Jerimaya 6:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Ayen yọnrọn umurhabọ vẹ oshuẹ, ihwo umwemwu ri nẹ aruedọ-ọ, edo rayen họhọ ohọnre rẹ abadi ayen gua vwẹ enu re iyesi e nabo hwa phihọ kerẹ ihwo re hẹrhẹ ofovwi e hwa kpahe owẹ, E ọmọtẹ ri Zayọn!

Jerimaya 6:23 ပူးပေါင်းရင်းမြစ်များ

Aizaya 10:32

Nonẹ re ọke na ọ daji vwi Nọb, ko rhurhu ọche rọye vwẹ asan ugbenu rẹ ọmọtẹ ri Zayọn, ugbenu ri Jerusalẹm.

Aizaya 13:18

Umurhabo rayen cha sa imighene hwe; ayen vwo arodọvwẹ kẹ emamọ rẹ evu-un, ẹro rayen ria ehrọre kẹ imitete-e.

Aizaya 17:12

E, agbranran rẹ otu buebu na, ayen van kerẹ ohọre rẹ obo abadi! E, ekuvwie rẹ irere na, ayen kuvwie kerẹ edo rẹ Abadi!

Aizaya 19:4

Ki mi siobọ nẹ ihwo rẹ Ijipt vwọ kẹ onini rọ goma; ovie rọ djoma ko che sun ayen, eriyin Ọrovwohwo, Ọrovwohwo rẹ otuofovwi na tare.

Jerimaya 25:32

Enẹ Ọrovwohwo rẹ otuofovwi na tare: Nighe, umiovwo nẹ orere ra ro orere re, O se ogidi rode na nẹ oba rẹ akpo na rhe!

Jerimaya 25:9

gbe nighe, mi che se uvwiẹ rẹ obọhwẹre ọnre cha, eriyin Ọrovwohwo tare, kugbe Nebukadreza ovie ri Babilọn, odibo mẹ na, me ghwẹ ayen rhe vwọ họnre otọ nana vẹ ihwo re dia, je kpahe irere nana re yarierẹ na; me cha ghwọrọ ayen tọtọtọ, mi de ru ayen imuosho vẹ unuẹfiọn, kugbe ihwo ra hwe bẹdẹ.

Jerimaya 30:14

Ovwan chọrọ ese rẹ ovwan ẹro; ayen gbe kerhọn rẹ ovwa-an; kidie me vwe ẹghwiẹ rẹ ọvweghrẹ ghwiẹ ovwan, ehwe rẹ ọvweghrẹ ro vwo aruẹdọ-ọ, fikiridie abe rẹ ovwan ọrhuarho, fikiridie imwemwu rẹ ovwan gbori gangan.

Jerimaya 4:13

Nighe, ọ cha kerẹ egho, ẹkpẹrẹ rẹ ofovwi rọye họhọ ogiribo iyesi rọye djẹ phẹre nọ ugo– ekan kẹ avwanre, kidie avwanre ghwọre.

Jerimaya 4:16

Vuẹ egborho na nẹ ọ cha, ghwoghwo kẹ Jerusalẹm, Ihwo ri muẹ imu ri nẹ ugbo oshesheri cha; ayen re bunu kẹ irere ri Juda.

Jerimaya 4:29

Vwẹ umri rẹ ihwo re gua iyesi vẹ esedada orere korere ejobi ke djẹ, ayen djẹ ro etu, ayen re yere eragha, ayen djẹ jẹn irere ejobi vwo, ohwo gbe dia aye-en.

Jerimaya 5:16

Ekpu rẹ edada rayen họhọ ushi ro rhie phihọ, ayen ejobi egba re ihwo.

Jerimaya 50:41

Nighe, ihwo evo nẹ obọrhe ọnre cha, ẹgborho rẹ egba vẹ ivie buebu e rọ kpara nẹ ugbo shesheri rẹ akpọ na cha.

Jerimaya 50:42

Ayen yọnrọn umurhabọ vẹ ubiri, Ayen ihwo ọkon, inẹ aruẹdọ-ọ Edo rayen họhọ ohonre rẹ abadi, ayen gua vwẹ enu rẹ iyesi, ayen rhuẹrẹ oma phihọ kerẹ ohwo ro kpo ofovwi vwọ so owẹ. E ọmọtẹ ri Babilọn!

Jerimaya 6:4

Choma rẹ ofovwi vwọ suọ; vrẹn, we je kpo imu na vwẹ oghẹruvo. Ekan kẹ avwanre kidie ọke re kpo, Uhoho re ovwọnvwọn re gro!

Jerimaya 8:16

Ọ dia Dan e de nyo inwe ẹ fiọn rẹ iyesi rayen; kugbe ẹguangon rẹ azanọ rẹ rayen, otọ na soso de kpogho. Ayen rhere ayen da ghwọrọ otọ na kugbe obọ re vọnrọn, ọrere na ve ọtu re dia ejobi.

Izikiẹl 21:31

Ke me kpare ophu mẹ ku we, ki mi phopho erhanre rẹ ophu mẹ ku we; ki mi phi we phihọ obọ rẹ ihwo ri siaro, re riẹn ona rẹ ẹghwọrọ.

Urhi Rivẹ 28:49

Ọrovwohwo cha reyọ ẹgborho ọfa nẹ ogboko rhe ri mu kpahe ovwan, nẹ oba rẹ akpọ na rhe kpata kpata kerẹ ugo rọ rhan, ẹgborho ro wa riẹn ephẹrẹ rọye-e