Jerimaya 7:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Kẹ uwevwi nana re vwo se odẹ mẹ na rhoma hirhe phihọ unu rẹ igbunegbu vwẹ ẹro rẹ ovwan? Nighe, ekpuyovwi mẹ mrerẹ nure, eriyin Ọrovwohwo na tare.

Jerimaya 7:11 ပူးပေါင်းရင်းမြစ်များ

2 Ikun rẹ Ivie 6:33

Nyo vwẹ obo odjuvwu vwẹ asan ru wọ dia na, rere wo ru emu ejobi rẹ ọrhorha nọ mie we, rere ihwo rẹ akpọ na ejobi vwọ riẹn odẹ wẹn re ayen je djẹ oshọ wẹn, kirobo rẹ ihwo wẹn Izrẹl ruẹ, rere ayen vwọ sa riẹn nẹ uwevwi nana re me bọnre na odẹ wẹn e vwo se.

Aizaya 1:12

Ọke wọ da cha vwẹ oma phia kẹ vwẹ, kono guọnọ ọnana mie we egbe nana ru wo gbe ẹguan mẹ na?

Aizaya 56:7

ena keye Me reyọ rhe ugbenu ọfuanfon Mẹ, ki mi ru ayen vwo vwo aghọghọ vwẹ evun rẹ uwevwi rẹ ẹrhovwo Mẹ, izobo rayen rẹ ẹtorhẹ kugbe izobo rayen ka rhọvwọ ayen vwẹ enu rẹ ẹshẹ Mẹ, kidie uwevwi Mẹ ke se uwevwi rẹ ẹrhovwo kẹ ihwo ejobi.

Jerimaya 2:34

A mrẹ ọbara rẹ ivwiogbere re hweri ekueku vwẹ ejọjọ rẹ ewun wẹn, ru wọ ru imu nana ejobi na yẹ ayen tọn uwevwi wẹn fi-i.

Jerimaya 23:24

Ohwo se si oma nu vwẹ asan rọ djahere mi de jẹ mrẹ, eriyin Ọrovwohwo tare. Ọ dia mẹvwẹ re ghwẹ odjuvwu vẹ akpọ na vọn eriyin Ọrovwohwo tare.

Jerimaya 29:23

fikiridie ayen ru uruemu rẹ ẹkpa vwẹ Izrẹl ayen vẹ eya rẹ irivẹ rayen gbe ọfanrhiẹn, ayen da vwẹ odẹ mẹ ta eta rẹ efian re me vuẹ ayen nẹ ayen ta-a. Mẹvwẹ ohwo rọ riẹnre, mẹvwẹ je he oseri, eriyin Ọrovwohwo tare.

Jerimaya 7:10

wa rhoma cha we mi rhi mudia vwẹ obaro mẹ vwẹ uwevwi nana, ra vwẹ odẹ mẹ se na ro wa tanẹ, Esivwi avwanre!-–yẹ ovwan je rhoma ruẹ ẹgua nana?

Izikiẹl 35:13

Wọ de mu oma wẹn kpenu kpahe ovwẹ vwẹ ugbunu wẹn, wọ da ta eta miomiovwi kpahe ovwẹ, mi nyo ayen.

Daniẹl 9:18

E Ọghẹnẹ mẹ, rhiẹ erhọn wẹn ke vwẹ wo rhe nyo vwẹ; rhiẹ ẹro wẹn wọ mrẹ obo ra kua avwanre fiotọ, te orere nana ra vwẹ odẹ wẹn se na, fikiridie ọ dianẹ ifiki rẹ ọvwata avwanre vwọ rẹ orẹ nana vwẹ obaro wẹ-ẹn, ẹkẹvuọvo fiki rẹ arodọvwẹ wẹn rode na.

Matiu 21:13

Ọ da ta kẹ ayen nẹ, e siro nẹ, Uwevwi mẹ e se nẹ uwevwi rẹ ẹrhovwo; ẹkẹvuọvo we vwi ro ru unu rẹ iji.

Iyẹnrẹ Esiri ri Mak 11:17

O de yono, ọ da ta kẹ ayen, E siro jovwo, uwevwi mẹ e se nẹ uwevwi rẹ ẹrhovwo kẹ ẹgborho na ejobi? ẹkẹvuọvo ovwan vwi ro ru uwevwi rẹ iji.

Iyẹnrẹ Esiri ri Jọn 2:16

Ọ da ta kẹ otu re shẹ ilekuku na, Si imu nana nẹ etinẹ; wo vwẹ uwevwi rẹ Ọsẹ mẹ vwo ruẹ uwevwi rẹ eki-i.

Hibru 4:13

O vwo emama ọvuọvo ro sioma nu kẹ-ẹ, emu na ejobi rhie phihọ ghwroro kẹ ohwo rẹ avwanre vẹ ọye gbe yerẹ kuẹgbe na.