Jerimaya 7:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ vwẹ ọtiọye na ki mi che ru kẹ uwevwi na ra vwẹ ode mẹ se na, re wa vwẹ ẹro so, kugbe asan na re me vwọ kẹ esẹ rẹ ovwan na, kirobo ri mi ru ki Shiloh.

Jerimaya 7:14 ပူးပေါင်းရင်းမြစ်များ

Ivie rẹ Ivẹ 25:9

Ọ da torhẹ uwevwi rẹ Ọrovwohwo na, kugbe ighẹn rẹ ovie na, kugbe iwevwi ejobi rẹ Jerusalẹm; ọ da torhẹ ikpi iwevwi na ejobi muotọ.

2 Ikun rẹ Ivie 7:21

Vwẹ uwevwi nana, ra kpare kpenu na, kohwo kohwo rọ wanvrẹn ko che gbe unu, kọ ta, kidie nẹrhẹ Ọrovwohwo ru ọtiọna kẹ uwevwi nana vẹ otọ nana?

Une rẹ Ejiro 78:60

Ọ da sen ẹdia rọye vwi Shiloh, utughẹ rọ dia vwẹ ohri rẹ ihwo,

Aizaya 64:11

Uwevwi rẹ avwanre ọfuanfon yoyovwi na, asan rẹ ẹse avwanre de jiri uwe jovwo na, a vwẹ erhanre torhẹ, asan iyoyovwi rẹ avwanre ejobi na rhi hirhe phihọ erhurhu.

Jerimaya 12:7

Me siẹn uwevwi mẹ, me yan jẹn ukuẹriọ mẹ vwo, mi phi ọ ro je vwe phihọ obo rẹ ivwighrẹ rọyẹ.

Jerimaya 23:39

ọtiọye na, gbe nighe, uyota me cha kpare owẹ kpenu mi de phi we nẹ obaro mẹ, wẹ vẹ orere re me kẹ wẹ vẹ esẹ wẹn na.

Jerimaya 26:18

Maika ri Mọreshẹt ọ mrarọ vwẹ ẹdẹ ri Hẹzikaya ovie ri Juda, ọ da ta kẹ ihwo ri Juda ejobi nẹ. Enẹ Ọrovwohwo rẹ otuofovwi tare, A cha gua Zayọn kerẹ udju, Jerusalẹm cha dia erhurhu rẹ umiovwo, Ugbenu rẹ uwevwi na je cha dia oghwaghwo ro kpenu.

Jerimaya 26:4

Wọ me ta kẹ ayen, Enẹ Ọrovwohwo tare: Ọ da dianẹ wa kerhọn mẹ-ẹ, vwọ yan phihọ urhi me ri mi phihọ obaro rẹ ovwan,

Jerimaya 7:10

wa rhoma cha we mi rhi mudia vwẹ obaro mẹ vwẹ uwevwi nana, ra vwẹ odẹ mẹ se na ro wa tanẹ, Esivwi avwanre!-–yẹ ovwan je rhoma ruẹ ẹgua nana?

Jerimaya 7:12

Ke yanran kpo ẹdia mẹ rọ hẹ Shiloh, asan rẹ odẹ mẹ diare vwẹ ẹsosuọ, re wa mrẹ obo mi ruro fiki rẹ orukuruku rẹ ihwo mẹ Izrẹl.

Jerimaya 7:4

Wo se eta rẹ ephiẹvwẹ nana gbuyota-a: Ọnana uwevwi rẹ Ọrovwohwo, uwevwi rẹ Ọrovwohwo na, uwevwi rẹ Ọrovwohwo na.

Uvwerhe 2:7

Ọrovwohwo na reyọ agbada rọye vwọ jehwẹ ọ da siẹn ẹshẹ rọye. O phi igbẹhẹ rẹ ighẹn rọye phihọ obọ rẹ ivwighrẹ rọye, Ọsẹghẹ de rhi she vwẹ uwevwi rẹ Ọrovwohwo kerẹ ẹdorẹ re bruru.

Uvwerhe 4:1

Mavọ oro na rhoma rhi dje mavọ omamọ rẹ oro na rhe rhoma rhẹriẹ! Rẹ ibieragha efuanfon na rhe vwọ hra vwẹ unuada rẹ urhuvwu kurhuvwu.

Izikiẹl 23:31

Idjerhe rẹ oniọvo wẹ neneri ọye wo ji nene na, fiki rẹ ọtiọye na ki mi phi uko rọye phihọ owẹ obọ.

Izikiẹl 24:21

Ta kẹ uwevwi rẹ Izrẹl, E nẹ Ọrovwohwo Ọghẹnẹ tare: Nighe mi che gbe ẹshẹ mẹ na ẹgua, eheri ọgangan wẹn na, obo ri je ibiẹro wẹn na kugbe obo rẹ ẹnwẹn wẹn guọnọ na; te emeshare wẹn te emetẹ wẹn ru wọ yan jovwo vwẹ obuko na ka vwẹ ọlọkọ nyavwe ayen hwe.

Urhi Rivẹ 12:5

Ẹkẹvuọvo we mi kpo asan rẹ Ọrovwohwo Ọghẹnẹ rẹ ovwan na sanọre vwẹ orua rẹ ovwan na ejobi, vwo kpo ẹdia rọye ọ Me dia ẹguọnọ rẹ ovwan, Etiyin ọye wọ ra.

Urhi Rivẹ 28:52

Ayen cha yariẹ irere rẹ ovwan ejobi phihọ bẹsiẹ rẹ igbẹhẹn rẹ ovwan rẹ gangan ri gro kpenu, rẹ ovwan vwẹ ẹro so na rhi vwo she te otọ vwẹ asan na ejobi; ayen cha gba yariẹ irho re hẹ otọ rẹ ovwan na ejobi họ, rẹ Ọrovwohwo rẹ Ọghẹnẹ rẹ ovwan kẹ ovwan na.