Jerimaya 6:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Vwẹ esiso rhuo, E ọmọtẹ rẹ ihwo mẹ, wo gbule vwẹ iwurhie; muomahọ kerẹ ohwo ro vwerhe ọmọ ọvuọvo rọyen, omamọ rẹ oviẹ ro muenu korokoro kidie kpregede na ọye oghwọrọ na che vwo bru avwanre rhe.

Jerimaya 6:26 ပူးပေါင်းရင်းမြစ်များ

Jẹnẹsis 21:16

Ọ da yanran re tidia tephe vwẹ ogboko kẹ ọmọ na vwẹ uvwre rẹ asan rẹ umurhabọ sa yan te, kidie ọ tare ne, E ju vwe mrẹ orivwi rẹ ọmọ na-a. Ọke ro vwo tidia oboyi ro vwo no re, ọmọ na da teye ugoroviẹ.

ỌBE RẸ JOB 15:21

Edo rẹ imuoshọ vẹ erhọn rọye; vwẹ oyovwe rọye oghwọrọ na de che brora.

ỌBE RẸ JOB 2:8

Ọ reyọ igbephẹnre kọye ọ vwọ kare omobọ rọye, o de broma phihọ iwurhie.

Aizaya 22:12

Vwẹ ẹdẹ yena Ọrovwohwo Ọghẹnẹ rẹ otuofovwi ko che se ihwo rhe viẹ rhi muomahọ, rhe wanre uyovwi korie rhe, vwẹ esiso rhuo,

Aizaya 22:4

Fiki rẹ ọtiọye na me da ta. Wo gbi ni vwe-e, ju vwe viẹ oviẹ rọ yara; wọ lagha oma bru vwe uche-e fiki rẹ ẹghwọrọ rẹ emetẹ rẹ ihwo mẹ.

Aizaya 3:24

Kpe rẹ ishani ọnrhe kọye che gbo phia; vwe asan rẹ umuehu, ke ufi; kpe re ẹton ra riẹn me kẹ akpan, kpe rẹ omamọ rẹ adagba, kẹ erharhimi; kpe rẹ erhuvwu, kẹ omaẹvuọ.

Aizaya 30:13

fiki rẹ ọtiọye na orukuruku na kọ cha dia kẹ wẹ kerẹ ova vwẹ oma rẹ igbẹhẹ, rọ vẹn tutu kpo uko, ro che rhurie she, ro che she ẹsiẹvuọvo kpregede,

Aizaya 32:11

Phariẹ, ovwan eya re hẹ ofuvweghe, guoma, ovwan ri ghwaho rerẹ na ghwie nu, ru wọ ba oma wẹn phihọ, wọ vwe eslsọ rhuọ ehun wẹn.

Jerimaya 12:12

Vwẹ enu rẹ igbenu phrephrephre na ejobi etiyin ọghwọrọ na nẹ cha; kidie ọlọkọ rẹ Ọrovwohwo guọghọ nẹ oba rẹ akpọ ọvo re te oba rivẹ, ohwo ọvuọvo ro vwo ufuoma hẹrọ-ọ.

Jerimaya 13:17

Ẹkẹvuọvo wa gbe kerhọ-ọn, ẹnwẹn mẹ kọ bẹbẹ viẹ fiki rẹ eheri wẹn, ibiẹro mẹ ke gangan ame oviẹ mẹ ko hwẹ rhe patapata fikiridie emu igegede rẹ Ọrovwohwo imu.

Jerimaya 14:17

Ku wọ ta ota nana kẹ ayen, Jẹn ẹro mẹ djẹ ame ason vẹ uvo, wo jẹ ayen ka-a, kidie e bru ora rode na phihọ ọmọtobẹ rẹ ihwo mẹ, a teye rọ miomiovwi.

Jerimaya 15:8

Mi ru eyauku rayen rhi bu phihọ, vrẹn ubu rẹ abadi. Mi rhi mu kpahe iniemọ rẹ ighene na ọghwọrọ vwẹ ọnre viri me vwẹ omaẹghwọrọ vẹ uguegue ri she teyọ ayen kpregede.

Jerimaya 18:22

E je nyo oviẹ vwẹ iwevwi rayen, vwẹ ọke wo de ji igbulegbu bru ayen ra kpregede! Kidie ayen tọn ọgọdọ re mi she ruọ, ayen kpahe ufi hẹrhẹ ovwẹ.

Jerimaya 30:5

Enẹ Ọrovwohwo tare: Avwanre nyo edo rẹ ogidi rode na, rẹ imuoshọ, ufuoma herọ-ọ.

Jerimaya 4:11

Ka cha ta kẹ ihwo nana vẹ Jerusalẹm vwẹ ọke yena, Odju ọrhorhorho che nẹ ugbenu phrẹphrẹphrẹ rẹ aton na cha che hirhe aro ku ọmọtẹ rẹ ihwo mẹ, ọ dianẹ re ọ vwọ sanọ eyẹ re o vwo ruo fo-on,

Jerimaya 4:20

Ẹguọghọ nene ẹguọghọ, otọ na ejobi kọ cha dia ofefe kpregede a teyọ itughẹ mẹ she, ibọkpọ mẹ vwẹ ẹro ẹbrẹ na.

Jerimaya 4:8

Fiki rẹ ọnana, gba vwẹ esiso rhuo, viẹ beroma; kidie ophu ọtuatua rẹ Ọrovwohwo na ji kurhẹriẹ jẹn avwanre vwo-o.

Jerimaya 6:14

Ayen sivwi era rẹ ihwo mẹ te-e, ta nẹ, Ufuoma, ufuoma, yẹ ufuoma herọ-ọ.

