Jerimaya 6:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Noma te, E Jerusalẹm, mi de rhe sioma nu we, mi de rhe ru we dia ofefe, rhe dia otọ re jẹ dia.

Jerimaya 6:8 ပူးပေါင်းရင်းမြစ်များ

Une rẹ Ejiro 2:10

Asakiephana, wa gba ghwanre, E ivie, wa kẹnoma, E isun rẹ akpọ na.

Une rẹ Ejiro 50:17

Kidie oma re ẹghwọ tu we, kọye wo vwo gere ota mẹ phihọ uko.

Une rẹ Ejiro 94:12

Ebruphihọ kẹ ohwo ru wọ ghwọ ku, E Ọrovwohwo kugbe ohwo ru wo yono nẹ evun re urhi wẹn rhe

Isẹ 19:20

Kerhọn rẹ uchebro rere wọ reyọ uyono, rere wo vwo aghwanre hẹrhẹ ọke rọ cha.

Isẹ 4:13

Nabọ mu ẹro phihọ uyono, wo siobọ no-o; sẹro rọye, kidie ọye arhọ wẹn.

Jerimaya 17:23

Dede na ayen kerhọ-ọn ayen je vwẹ erhọn rẹ ayen kpo otọ-ọ, ẹkẹvuọvo ayen de ru udu rayen gan rere ayen vwo mrasan je nyo rere ayen vwo reyọ uyono.

Jerimaya 2:15

Ikpohrokpo re kperẹ nene, ayen re kperẹ gangan, Ayen ru otọ rọye ofefe; irere rọye hẹ evun rẹ oghwọrọ ihwo gbe hẹ ayẹ-en.

Jerimaya 31:19

Kidie me vwo beghe ghwru nu, mi de kurhẹriẹ; re vwo yono uvwe nu, me da teye ekpoghowọ mẹ, oma vo vwẹ, mi de kpogho, fikiridie me ghwa omaẹvuọ rẹ emeghene mẹ.

Jerimaya 32:33

Ayen hirhe obuko rayen ku vwe ọ dia opharo raye-en, obo mi dje ayen eyeyono te na ayen sa kerhọn vwọ reyọ uyono-o.

Jerimaya 4:14

E Jerusalẹm, họ oma wẹn nẹ orukuruku rọ hẹ udu wẹn, rere wọ vwọ rhọ. Mavọ iroro umwemwu wẹn dia evun wẹn krite?

Jerimaya 7:20

Vwẹ ọtiọye na enẹ Ọrovwohwo Ọghẹnẹ na tare: Nighe, mi che ku ivuemiovwo mẹ vẹ ophu mẹ phihọ etinẹ na, phihọ enu rẹ ohwo vẹ eranvwe, phihọ enu rẹ irhe rẹ aghwa vẹ emamọ rẹ otọ na, ọ cha la e se fuo-o.

Jerimaya 7:28

Wọ me ta kẹ ayen nẹ, Ọnana orere rọ kerhọn rẹ urhuru rẹ Ọrovwohwo Ọghẹnẹ raye-en, ayen reyọ ẹghwọ kuo rọye-e, uyota ghwuru kpimẹ e bruro nẹ ẹbẹrunu rayen.

Jerimaya 7:34

Ki mi fue urhuru rẹ aghọghọ vẹ omavwerhovwẹ nẹ irere ri Juda kugbe Jerusalẹm ejobi, urhuru rẹ opha vẹ ọshare rọye, kidie otọ na cha dia ofefe.

Jerimaya 9:11

Mi che ru Jerusalẹm phihọ erhurhu, mi che ruo phihọ unu rẹ erha mi che ru irere ri Juda phihọ ofefe, ihwo gbe dia-a.

Izikiẹl 23:18

Ọke ro vwo gbe ọfanrhiẹn na gbonozẹ ọtiọye rọ vwọ vwẹ ẹba rọye nẹ nu, mi de chuko kuo vẹ omaetuo, kirobo mi chuko ku oniọvo rọye rẹ ọmọtẹ.

Hosia 2:5

Kidie oni rayen gbe ọfarhiẹ; ohwo ro mrẹ evun rẹ ayen ru emu rẹ omẹvuọ. Kidie ọ tare, Mi nenẹ esen mẹ, re kẹ vwẹ emuọrẹ mẹ vẹ ame mẹ, ẹton rẹ ogegede mẹ vẹ oruru mẹ, ọfigbo mẹ vẹ udi mẹ.

Hosia 9:12

Ọ tobọ dianẹ ayen vwiẹ emọ dede mi hwe ayen, ọvuọvo gbi chekọ-ọ. Ekan kẹ ayen vwẹ ọke mi de tephe kẹ ayen

Livitikọs 26:34

Ọke yena otọ na kọ che vwo omavwerhe fiki fiki re ẹdidjala rọye vwẹ ọke re otọ na dia ofefe kri te, rẹ ovwan cha vwọ dia otọ rẹ ivwighrẹ rẹ ovwan na, otọ na kọ nabọ rovwo oma ọ Me rhe yọnrọn ẹdidjala na.

Zẹfanaya 3:7

Me da ta, uyota kọ djẹ oshọ mẹ kọ cha reyọ obo re dje kẹ emu ejobi ri mi dje kẹ o gbi ni ayen kuerofia-a. Jẹ urhuru rẹ emu umwemwu rayen ji sie ayen phihọ ke rhoma miovwẹ phihọ.

Urhi Rivẹ 32:29

Ọ dianẹ ayen ghwanre nọ, manẹ ayen riẹn Ọnana, yẹ ayen vughe oba rẹ akpọ rayen.