Jerimaya 7:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Fiki rẹ obo rẹ ovwan vwo ru imu nana, vwẹ asakiephana, eriyin Ọrovwohwo na tare, ọke mi vwo dje ovwan ẹtẹta kẹ wa kerhọ-ọn, mi vwo se ovwan we nyori-i,

Jerimaya 7:13 ပူးပေါင်းရင်းမြစ်များ

Isẹ 1:24

Fikiridie mi seri yu wọ kerhọ-ọn me riẹn obọ yẹ ohwo ọvuọvo davwe erhọ-ọn,

Aizaya 50:2

Mavọ, ọke Me vwọ rhe, ohwo gbe herọ-ọ? Ọke Mi vwo se, o rhe vwo ohwo ro nyori-i? Obọ Mẹ krẹnọ, ro vwo je ohwo ẹtan? Gbine Mi vwo ogangan re vwo sivwẹ-ẹ? Nighere, vwẹ ẹghwọ re unu mẹ abadi na kọ kpọ, Mi ru urhie na phihọ aton, iyeri rayen ki gbo kidie ame herọ-ọ i mu ghwu fiki r;pe urhuru rẹ ame.

Aizaya 65:12

Ke Me vwẹ owẹ kẹ ọlọkọ, ovwan ejobi ki che gbe uyovwi phihọ otọ kẹ ọ ro hwe ihwo na; fikiridie, ọke Mi vwo se, wo nyori-i, ọke Me vwọ ta ota, wọ kerhọ-ọn, ẹkẹvuọvo wo de ru umwemwu vwẹ obaro Mẹ, wọ da jẹ obo ri tu vwe oma .

Aizaya 66:4

Mẹvwẹ ọvo kọ cha je okpetu kẹ ayen, Me djẹ oshọ mu ayen; kidie, ọke mi vwo se, ohwo ọvuọvo nyori-i, Me vwọ ta ota ayen kerhọ-ọn, ẹkẹvuọvo ayen ru umwemwu vwẹ obaro Mẹ, ayen da je obo ri tu vwe oma ru.

Jerimaya 11:7

Kidie me da nabọ kpokpa kẹ esẹ rẹ ovwan re me vwọ reyọ ayen nẹ otọ rẹ Ijipt cha, kọke kọke rhi te nonẹ na, tanẹ, Nyo urhuru mẹ.

Jerimaya 11:8

Dede na ayen nyori-i eyẹ ayen je kerhọ-ọn; ẹkẹvuọvo dohwo dudu ọgangan rẹ umwemwu rọye je yan phihọ. Ọtiọye re me da ghwa eta rẹ ọphọ nana kpahe ayen, ri mi jiji kẹ ayen nẹ ayen ru, ẹkẹvuọvo ayen ruro-o.

Jerimaya 13:10

Ihwo umwemwu nana, re senre nẹ ayen nyo eta mẹ-ẹ na, re vwẹ udu ọgangan nene udu rẹ obọ rayen vwọ yan nene edjọ efa vwọ gan ayen je vwẹ uyovwi te otọ kẹ ayen na, ayen cha dia kerẹ otehun nana, ro fi emuọvo-o na.

Jerimaya 13:11

Kidie obo rẹ otehun ta muẹ ehun rẹ ohwo ye, ọtiọye mi ru uwevwi rẹ Izrẹl ejobi kugbe uwevwi ri Juda ejobi ne tamu uvwe, eriyin Ọrovwohwo tare, rere ayen vwọ dia ihwo mẹ vwẹ odẹ, ejiro, kugbe urinrin, ẹkẹvuọvo ayen kerhọ-ọn.

Jerimaya 25:3

Etiyin ikpe uje gbẹ erha re, nẹ ẹgbukpe ihwe gbẹ erha ri Josaya ọmọ rẹ Amọn ovie ri Juda na, rhi te nonẹ na, ota rẹ Ọrovwohwo na bru vwe rhe, me je ta kẹ ovwan ẹtẹta kẹ, dede na wa kerhọ-ọn.

Jerimaya 26:5

vwọ kerhọn rẹ eta rẹ idibo mẹ emraro na ri mi ji bru ovwan cha phẹrephẹre na, dede na wa kerhọ-ọn,

Jerimaya 29:19

Fikiridie ayen davwẹ erhọn rẹ eta mẹ na-a ri mu jẹ idibo mẹ rẹ emraro na nẹ e ra ta kẹ ayen kẹsiẹ kẹsiẹ, eriyin Ọrovwohwo tare, ẹkẹvuọvo wa cha kerhọ-ọn, eriyin Ọrovwohwo tare.

