Jerimaya 7:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Mudia vwe anurhoro rẹ uwevwi rẹ Ọrovwohwo, wo ghwoghwo ota nana, hlyo ota rẹ Ọrovwohwo na, ovwan ihwo ri Juda ejobi re ro inurhoro nana cha ga Ọrovwohwo na.

Jerimaya 7:2 ပူးပေါင်းရင်းမြစ်များ

1 Ivie 22:19

Maikaya da ta, Vwẹ ọtiọye na gbe nyo ota rẹ Ọrovwohwo: Me mrẹ Ọrovwohwo ro tidia vwẹ enu rẹ ekete rọye, otu rẹ odjuvwu ejobi de mudia kẹrẹ vwẹ obọrhe vẹ obọhwẹre rọye;

Une rẹ Ejiro 122:2

Awọ rẹ avwanre mudia rhasiẹye vwẹ evun rẹ anurhoro wẹn, E Jerusalẹm!

Aizaya 1:10

Nyo ota rẹ Ọrovwohwo, wẹ isun ri Sodọm! Kerhọn rẹ uyono rẹ Ọghẹnẹ rẹ avwanre we ihwo ri Gomora!

Jerimaya 10:1

Nyo ota rẹ Ọrovwohwo ta kẹ wẹ, E uwevwi rẹ lzrẹl.

Jerimaya 11:6

Ọrovwohwo da ta kẹ vwẹ nẹ, ghwoghwo eta nana ejobi na phia vwẹ irere ri Juda kugbe irhuvwu ri Jerusalẹm: Nyo eta rẹ ọphọ nana re we ru ayen.

Jerimaya 19:14

Etiyin Jerimaya de nẹ Tọfẹt rhe, obo rẹ Ọrovwohwo jiro ra nẹ ọ ra mraro na, ọ de mudia ọguan rẹ uwevwi rẹ Ọrovwohwo, ọ da ta kẹ ihwo na ejobi;

Jerimaya 2:2

Yanran wo re ghwoghwo kẹ ihwo rẹ Jerusalẹm, Ene Ọrovwohwo tare, Me karohọ ẹga rẹ ọke emọ wẹn, ẹguọnọ wẹn kerẹ ọpha, obo wo nene uvwe te vwẹ evun rẹ aghwa vwẹ otọ ra kọnre-e.

Jerimaya 2:4

Nyo ota rẹ Ọrovwohwo E uwevwi ri Jekọp, kugbe erua rẹ uwevwi rẹ Izrẹl ejobi.

Jerimaya 26:2

Enẹ Ọrovwohwo tare. Mudia vwẹ ọguan rẹ uwevwi rẹ Ọrovwohwo na, re wọ ta kẹ irere ri Juda ejobi re cha ẹga vwẹ uwevwi rẹ Ọrovwohwo na eta ejobi ri mi jiji kẹ wẹ nẹ wọ ta kẹ ayen na, wo si ota ọvuọvo no-o.

Jerimaya 28:5

Jerimaya rẹ ọmraro na da da ta kẹ Hananaya rẹ ọmraro na vwẹ aro rẹ irherẹn na vẹ ihwo ejobi ri mudia vwẹ uwevwi rẹ Ọrovwohwo na.

Jerimaya 34:4

Dede na gbe nyo ota rẹ Ọrovwohwo na, E Zẹdikaya ovie ri Juda! Enẹ Ọrovwohwo ta kpahe owẹ: A cha vwẹ ọlọkọ hwe we-e.

Jerimaya 36:10

Kẹsiẹye, Barọk ki se eta ri Jerimaya nẹ ọbe na rhe kẹ ihwo na ejobi nyo, vwẹ evun rẹ uwevwi rẹ Ọrovwohwo na, vwẹ uvun rẹ Gemaraya ọmọ ri Shefan osiẹbe na, rọ hẹ ọguan ro kpenu na, vwẹ ewan ruọ rẹ Anurhoro ọkpokpọ rẹ uwevwi rẹ Ọrovwohwo na.

Jerimaya 36:6

Ọtiọye na gba ra, vwẹ ẹdẹ rẹ owẹvwe echiro na wo se eta rẹ Ọrovwohwo ru wo si phihọ ọbe ri mi se kẹ wẹ na kẹ ihwo na nyo vwẹ uwevwi rẹ Ọrovwohwo na. Wo ji se ayen kẹ eshare ri Juda ri nẹ irere rayen rhe re ayen nyo ayen rhe.

