Jerimaya 52:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Etiyin ayen de mu ovie na, ayen da reyọ vwo rhe ovie ri Babilọn vwẹ obi Ribla vwẹ otọ ri Hamat, o de brorhiẹ hwe.

Jerimaya 52:9 ပူးပေါင်းရင်းမြစ်များ

1 Ivie 8:65

Ọtiọye na Solomọn da rẹ orẹ na vwẹ ọke yena, kugbe Izrẹl ejobi vẹ ọye, Ọghwẹgbe rode na, nẹ unu ri Hamat re te Ẹtẹrhe rẹ Ijipt, vwẹ obaro rẹ Ọrovwohwo Ọghẹnẹ rẹ avwanre ẹdẹ ighwrẹ.

Ivie rẹ Ivẹ 23:33

Fero Niko de muo gba phihọ uwodi vwi Ribla vwẹ otọ ri Hamat, rere o je suo vwi Jerusalẹm, o de bru arhọghọ kẹ otọ na nẹ ayen jẹ, talent ujori rẹ idọnọ vẹ oro.

Ivie rẹ Ivẹ 25:6

Etiyin ayen de mu rhe ovie rẹ Babilọn vwẹ Ribla, o de bru orhiẹn hwe.

2 Ikun rẹ Ivie 33:11

Fiki rẹ ọtiọye na Ọrovwohwo da reyọ inotu rẹ unuofovwi rẹ Asiria ri vwo phi ayen, o mu Manasse a da vwẹ oghọre sa a da ghwẹ igoni rẹ ẹrovwo phihọ abọ e de muo kpo Babilọn.

2 Ikun rẹ Ivie 8:3

Solomọn da yanran kpo Hamatzobat, ọ da reyọ.

Jerimaya 21:7

Ukuko rọye, eriyin Ọrovwohwo tare, mi che phi Zẹdikaya ovie ri Juda tẹ idibo rọye, vẹ ihwo rẹ orere nana rẹ emiavwe vẹ ọlọkọ kugbe owẹvwe hwe chekọ phihọ obọ ri Nẹbukadreza ovie ri Babilọn ji phihọ obọ rẹ ivwighrẹ rayen, phihọ obọ rẹ ihwo re guọnọ arhọ rayen. Ọ cha vwẹ arọ rẹ ọlọkọ nyavwẹ ayen, o che mu ayen ẹro-o, o ji jẹn ayen vwo-o, ọ je rẹ ehrọre raye-en.

Jerimaya 39:5

Ẹkẹvuọvo unuofovwi rẹ ihwo ri Kaldia da vwọ tua ayen, ayen da djẹ mu Zedikaya vwẹ uphephẹ ri Jeriko, re ayen vwo muo nu, ayen de vwo rhe Nebukadreza ovie ri Babilọn, vwẹ Ribla, vwẹ otọ ri Hamat, o de brorhie hwe.

Uvwerhe 4:20

Ẹnwẹn rẹ inwe rẹ avwanre ọ rẹ Ọrovwohwo vwẹ ọri ghworo na e de muo vwẹ ukpotọ rayen, ọ re avwanre ta kpahe nẹ, Otọ rẹ uhoho rọye avwanre cha dia vwẹ ohri rẹ ẹgborho na.

Izikiẹl 11:10

Ọlọkọ kọye a vwọ nyavwe owẹ; ke me vwẹ owẹ gu ẹdjọ vwẹ ughwru rẹ Izrẹl ko wọ riẹn nẹ mẹvwẹ Ọrovwohwo na.

Izikiẹl 23:24

Ke ayen cha vwọ so wẹ nẹ obọhwẹre ọnre rhe vẹ akpẹrẹ kugbe idjighere vẹ urogho rẹ ihwo buebu; kẹ ayen vwọ so wẹ vwi kabọ kabọ vẹ oshuẹ, kugbe ọlọkọ, kugbe erhu rẹ utehru, ke me vwẹ ẹdjeguo na vwọ kẹ ayen, kẹ ayen vwẹ owẹ gu ẹdjọ nene urhi rẹ rayen.

Ukeri 13:21

Etiyin ayen da yanran re ni otọ na, nẹ aton ri Zin re te Rehob, rọ kẹrẹ ughere ri Hamath.

Ukeri 34:11

ughwru na ko nẹ Shefam re te Riblah vwẹ obaro ọnre vwi Ain; ughwru na kọ yanran rhiri, re te igabọ rẹ abadi ri Chinneret vwẹ obaro ọnre;

Joshua 13:5

Otọ rẹ Geba kugbe Lebanọn re tẹ ubrakpọ rẹ ọnre da vacha, nẹ Baalgad vwẹ obotọ rẹ Ugbenu ri Hermọn re te ughere ri Hamat.