Jerimaya 32:33

Ayen hirhe obuko rayen ku vwe ọ dia opharo raye-en, obo mi dje ayen eyeyono te na ayen sa kerhọn vwọ reyọ uyono-o.

Jerimaya 35:14

Urhi ri Jonadab ọmọ ri Rekab vwọ kẹ emọ rọye, nẹ ayen da waini-i, ayen yonrọn; ayen dare rhi te none na-a, kidie ayen yọnron urhi rẹ ọsẹ rayen, mi dje ovwan ẹtẹta kẹ, ẹkẹvuọvo wa kerhọn mẹ-ẹ.

Jerimaya 35:15

Mi ji idibo mẹ rẹ emraro na ejobi bru ovwan rhe, mi ji ayen ejojo, nẹ, Dohwo didjerhe umwemwu rọye rhẹriẹ ru, wa rhuẹrẹ eyere rẹ ovwan, vwo je edjọ efa ẹyan nene re we jẹn ayen egọ, re wa sa dia evun rẹ otọ re me kẹ ovwan vẹ esẹ rẹ ovwan na. Ẹkẹvuọvo wa vwẹ erhọn kpọtọ-ọ wa je kerhọn mẹ-ẹ.

Jerimaya 35:17

Vwẹ ọtiọye na, enẹ Ọrovwohwo Ọghẹnẹ rẹ otuofovwi, Ọghẹnẹ rẹ Izrẹl na tare: Nighe, me cha ghwa umiovwo rhurhu Juda vẹ ihwo ri Jerusalẹm ejobi, umiovwo re me ta kpahe ayen jovwe na, fikiridie me ta kẹ ayen yẹ ayen kerhọ-ọn mi se ayen yẹ ayen nyori-i.

Jerimaya 44:23

Fikiridie wa tọrhẹ izobo, fikiridie we ru umwemwu kpahe Ọrovwohwo we mu ọghọ kẹ urhuru rẹ Ọrovwohwo eyẹ yan phihọ evun rẹ urhi rọye vẹ iji rọye vẹ iseri rọye-e, ọye umiovwo nana vwo shenyẹ ovwan na, kirobo rọ epha nonẹ na.

Jerimaya 44:4

Dede na mi dje idibo mẹ emraro na ejejo bru ovwan rhe tanẹ, E, we ruẹ emuẹgha nana ro tu vwe oma na-a!

Jerimaya 5:21

Nyo ọnana, E ẹkpa ighenghẹn ri vwo ẹro, ye mrorẹ-ẹ ri vwo erhọn yi nyo ẹme-e na.

Jerimaya 6:10

Kono me vuẹ ono me je kpokpa kẹ, rere ayen vwo nyo? Nighe, erhọn rayen rhurhuru, ayen sa kerhọ-ọn nighe, ota rẹ Ọrovwohwo kọ họhọ ehwẹjẹ kẹ ayen, oma rọye vwerha aye-en.

Jerimaya 7:25

Nẹ ẹdẹ rẹ esẹ rẹ ovwan vwo nẹ otọ rẹ Ijipt rhe rhi te none na, mi vwo ji idibo mẹ emraro na ejejo bru ayen, nẹ ẹdẹ ra ro ẹdẹ,

Hosia 11:2

Tiobo mi se ayen na, ọtiọye ayen je ghwa mrẹ vwẹ djẹ te; ayen ji ze izobo kẹ Baal, jẹn ayen ghwa torhẹ insens kẹ ema.

Hosia 11:7

Ihwo mẹ kẹ ukuko ayen siẹ phihọ kẹ vwẹ, ọtiọye na e de kru oghwa nyẹ ayen, rẹ ohwo ọvuọvo se mu-u.

Hosia 9:17

Ọghẹnẹ mẹ cha kpare ayen kufia, kidie ayen davwerhọn rọye-e; ayen ki che suosuo vwẹ ohri rẹ ẹgborho na.

Zekaraya 7:13

Ri mi vwo se, ayen nyori-i na, ọtiọye na re ayen rhe ji vwo se mi rhe ji nyo-o, Ọrovwohwo rẹ otuofovwi rẹ tarọ,

Matiu 23:37

E Jerusalẹm, Jerusalẹm, ro hwe otu rẹ emraro na, rọ vwẹ elalọ phiẹ ihwo re ji bru ovwan rhe na! mavọ mi se ovwan koko te kerẹsiẹ rẹ ọhọ a da vwẹ ibekpe rhurhu emọ rọye, yẹ ovwan je rhọvwe-e.