Jerimaya 6:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Kidie nẹ omotete re te ọkpako rayẹn, vwo urhuru rẹ igho re eku; nẹ ọmraro re te orherẹn ruẹ emu rẹ egbẹnẹkẹ.

Jerimaya 6:13 ပူးပေါင်းရင်းမြစ်များ

Aizaya 28:7

Enana ejobi na re kpogho vẹ idi, idi egangan re mu ayen gele; te orherẹn vẹ ọmraro re gele vẹ idi gangan, ayen ghwruru vwi jẹn obaro enote, ayen beghe vwẹ orhiebro

Aizaya 57:17

Fiki rẹ orukuruku rẹ ubiupho rẹ imu rẹ ihwo efa ọye ivun vwo miovwo uvwe, Me da ghwiẹ, Mi si opharo nu kẹ ivun de miovwo uvwe, ẹkẹvuọvo o jiji siẹ hẹ obuko vwẹ idjerhe re udu rọye.

Jerimaya 14:18

Mi de kpo evun rẹ aghwa nighe, irivwi rẹ ihwo re hweri hẹ oboyi. Ọ da dianẹ me ro evun rẹ orere na nighe, emiavwe rẹ owẹvwe! Kidie te ọmraro vẹ orherẹn nenesi rẹ eki rayen wan otọ na duvwu, ayen gbi vwo iroro-o.

Jerimaya 17:11

Obo rẹ ọhohowa rhọghọ nẹ ọ sa aye-en na, eriyin ohwo rọ wa idjerhe umwemwu fe epha, vwẹ uherevie rẹ ẹdẹ rọye kẹ ayen yan jovwo, oba rọye ọ me rhe dia ẹkpa.

Jerimaya 2:26

Ọtiobo rẹ oma vo oji siẹ re de muo eriyin oma cha vo uwevwi rẹ Izrẹl; te ayen, te ivie rayen, isun rayẹn, irherẹn rayẹn, kugbe emraro rayen.

Jerimaya 2:29

Die we vwo gu vwe? Ovwan ejobi mukpahe ovwẹ, Eriyin Ọrovwohwo tare.

Jerimaya 2:8

Irherẹn na sa ta-a, Tivọ Ọrovwohwo na epha vwo? Ayen otu ri yono urhi na riẹn vwẹ-ẹn isun na gbe urhi mẹ ku; emraro na vwẹ Baal vwọ mraro, ayen de nene imu ri vwo erere-e.

Jerimaya 22:17

Ẹkẹvuọvo wọ vwẹ ibiẹro vẹ udu vwọ kẹ erere ọchọchọ ọvo, vwo sun ọbara rẹ evwata te otọ, ji vwo ru oshenyẹ vẹ ozighi.

Jerimaya 23:10

Kidie otọ na vọnre vẹ igberadja; fiki rẹ ekan otọ na vwo muomahọ, odi rẹ aghwa na ejobi je ya re. Idjerhe rayen omiomiovwi, ẹgba rayen shehọ-ọ.

Jerimaya 23:11

Tẹ ọmraro tẹ orherẹn riẹn Ọghẹnẹ-ẹ, vwẹ evun rẹ uwevwi mẹ me da mrẹ umwemwu rayen vughe eriyin Ọrovwohwo tare.

Jerimaya 27:15

Mi ji aye-en, eriyin Ọrovwohwo tare, ẹkẹvuọvo ayen vwẹ odẹ mẹ mraro re efian, oba rọye ke me cha djẹ ovwan kufia, re ovwan da ghwọrọ kufia, ovwan kugbe emraro re mraro kẹ ovwan na.

Jerimaya 32:32

Fiki rẹ umiovwo rẹ emọ rẹ Izrẹl vẹ emọ ri Juda ejobi rẹ ayen ruru vwọ nẹrhẹ ovwẹ phihọ ophu–ivie rayen vẹ isun rayen, irherẹn rayen vẹ emraro rayen, ihwo ri Juda vẹ ihwo re dia Jerusalẹm.

