owẹvwe vẹ ọlọkọ che hwe, ohwo ro shi ayen gbe dia-a, eya rayen, emeshare rayen, kugbe emetẹ rayen. Kidie mi che kuẹ umwemwu rayen phihọ enu rayen.

Jerimaya 17:27

Ẹkẹvuọvo wa kerhọn mẹ-ẹ, vwọ yọnrọn ẹdidjala na fuanfon vwo jẹ oghwa ẹghwa ruẹ anurhoro ri Jerusalẹm vwẹ ẹdidjala-a, ki mi koko erhanre phihọ, anurhoro rọye, kọ ghwọrọ ekete ri Jerusalẹm e gbi se fuo-o.

Jerimaya 17:4

Wa cha rhan obọ rẹ ovwan nẹ ukuẹriọ re me vwọ kẹ ovwan, ki mi che ru ovwan vwọ ga ivwighrẹ rẹ ovwan vwẹ otọ re wa riẹnre-e, kidie vwẹ evun rẹ ophu mẹ ki mi koko erhanre ro cha la bẹdẹ phiyọ.

Jerimaya 18:23

Ẹkẹvuọvo E Ọrovwohwo, wọwẹ re riẹn iroro rẹ ayen vwọ guọnọ ovwẹ hwe. Wọ vwẹ orukuruku rayen vwo ghovwo aye-en, wo ji phoro umwemwu rayen nẹ obaro wẹ-ẹ. Jẹn ayen she ghwiotọ vwẹ obaro wẹn, ru ayen gangan vwẹ ọke rẹ ophu wẹn na.

Jerimaya 21:12

E uwevwi ri Devid! Enẹ Ọrovwohwo tare Brorhiẹ esiri vwẹ urhiọke, Sivwi ohwo re Shenyẹ na nẹ abọ rẹ Ohwo ro shenyẹ na, eyẹ ophu mẹ da rhe kerẹ erhanre, rọ la rẹ ohwo je se fuo, fiki rẹ iruo ogbegho rẹ ovwan.

Jerimaya 42:18

Kidie enẹ Ọrovwohwo rẹ otuofovwi Ọghẹnẹ rẹ Izrẹl tare, Ọtiobo rẹ ophu vẹ ivuemiovwo mẹ hwẹ ku ihwo ri Jerusalẹm na, ọtioye ivuemiovwo mẹ ji hwẹ ku ovwan vwẹ ọke ru we de kpo Ijipt. Wa cha dia isọn, emuroshọ, ekan, vẹ ehwẹjẹ rode. Wa gbe mrẹ etinẹ na ọfa-a.

Jerimaya 44:6

Vwẹ ọtiọye na ophu mẹ vẹ ivuemiovwo mẹ ko hwe ku irere ri Juda vẹ irhuvwu ri Jerusalẹm kọ je la mu ayen, ayen ke rhe dia ẹghwọrọ vẹ ofefe, ọtiobo rọ epha nonẹ na.

Jerimaya 6:11

Ọtiọye na ophu rẹ Ọrovwohwo da vọn vwẹ evun, oma rhọvwẹ udu me sa gba-a. Kuọ phihọ enu rẹ emọ na vwẹ evun rẹ urhuvwu na kugbe enu rẹ ukoko rẹ imighene na rhe; te ọshare te aye, a cha reyọ otu re ghwanre kugbe ekpako.

Jerimaya 6:12

A cha vwẹ uwevwi rayen kẹ ihwo efa, te udju vẹ eya rayen ejobi, kidie me cha riẹn obọ mẹ kpahọ kpahe ihwo rẹ otọ na eriyin, Ọrovwohwo na tare.

Jerimaya 8:13

Ọke mi vwo si ayen koko, eriyin Ọrovwohwo na tare, a gbe mrẹ otiẹ vwẹ enu ri vain na-a eye emamọ vwẹ enu rẹ urhe rẹ owe-e. Ẹbe na dede je ghwa ya yẹ obo re me vwọ kẹ ayen wan ayen vrẹn nure.