Jerimaya 8:19

Kerhọn, rẹ ovie rẹ ọmọtẹ re ihwo mẹ nẹ ugrogro te ohẹhẹre rẹ otọ na, Ọrovwohwo hẹ zayọn vwẹ etiyin na? Ovie rọye tobọ herọ? Die ayen vwọ vwẹ ema rayen vwọ kparẹ ovwẹ ophu? kugbe edjọ erhorha rayen?

Jerimaya 8:21

Kidie omẹwan rẹ ọmọtẹ rẹ ihwo mẹ na ọ miavwe ovwẹ vwẹ udu, mi muomahọ, ofu dje vwe hwe.

Jerimaya 9:1

E manẹ uyovwi mẹ kẹ ame, rẹ ibiẹrọ mẹ da dia ogbugbu rẹ oviẹ? rere me a vie te ason te uvo fiki rẹ irivwi rẹ ọmọtẹ rẹ ihwo mẹ na!

Jerimaya 9:10

Viẹ wo beroma kẹ igbenu na, je viẹ ovie kẹ odi rẹ aghwa na, kidie aguọghọ ayen ohwo ọvuọvo gbe wan vrẹ-ẹn e gbi nyo oviẹ rẹ uchuru vwọ-ọ, te emephran rẹ obenu kugbe e eravwe rẹ aghwa dje ghwru.

Uvwerhe 1:16

Kidie fiki rẹ imu nana me vwọ viẹ, ẹro mẹ kọ djẹ ọkẹre rẹ oviẹ, kidie obruche tephe kẹ vwẹ O ro phiudu phihọ ovwẹ awọ, emọ mẹ gbi vwo ọchuko-o kidie ọvweghrẹ mẹ kparobọ nure.

Uvwerhe 1:2

O beroma rẹ oviẹ vwẹ ason, ameoviẹ hẹ egban rọye, vwẹ usun rẹ esen rọye na ejobi o vwo ọvuọvo rọ vwẹ uchebro kẹ-ẹ; Igbeyan rọye ejobi hirhe phihọ ivwighrẹ rọye.

Uvwerhe 2:11

Ibiẹrọ mẹ sunka vẹ oviẹ; erhi mẹ re kpọghọ; udu mẹ vọnre vẹ uvweri fiki rẹ ẹghwọrọ rẹ ọmọtẹ rẹ ihwo mẹ, fikiridie imitete vẹ emọboba hiro sherua vwẹ evun rẹ irhuvwu rẹ orere na.

Uvwerhe 3:16

Ọ da reyọ ako mẹ vwọ chẹghẹ ibiekpẹn, ọ da vwẹ ovwẹ gbule iwurhie.

Uvwerhe 3:48

ẹro mẹ ke djẹ ọkẹre kerẹ ame rẹ urhie fiki rẹ ẹghwọrọ rẹ ọmọtẹ rẹ ihwo mẹ.

Uvwerhe 4:10

Eya ri gbe arodọvwẹ da vwẹ abọ rayen chere emọ rayen re, e da rhe dia emuọre rayen vwẹ evun rẹ ẹghwọrọ rẹ ọmọtẹ rẹ ihwo mẹ.

Uvwerhe 4:3

Vwevwe rẹ ẹrha je vwẹ evie kẹ emọ rọye ẹkẹvuọvo ọmọtẹ rẹ ihwo mẹ rhi hirhe phihọ ihwo ebrabra, kerẹ ogomugoro vwẹ evun rẹ aghwa.

Uvwerhe 4:6

Kidie efafa ra fa ọmọtẹ rẹ ihwo mẹ rhonọ ehwe ri Sodom, ra guọghọre vwẹ ẹroẹbrẹ na, ọ dianẹ a vwẹ obọ te-e.

Emọs 8:10

Ki mi che hirhe orẹ wẹn phihọ omaemuohọ, ine ẹsuọ wẹn ejobi phihọ omaevwerhe ke Me vwẹ emwa rẹ uvweri rhuo ayen ejobi, uyovwi rẹ ohwo kohwo ko gbe akpan; kọ họhọ ohwo ro muomaphihọ fiki ọmọ ọvuọvo ro vwiẹri oba rọye kẹ ẹdẹ rọ yara korokoro.

Jona 3:6

Etiyin ikun de re duvwu ovie ri Ninivẹ, o de vrẹn nẹ ekete rọye ọ da ghwiẹ adagba rọye nu, ọ da vwẹ isiso rhuo, o de bru oma phihọ iwurhie.

Zekaraya 12:10

Ke Me vwe erhi rẹ arodọvwẹ vẹ ọ re orẹ ke uwevwi ri Devid vẹ ihwo re dia Jerusalẹm, ọtiọye re, ọke rẹ ayen de ni ọ rẹ ayen duvwuru na, ayen ki che muoma phihọ ke, kirobo rẹ ohwo muoma phihọ kẹ ọmọ ọvo rọye, rọ da viẹ gangan keẹ, kirobo re ohwo viẹ ọmọkpako.

Iyẹnrẹ Esiri ri Luk 7:12

Ro rhi vwo te ughere rẹ orere na, nighe, a ra ghwa orivwi ọvo cha, ọmọ ọvuọvo rẹ oni vwiẹri, aye na kẹ ayeuku; ihwo rẹ orere na buebu ke viẹ nene.

Jems 4:9

Vwẹ oja re oma wẹn, wo mu oma phihọ, re wọ viẹ; jẹ aghọghọ wẹn hirhe phihọ uvweri rere ehwẹ wẹn hirhe phihọ unuẹfiọn.

Jems 5:1

Edafe na, ovwan mọ, wa viẹ we bunu vwọ kẹ ukpokpogho ro bru ovwan cha na.