Jerimaya 42:1

Etiyin ijurhi rẹ ofovwi na ejobi, vẹ Johanan ọmọ ri Karia vẹ Azaraya ọmọ rẹ Hoshaya, kugbe ihwo na ejobi nẹ otete re te orọde rayen, ki rhi si kẹre

Jerimaya 5:31

emraro na mraro rẹ efian irherẹn na ki nene idjedje rayen ihwo mẹ ghwa reyọ wan ọtiọye, komavọ ovwan ru vwẹ ọke rẹ oba de te?

Jerimaya 8:10

Vwẹ ọtiọye na ke me vwẹ eya rayen kẹ ihwo efa, ke me vwẹ udju rayẹn kẹ otu ri phi ayen kua, fikiridie nẹ omotete rayen re te omirẹgua vwo urhuru rẹ igho rẹ eku; nẹ orherẹn re te ọmraro ejobi vwọrọn ofian.

Uvwerhe 4:13

Ọna ki fiki rẹ umwemwu rẹ emraro rọye kugbe orukuruku rẹ irherẹn rọye, ri sun ọbara rẹ evwata na ekueku vwẹ ohri rọye.

Izikiẹl 22:12

A jẹ udi kẹ ihwo rere ayen vwo sun ọbara vwẹ evun wẹ, wo suẹn igho wo ghwe brẹ ba igho rere wọ vwọ mrẹ erere vwẹ oma rẹ ọrivẹ wẹn, wọ je ghwa karhiẹ obo rẹ ọrivẹ vwori mie, me da chọrọ owẹ ẹro, eriyin Ọrovwohwo Ọghẹnẹ tare.

Izikiẹl 33:31

Ayen ki bru we rhe kirobo rẹ ihwo cha, ayen ki che tidia kẹrẹ owẹ kerẹ ihwo mẹ, ayen ki nyo obo ru wo ta ẹkẹvuọvo yẹ ayen ruo-o, kidie ẹbẹrunu ọye ẹguọnọ rẹ ayen epha, ẹkẹvuọvo yẹ ayen vwẹ udu rayen kpahe erere rayen cha mrẹ.

Maika 3:11

Igbuyovwi rọye da udi tavwe ri ki brorhiẹ, irherẹn rọye yono fiki rẹ osa, emraro na hẹrhẹ igho re ke mraro, ye ayen vwẹ oma kpahe Ọrovwohwo ayen me ta, Ọrovwohwo na he uherevie rẹ avwanre-e? Emu umwemwu ọvuọvo che te avwanre oma-a.

Maika 3:5

E nẹ Ọrovwohwo ta kpahe emraro na ri suẹn ihwo mẹ ghwrẹ na, ri kperẹ, Ufuoma yẹ ayen vwo emuọvo rẹ ayen ria-a, ẹkẹvuọvo yẹ ayen vwẹ ofovwi suọ ohwo ro phi emuọvo phihọ unu raye-en.

Iyẹnrẹ Esiri ri Luk 16:14

Farisi ri vwo ubiupho rẹ igho na, de nyo ọnana ejobi, ayen da vwọ jehwẹ.

1 Timoti 3:3

ọ dia ọgba-udi-i, ọ dia ohwo gudu gudu-u ẹkẹvuọvo ohwo dẹndẹn, ọ dia ohwo rẹ ẹghwọ-ọ, o nenesi rẹ igho-o.

2 Pita 2:1

Ẹkẹvuọvo emraro rẹ efian rhi mu vwẹ ohri rẹ ihwo na, kirobo rẹ iyono rẹ efian je hẹ ohri rẹ ovwan na, re bẹbẹ vwẹ uyono rẹ ohra cha, re tobọ siẹn Onini na ro dẹ ayen na, rọ nẹrhẹ ughwu rhe ghwọrọ ayen kpregede.

2 Pita 2:3

Fiki rẹ urhuru kugbe ọphiẹvwe rayen ke cha vwẹ ovwan chueki; nẹ awanre rhe ọye obruhwe rayen vwọ hẹ otọ, o vwo ovwerhẹ vwẹ ọke rẹ ẹghwọrọ raye-en.