Uvwerhe 4:11

Ọrovwohwo da kpa ophu rọye rhe, o de ku ọtotorhẹ rẹ ophu rọye kuo, o de koko erhanre phihọ Zayọn, rọ torhẹ ichivwo rọye.

Izikiẹl 22:22

Kirobo rẹ idọnọ wran vwẹ evun rẹ erhanre na, ọtiọye a cha wran wẹn vwẹ uherevie rọye, ku wọ riẹn nẹ mẹvwẹ Ọrovwohwo ri ku ophu mẹ ku we.

Izikiẹl 7:12

Ọke na rhire, ẹdẹ na si kẹrire. E jẹn ohwo rọ de ghọghọ-ọ eyẹ ohwo rọ shẹ muomahọ-ọ, kidie ivuemiovwo ọ hẹ enu rẹ ẹgbotu rayen ejobi.

Izikiẹl 7:14

Ayen hworo owanre ayen choma ejobi nure; ẹkẹvuọvo ọvuọvo kpo ofovwi-i, kidie ivuemiovwo me o hẹ enu rayen ejobi.

Daniẹl 9:11

Izrẹl ejobi gbe urhi wẹn ku, ayen bi oma phihọ akakọ, ayen mu ọghọ kẹ urhuru wẹ-ẹn. Te ekan te iyori re duvwuru phihọ urhi ri Mosis odibo rẹ Ọghẹnẹ, keye rhi mu avwanre na, fikiridie avwanre ru umwemwu kpahọ.

Livitikọs 26:28

ke Me vwẹ ophu yan jẹn ovwan vwo, ke Me cha fa ovwan asieghwrẹn fiki rẹ imwemwu rẹ ovwan.

Nahum 1:6

Ono ri se mudia hẹrhẹ ophu rọye? Ono se chirako rẹ ọrhorho rẹ ivuemiovwo rọye? Ọ kpare ophu rọye ku kerẹ erhanre, o de hwe eragha na ibribro.

Zẹfanaya 1:2

Mi che hwerhe kemu kemu ejobi re kakare nẹ enu rẹ akpọ na, eriyin Ọrovwohwo na tare.

Zẹfanaya 1:3

Mi hwerhe ohwo vẹ eranvwe kufia; mi hwerhe emephran rẹ obenu kufia kugbe eri rẹ abadi na. Me guọghọ ohwo umwemwu fiọtọ kakare, me nyavwẹ ohwo rẹ akpọ kufia nẹ enu rẹ akpọ na, eriyin Ọrovwohwo na tare.

Zekaraya 7:12

Ayen de ru udu rayen gangan kerẹ oragha ayen de rhe nyo urhi vẹ eta rẹ Ọrovwohwo rẹ otuofovwi na rọ wan oma rẹ Erhi rọye vwo ji emraro rẹsosuọ na. Eriyin na ophu rode de nẹ obọ rẹ Ọrovwohwo rẹ otuofovwi na rhe.

Malakae 4:1

Gbe nighe, ẹdẹ cha, ọ tuabọ kerẹ enyerhanre, ọke yena ihwo ri herẹ vẹ i ri ruẹ umwemwu ejobi ke cha dia kerẹ ehẹbẹ; ẹdẹ ro cha na kọ cha torhẹ ayen ejobi, eriyin Ọrovwohwo rẹ otuofovwi na tare, ọtiọye na o gbi che jẹ o vwo owọ eyẹrẹ eghọ-ọn.

Matiu 3:12

Adjudju hẹ obọ rọye, kọ nabọ hwerhe utuwevwi rọye, eka re herọ ka ghwẹ ayen kpo erhu, ẹkẹvuọvo ikueku re herọ ke gbeje ayen koko, ka torhẹ ayen kufia.

Ẹvwọphia 14:10

kọ je da udi rẹ ophu rẹ Ọghẹnẹ, ra guare-e re ku phihọ uko rẹ ivuemiovwo rọye, kọ mrẹ odjadja rẹ erhanre kugbe ibiosio rẹ erhanre vwẹ irharo rẹ emakashe efuanfon na kugbe irharo rẹ Omogodẹ na.