Jerimaya 7:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Emọ na re du irhe koko, esemọ na de rhe koko erhanre na phihọ, eya na de gbe eka na, re ayen kake ikara kẹ ovie rẹ aye rẹ enu, ayen de ku udi ku edjọ efa, rẹ ayen vwọ kpare ophu mẹ.

Jerimaya 7:18 ပူးပေါင်းရင်းမြစ်များ

1 Ivie 14:9

ẹkẹvuọvo wẹ kọye me ru umwemwu no ihwo na ejobi re ka obaro kẹ wẹ wo de re duvwu ẹdjọ efa kugbe ema ra wraure, wọ da kpare ophu mẹ, wo de mu vwe phihọ obuko;

1 Ivie 16:2

Ri mi vwo si we nẹ evun rẹ iwurhie rhe me da vwẹ owẹ mu osun kẹ ihwo mẹ Izrẹl, wo de nenesi ri Jeroboam, wọ vwọ nẹrhẹ ihwo mẹ Izrẹl ru umwemwu, rẹ ayen vwọ vwẹ imwemwu rayen kpare ophu mẹ,

Une rẹ Ejiro 16:4

Otu re jẹn ọghẹnẹ ọfa reyọ oja rayen ki buphihọ ọbara rayen ra jẹ kuotọ me sa je kuotọ-ọ eye me cha vwẹ unu mẹ se odẹ raye-en.

Aizaya 3:8

Kidie Jerusalẹm rọ yẹghrẹ, Juda she nure; fikiridie ota rayen kugbe uruemu rayen vwọ so Ọrovwohwo ayen da phọphọ asan urinrin rọye.

Aizaya 57:6

usun rẹ ibieragha riorio re he evun rẹ iyara na ọye ẹkẹn wẹn epha, ayen, ayen, ute wẹn; ayen wo ku udi kuẹ, ayen wo ze izobo rẹ ọka kẹ. Enana keye e vwo fue ophu Mẹ?

Aizaya 65:11

Ẹkẹvuọvo vwọ kẹ wẹ rọ sen Ọrovwohwo na, rẹ ugbenu ọfuanfon Mẹ chọẹro, ro mu imẹjẹ phihọ otọ kẹ ephaẹbọ re gua iko rẹ idi vwọ kẹ Urhiẹvwe;

Aizaya 65:3

Ihwo re kpare ophu mẹ te vwe unu sa kọke kọke ejobi, ri ze izobo vwẹ evun rẹ udju re torhẹ egẹn vwe enu rẹ ikerekpẹn;

Jerimaya 1:16

Mi brorhiẹ mẹ hwe ayen, fiki rẹ orukuruku rayen rẹ ayen vwo sen vwẹ na; ayen torhẹ izobo kẹ edjọ efa, ayen da gọ iruo rẹ abọ rayen.

Jerimaya 11:17

Ọrovwohwo rẹ otuofovwi na, rọ kọn we na, ghwoghwo umiovwo kpahe owẹ, fiki rẹ umwemwu rẹ uwevwi rẹ Izrẹl vẹ uwevwi ri Juda ruru, vwọ nẹrhẹ ovwẹ phihọ ophu rẹ ayen vwo torhẹ incẹns kẹ Baal.

Jerimaya 17:2

Jẹ emọ rayen karohọ ẹshẹ rayen vẹ ighriki rayen, rẹ ayen ru phihọ orhoma rẹ urhe djidjidji ejobi, kugbe igbenu ri kpenu ejobi.

Jerimaya 19:13

Iwevwi ri Jerusalẹm kugbe iwevwi rẹ ivie ri Juda–iwevwi ra dia enu rayen da torhẹ izobo kẹ otu rẹ obenu ejobi, ra da vwẹ idi gọ iye kẹ eghẹnẹ efa, e che gbe ayen ẹgua vwi Tọfẹt.

Jerimaya 25:7

Dede na wa kerhọn mẹ-ẹ, eriyin Ọrovwohwo tare, nẹ wa vwẹ iruo rẹ abọ rẹ ovwan kpare ovwẹ ophu vwọ kẹ umiovwo rẹ obọ rẹ ovwan.

Jerimaya 32:29

Ihwo ri Kaldia re họnra orere nana na cha rhe rhi phi erhanre phihọ orere na, rọ da torhẹ, kugbe uwevwi ra diẹ enu rayen de torhẹ ugboduma kẹ Baal ra da je udi ku edjọ na, rẹ ophu vwo mu vwe na.