Jerimaya 44:24

Jerimaya da ta kẹ ihwo na ejobi kugbe eya na ejobi, Nyo ota rẹ Ọrovwohwo na, ovwan ihwo ri Juda ejobi re dia otọ rẹ Ijipt na

Jerimaya 7:1

Ota ro nẹ obọ rẹ Ọrovwohwo bru Jerimaya rhe;

Izikiẹl 37:1

Obọ rẹ Ọrovwohwo da hẹ oma mẹ, ọ da vwẹ ovwẹ phia vwẹ Erhi rẹ Ọrovwohwo, vwẹ uherevie rẹ iyara na, rẹ ọ vọnre vẹ ibeku.

Hosia 5:1

Nyo ọnana, E irherẹn! wa kerhọn, E uwevwi rẹ Izrẹl! Wa kerhọn, E uwevwi rẹ ivie na! Kidie ẹdjeguo na bru uwe rhe; kidie wọ vwẹ oma ru ufi vwi Mizpa, vẹ ariri ra riẹn phihọ enu ri Tabọ.

Emọs 7:16

Asakiephana gbe nyo ota rẹ Ọrovwohwo na. Wọ tanẹ, Wọ gbe mrarọ kpahe Izrẹl ọfa-a wọ gbe je ta ota kpahe uwevwi rẹ Aiziki-i.

Maika 1:2

Nyo, ihwo na, ovwan ejobi; kerhọn E otọ na, vẹ obo re herọ ejobi; gbe jẹn Ọrovwohwo Ọghẹnẹ na se iseri hwe we, Ọrovwohwo rọ dia uwevwi ọfuanfọn rọye na

Maika 3:1

Me da ta: Nyo, igbuyovwi ri Jekọp kugbe isun rẹ uwevwi rẹ Izrẹl O ji te ọke rẹ ovwan vwọ riẹn ọsoso-o?

Maika 3:9

Nyo ọnana, ovwan igbuyovwi rẹ uwevwi ri Jekọp kugbe isun rẹ uwevwi rẹ Izrẹl, rẹ ọsoso tuoma na ri kuẹ uyota ejobi rhẹriẹ,

Matiu 13:9

Ọ ro vwo erhọn, e jo nyo.

Iyẹnrẹ Esiri ri Jọn 18:20

Jesu da kpahe kẹ, Me ta ota gbonoze kẹ akpọ na. Kọke kọke ejobi mi vwo yono vwi Sinagọg kugbe uwevwi rẹ ẹga, asan rẹ ihwo ri Ju ejobi de koko, Me ta ota ọvuọvo vwẹ odjahọ-ọ.

Iruo rẹ Iyinkọn na 5:20

Ovwan yanran re mudia phihọ evun rẹ uwevwi rẹ ẹga na rere ovwan re ghwoghwo ota rẹ Arhọ na kẹ ihwo ejobi.

Iruo rẹ Iyinkọn na 5:42

Kẹdẹ kẹdẹ unu rayen gbe ka-a rẹ ayen vwo yono ihwo vwẹ evun rẹ uwevwi rẹ ega na kugbe nẹ uwevwi kpo uwevwi vwo ghwoghwo nẹ Jesu ọye hẹ Kristi na.

Ẹvwọphia 2:11

Ohwo ro vwo erhọn e jo nyo obo rẹ Erhi na ta kẹ ishọshi na. Ohwo ro phi kparobọ ọ rha cha mrẹ odjadja rẹ ughwu rivẹ-ẹ.

Ẹvwọphia 2:17

Ohwo ro vwo erhọn, e jo nyo obo rẹ Erhi na ta kẹ ishọshi na. Ohwo ro phi kparobọ kẹ me vwẹ mana re sinu rhabae na kẹ, ke mẹ vwẹ ubioragha ọfuanfon kẹ, re si odẹ ọkpokpọ phihọ rẹ ohwo ọfa sa riẹ-ẹn jokpa rẹ ohwo ra vwerọ kẹ ọvo.

Ẹvwọphia 2:29

Ọ ro vwo erhọn, e jo nyo obo rẹ Erhi na ta kẹ ishọshi na.

Ẹvwọphia 2:7

Ohwo ro vwo erhọn e jo nyo obo rẹ Erhi na ta kẹ ishọshi na. Ohwo ro phi kparobọ ke me vwẹ urhe rẹ arhọ na kẹ re, rọ he Paradais rẹ Ọghẹnẹ.

Ẹvwọphia 3:13

Ohwo ro vwo erhọn, e jo nyo obo rẹ Erhi na ta kẹ ishọshi na.

Ẹvwọphia 3:22

Ohwo ro vwo erhọn, e jo nyo obo rẹ Erhi na ta kẹ ishọshi na.

Ẹvwọphia 3:6

Ohwo ro vwo erhọn, e jo nyo obo rẹ Erhi na ta kẹ ishọshi na.