Jerimaya 6:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Ayen sivwi era rẹ ihwo mẹ te-e, ta nẹ, Ufuoma, ufuoma, yẹ ufuoma herọ-ọ.

Jerimaya 6:14 ပူးပေါင်းရင်းမြစ်များ

2 Samuẹl 17:3

ke me ghwẹ ihwo na ejobi hirhe rhe kirobo rẹ ọpha bru ọshare rọye cha. Arhọ rẹ ohwọvo wọ guọnọre, ihwo ejobi ke dia vwẹ ufuoma.

Aizaya 1:6

Kẹ eherhowọ rhiri re te uyovwi, ghwodirhẹn kpimẹ, ẹkẹvuọvo e ghwiẹ ki ibru era kugbe era ri hwẹ, e mi aye-en eyẹ ke ẹgbaa eyẹ a vwẹ evwri rhuọrhọọ.

Aizaya 30:10

re ta kẹ emrẹ na nẹ, Wa mrẹ-ẹ kugbe emraro na neẹ, Wa mraro rẹ uyota na kẹ avwanre-e, ta avwerhe kẹ avwanre, mraro ri ghevweghe,

Aizaya 30:26

Ọ rọ ma rho urhukpẹ re emeranvwe kọ cha họhọ orẹmrẹ rẹ ọnre, ọremre re ọnre kọ rhọ asakueghwre kere orẹmrẹ rẹ edẹ ighwrẹ, vwẹ ẹdẹ rẹ Ọrovwohwo da cha gba ora rẹ ihwo rọye, ko sivwi ora rẹ ọye ọvo bruru.

Jerimaya 14:13

Me da ta E, Ọrovwohwo Ọghẹnẹ, nighe, emraro na ta kẹ ayen, Wa cha mrẹ ọlọkọ-ọ, wa cha mrẹ owẹvwe-e, ẹkẹvuọvo me cha kẹ ovwan ufuoma ro muẹro vwẹ etinẹ.

Jerimaya 14:17

Ku wọ ta ota nana kẹ ayen, Jẹn ẹro mẹ djẹ ame ason vẹ uvo, wo jẹ ayen ka-a, kidie e bru ora rode na phihọ ọmọtobẹ rẹ ihwo mẹ, a teye rọ miomiovwi.

Jerimaya 23:17

Ayen dje eta efa kẹ otu re siẹn ota rẹ Ọrovwohwo na. O che yovwẹ kẹ ovwan ji te ayen ihwo ri nene udu ọgangan rẹ evun rẹ rayen nẹ, Umiovwo se te ovwa-an.

Jerimaya 28:3

Vwẹ emu rẹ ikpe ivẹ me cha ghwa ekuakua rẹ uwevwi rẹ Ọrovwohwo cha etinẹ, e re Nebukadreza ovie ri Babilọn reyọ nẹ etinẹ kpo Babilọn na.

Jerimaya 4:10

Etiyin me da ta, E Ọrovwohwo Ọghẹnẹ, uyota wọ ghene phiẹn ihwo nana kugbe Jerusalẹm reghe, nẹ, O che yovwẹ kẹ ovwan, yẹ ọlọkọ te urhuarhọ rayen nure.

Jerimaya 5:12

Ayen vwọnrọn efian kpahe Ọrovwohwo, ayen da tanẹ, O se ru emuọvo-o, umiovwo se te avwanre oma-a eyẹn avwanre sa mrẹ ọlọkọ eyẹrẹ owẹvwe-e.

Uvwerhe 2:14

Emraro wẹn mraro rẹ efian vẹ ọphiẹnvwẹ kẹ wẹ, ayen se tue orukuruku wẹn phia-a rọ vwẹ ughwe wẹn rhivwi rhe, ẹkẹvuọvo kẹ ayen bọ epha rẹ efian ro suẹn ohwo ghwrẹ.

Izikiẹl 13:10

Fikiridie, uyota, ayen sun ihwo mẹ ghwru, tanẹ, Ufuoma ye ufuoma herọ-ọ, fikiridie, ọke rẹ ihwo na vwọ bọn igbẹhẹ, emraro nana da vwẹ oda ọfuanfon vwọ darọ.

Izikiẹl 13:16

Enana emraro rẹ Izrẹl re mraro kpahe Jerusalẹm re mrẹ emramrẹ rẹ ufuoma kpahọ, yẹ ufuoma herọ-ọ, ọtiọye Ọrovwohwo Ọghẹnẹ tare.

Izikiẹl 13:22

Fikiridie wọ nẹrhẹ udu bru evwata na ekueku, ye me vwẹ udu bro kẹ, wo de phi udu phihọ ohwo umwemwu awọ, rere o je rhivwi nẹ idjerhe umwemwu rọye ro sivwi arhọ rọye,

Izikiẹl 14:9

Ọ da dianẹ a phiẹn ọmraro na rọ da ta ota, mẹvwẹ rẹ Ọrovwohwo na, re phiẹn ọmraro yena, ke me riẹn obọ mẹ kpahọ, ke me guọghọ nẹ uherevie rẹ ihwo mẹ Izrẹl.

Maika 2:11

Ohwo de vrẹn kpo otafe ra ta eta ifefe vẹ efian, tanẹ, me ta ota rẹ udi vẹ udi ọgangan kẹ ovwan, kọye re cha ta ota kẹ ihwo nana.

Maika 3:5

E nẹ Ọrovwohwo ta kpahe emraro na ri suẹn ihwo mẹ ghwrẹ na, ri kperẹ, Ufuoma yẹ ayen vwo emuọvo rẹ ayen ria-a, ẹkẹvuọvo yẹ ayen vwẹ ofovwi suọ ohwo ro phi emuọvo phihọ unu raye-en.

1 Tẹsalonaika 5:3

Ọke rẹ ihwo vwọ ta nẹ, Ufuoma kugbe ofuvwegbe he rọ, siẹvuọvo na ughwu mi rhi she teye ayen kpregede kerẹ aye rọ chuẹ uvwiẹ, o gbi rhe vwo ohwo rọ cha djẹ vabọ-ọ.

2 Pita 2:1

Ẹkẹvuọvo emraro rẹ efian rhi mu vwẹ ohri rẹ ihwo na, kirobo rẹ iyono rẹ efian je hẹ ohri rẹ ovwan na, re bẹbẹ vwẹ uyono rẹ ohra cha, re tobọ siẹn Onini na ro dẹ ayen na, rọ nẹrhẹ ughwu rhe ghwọrọ ayen kpregede.