Jerimaya 44:25

Enẹ Ọrovwohwo rẹ otuofovwi Ọghẹnẹ rẹ Izrẹl na tare, Ovwan vẹ eya rẹ ovwan vwẹ unu rẹ ovwan ghwoghwo nure ovwan je vwẹ abọ rẹ ovwan ruo gba nure, tanẹ, Avwanre ghine ru ive ri me veri, avwanre torhẹ izobo kẹ ovie-aye rẹ enu, avwanre ji ku udi kuo. Ọtiọye na we gbe ru ivẹ ru we veri gba!

Jerimaya 44:4

Dede na mi dje idibo mẹ emraro na ejejo bru ovwan rhe tanẹ, E, we ruẹ emuẹgha nana ro tu vwe oma na-a!

Jerimaya 7:17

Wọ mrẹ obọ rẹ ayen ruẹ vwẹ irere ri Juda kugbe irhuvwu ri Jerusalẹm na?

Uvwerhe 5:13

A gba imighene na nẹ i gbe wuye vwẹ enu rẹ uwuye, emeshare na vẹ oghwa rẹ irhe ke gba yẹghrẹn.

Izikiẹl 16:26

Wọ vẹ ihwo rẹ Ijipt ri gbe gbe igberadja kuẹgbe, oko wẹn re wọ vẹ ọye ghwe gbe ọfanrhiẹ kuẹgbe, re wọ vwọ kpare ophu mẹ.

Izikiẹl 20:28

Kidie ọke re me vwọ reyọ ayen rhe otọ ri mi ve kẹ ayen nẹ me vwọ kẹ ayen nu, etiyin kasan kasan rẹ ayen da mrẹ ugbenu ro kpenu eyẹ urhe rọ vẹ ẹbe gbidi, etiyin kọye ayen de ze izobo rayen, ayen me vwẹ izobo rọ kpare ophu mẹ vwọ rhe, etiyin ọnrhẹ ororo rayen mi bru kpenu, ke etiyin ayen da jẹ udi kuotọ.

Izikiẹl 8:16

O da reyọ ovwẹ rhe ọguan rẹ uherevie rẹ uwevwi rẹ Ọrovwohwo na, gbe nighe, vwẹ anurhoro rẹ uwevwi rẹ Ọrovwohwo na, vwẹ uvwre rẹ ọmọguan na vẹ agbada na, ihwo kerẹ uje gbẹ ẹnẹ herọ, ri chuku ku uwevwi rẹ Ọrovwohwo, ayen de chuko ku uwevwi rẹ Ọrovwohwo na ji hirhe opharo ku ọnre, re ga ọnre na.

Izikiẹl 8:17

Etiyin ọ da ta kẹ vwẹ, Wọ mrẹ ọnana re, E ọmọ rẹ ohwo? Wo roro nẹ emu ọphapharhe vwọ kẹ uwevwi ri Juda re ayen vwo gbe ẹgua nana re ayen gbe ozighi vwọ vọn otọ na, rere ayen rhoma vwo kpare ophu mẹ? Nighe, ayen phi oghọn phihọ uwen rayen.

1 Kọrẹnt 10:22

Kẹ avwanre kpare ophu rẹ Ọrovwohwo rere ọ rioma? Avwanre gan oma nọ?

Urhi Rivẹ 32:16

Ayen da nẹrhẹ ọ rioma kpahe edjọ; ẹgua rayen gberi da nẹrhẹ ophu muo.

Urhi Rivẹ 32:21

Ayen nẹrhẹ Me rioma kpahe obo rọ dia ọghẹnẹ-ẹ ayen vwẹ ẹdjọ rayen kpare ovwẹ ophu, Eriyin na ke Me kpare ayen ẹnwẹn vwọ rioma kpahe otu re dia ihwo-o; Me vwẹ ẹgborho oghẹghẹ vwọ kpare ayen ophu.

Urhi Rivẹ 4:19

Jomaotọ wa da rhe kpare opharo rẹ ovwan ni enu, rhe mrẹ ọnre vẹ emeranvwe kugbe isio na, kugbe otu rẹ obenu na ejobi, i mi sun ovwan ghwru, we mi shekpotọ kẹ ayen, ga ayen, e rẹ Ọrovwohwo Ọghẹnẹ vwọ kẹ ihwo rẹ akpọ na ejobi.