Jerimaya 6:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Obo rẹ orhare sẹro rẹ ame rọye djidjidji ye, ọtioye ọ sẹro rẹ orukuruku rọye djidjidji; omuru gidigidi vẹ eghwọrọ ọye enyo vwẹ evun rọye; emiavwe vẹ oma ẹnwan eye me mrẹre vwẹ obaro mẹ vwẹ ọke ejobi.

Jerimaya 6:7 ပူးပေါင်းရင်းမြစ်များ

Isẹ 4:23

Jẹn udu wẹn sasa vwẹ ọke ejobi; kidie evun rọye ogbugbu rẹ arhọ va nẹ cha.

Aizaya 1:6

Kẹ eherhowọ rhiri re te uyovwi, ghwodirhẹn kpimẹ, ẹkẹvuọvo e ghwiẹ ki ibru era kugbe era ri hwẹ, e mi aye-en eyẹ ke ẹgbaa eyẹ a vwẹ evwri rhuọrhọọ.

Aizaya 57:20

Ẹkẹvuọvo oruimwemwu kọ họhọ abadi rọ họnra, kidie o se rovwoma-a, ame rọye fa ibehre vẹ ikueku phia.

Aizaya 59:6

Uwevwi rayen che je vwo ru amwa-a; ihwo sa vwẹ amwa ra vwẹ ayen ru phopho-o. Iruo rayen iruo rẹ umwemwu, uruemu rẹ ozighi vọn abọ rayen.

Jerimaya 20:8

Kidie ọke me da ta ota ki mi kperẹ, mi kperẹ, Ozighi vẹ oghwọrọ! Kidie ota rẹ Ọrovwohwo ko rhoma rhi hirhe phihọ ehwẹjẹ kẹ vwẹ vwẹ ọke ejobi.

Jerimaya 30:12

Kidie enẹ Ọrovwohwo tare. Omaẹwan rẹ ovwan dia ọ re se sivwi-i, ora rẹ ovwan ọrhuarho.

Jerimaya 30:13

Ohwo ro kerhọn rẹ ovwan herọ-ọ, uhuvwu herọ kẹ ora rẹ ovwa-an; esivwo herọ kẹ ovwa-an.

Jerimaya 30:15

Die nẹrhẹ omaewan rẹ ovwan da ovwan? ọ davwẹ rẹ ovwan vwo ehworokpo-o. Fikiridie abe rẹ ovwan rhoro, fikiridie umwemwu rẹ ovwan gbori gangan, mẹvwẹ ri ru ovwan imu nana.

Jerimaya 32:31

Orere nana kpare ophu vẹ ivuemiovwo mẹ, nẹ ẹdẹ ra vwọ bọn rhi te nonẹ na, eriyin na ki mi che ghwie nẹ obaro mẹ.

Jerimaya 8:22

Ifuen gbe hẹ Giliad? Ọbo hẹ oboyi? Kidie rha suọ re gbi sivwi arhọ rẹ ọmọtẹ rẹ ihwo mẹ-ẹ? na-a?

Izikiẹl 21:29

rẹ ayen vwọ mrẹ emramrẹ rẹ efian kẹ wẹ, rẹ ayen vwọ bọ epha rẹ efian kẹ wẹ–rere a vwọ ya ohọre rẹ ọ ro jẹfuọn ohwo umwemwu na, rẹ ẹdẹ rọye gba nure na, ọke rẹ ehwe rẹ obo oba rọye te re.

Izikiẹl 24:7

Kidie ọbara ro sun te otọ na ọ je hẹ uherevie rọye; o phiro phihọ enu rẹ oragha rọ pha phrẹphrẹphrẹ na, o kuro phihọ otọ rọ da vwẹ iwurhie rhurho.

Izikiẹl 45:9

E nẹ Ọrovwohwo Ọghẹnẹ tare: Oteri, E isun rẹ Izrẹl! Ku ogbarogba vẹ oshenyẹ kufia, ru ọsoso vẹ ọvwata; we gbi keke ihwo mẹ nẹ otọ raye-en, eriyin Ọrovwohwo Ọghẹnẹ tare.

Izikiẹl 7:11

Ozighi rhe rho hirhe phihọ ọkpọ rẹ uvumwemwu; ọvuọvo rọye che chekọ-ọ, eyẹ obuebu raye-en, eyẹ efe raye-en, eyẹ ohwo rode gbe dia ohri raye-en.

Izikiẹl 7:23

a Me kua fiotọ. Fikiridie otọ na vọnre vẹ uruemu rẹ ọbara orere na vọnre vẹ ozighi,

Zẹfanaya 3:1

Ekan kẹ ọ ro muẹkpahe ihwo ro gbe ihwo kuẹ orere rẹ oshenyẹ na!