Jerimaya 7:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ke yanran kpo ẹdia mẹ rọ hẹ Shiloh, asan rẹ odẹ mẹ diare vwẹ ẹsosuọ, re wa mrẹ obo mi ruro fiki rẹ orukuruku rẹ ihwo mẹ Izrẹl.

Jerimaya 7:12 ပူးပေါင်းရင်းမြစ်များ

1 Ivie 9:7

Etiyin ke Me nyavwe Izrẹl kufia nẹ otọ re Me vwọ kẹ ayen na; kugbe uwevwi ri mi ru fon kẹ odẹ mẹ na ki mi sio nẹ obaro mẹ; ka vwẹ Izrẹl bru isẹ vẹ ohare vwẹ ohri rẹ ihwo na.

Jerimaya 26:6

ki mi che ru uwevwi nana kerẹ Shilo ki mi ji ru orere nana ekan vwọ ke irere re akpọ na ejobi.

Jerimaya 7:14

vwẹ ọtiọye na ki mi che ru kẹ uwevwi na ra vwẹ ode mẹ se na, re wa vwẹ ẹro so, kugbe asan na re me vwọ kẹ esẹ rẹ ovwan na, kirobo ri mi ru ki Shiloh.

Urhi Rivẹ 12:11

kẹsiẹye o ki rhi re te asan rẹ Ọrovwohwo Ọghẹnẹ rẹ ovwan sanọre nẹ odẹ rọye dia Etiyin na, Etiyin wa ghwẹ irhi mi ji iji kẹ ovwan na rhe; izobo ra torhẹre rẹ ovwan, vẹ izobo rẹ ovwan vẹ abọvo rẹ ẹkẹn ihwe rẹ emu rẹ ovwan, vẹ osa ẹhwa rẹ obọ rẹ ovwan, vẹ omamọ rẹ ive ri we veri kẹ Ọrovwohwo na.

Urhi Rivẹ 12:5

Ẹkẹvuọvo we mi kpo asan rẹ Ọrovwohwo Ọghẹnẹ rẹ ovwan na sanọre vwẹ orua rẹ ovwan na ejobi, vwo kpo ẹdia rọye ọ Me dia ẹguọnọ rẹ ovwan, Etiyin ọye wọ ra.

Joshua 18:1

Etiyin ukoko rẹ ihwo rẹ Izrẹl ejobi da rhe ghwẹ koko vwi Shiloh, ayen da gba utughẹ ra da vwa oma phihọ etiyin; yẹ ayen phi otọ na ejobi kua nure.

Joshua 18:10

Joshua de duvwu itẹ kẹ ayen vwi Shiloh vwẹ obaro rẹ Ọrovwohwo; etiyin Joshua da ghare otọ na ẹkẹnkẹn kẹ ihwo rẹ Izrẹl, dohwo dẹkẹn rọye.

Iguẹdjọ 18:31

Ọtiọye na ayen da vwẹ oma rẹ Mika duvwuru na vwo vi phihọ Shiloh vwẹ ọke rẹ uwevwi rẹ Ọghẹnẹ vwọ herọ.

1 Samuẹl 1:3

Asakiephana ọshare na kukpe kukpe kọye o vwo nẹ orere rọye ra gẹga o mi ji ze izobo kẹ Ọrovwohwo rẹ otuofovwi na vwi Shiloh, asan rẹ emọ rẹ Eli ivẹ, Hofni kugbe Finihas, da hẹ irherẹn rẹ Ọrovwohwo.

1 Samuẹl 4:22

Ọ da ta, Urinrin na vrẹn nẹ Izrẹl nure, kidie e mu ekpeti rẹ Ọghẹnẹ reyọ.