Jerimaya 52:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Vwẹ ẹgbukpe rẹ irhiri rẹ ẹriọ rọye, vwẹ emeranvwe rihwe, vwẹ ẹdẹ rihwe rẹ emeranvwe na, Nebukadreza ovie ri Babilọn da rhe vẹ otuofovwi rọye ejobi rhe vwọ so Jerusalẹm, ayen da yariẹ phihọ ayen de ke phihọ.

Jerimaya 52:4 ပူးပေါင်းရင်းမြစ်များ

Aizaya 29:3

Ki mi che mu ohẹrhẹ riariẹ owẹ phihọ ke me cha kpare imu vwọ so owẹ vẹ uwevwi rẹ ohẹrhẹ wẹn ke me gba ogba rẹ ohẹrhẹ vwọ so igbẹhẹ wẹn.

Jerimaya 21:2

Nọ vwẹ obọ rẹ Ọrovwohwo kẹ avwanre, kidie Nebukadreza ovie rẹ Babilọn kpare ofovwi bru avwanre cha, siẹvo ye Ọrovwohwo che ru kẹ avwanre kirobo rẹ iruo rẹ igbunu rọye ejobi epha, ro de ruo vwọ yan jẹ avwanre vwo.

Jerimaya 32:24

Nighe otuofovwi rhe riariẹ orere na phihọ rere ayen vwọ reyọ. Fiki rẹ ọlọkọ, owẹvwe vẹ ọtiekọ ọye e vwo siobọ nẹ orere na kẹ ihwo ri Kaldia ri phio na. Obo re wọ tare na ọ phiare, gbe nighe, wọ mrẹrẹ re.

Jerimaya 34:1

Ota rọ nẹ obọ rẹ Ọrovwohwo bru Jẹrimaya rhe, vwẹ ọke ri Nebukadreza ovie ri Babilọn vẹ otuofovwi rọye ejobi kugbe uvie rẹ akpọ na ejobi re hẹ otọ rẹ isuesun rọye vẹ ihwo na ejobi vwọ họnre Jerusalẹm vẹ irere rọye ejobi.

Jerimaya 39:1

Vwẹ ẹgbukpe rirhiri ri Zedikaya ovie ri Juda, vwẹ emeranvwe rihwe, Nebukadreza ovie ri Babilọn vẹ unuofovwi rọye ejobi da rhe ri mu kpahe Jerusalẹm o de phio kua,

Jerimaya 4:17

Ayen yan riariẹ phihọ kerẹ ihwo re rhẹrẹ aghwa fikiridie o ru vwe chọ , eriyin Ọrovwohwo tarẹ.

Jerimaya 52:7

E de bru uphrophro phihọ ighẹhẹ rẹ orere na, eshare rẹ ofovwi na ejobi da djẹ nẹ orere na vwẹ ason ra wan anurhoro rọ hẹ uherevie rẹ igbẹhẹ ivẹ na, vwẹ oma rẹ ogba rẹ ovie na, ye ihwo ri Kaldia ke orere na phihọ. Ayen da ra wan obo Araba na.

Izikiẹl 21:22

Itẹ ri Jerusalẹm de rhi she phihọ obọrhe rọye, o de rhiunu rẹ oviẹ, ọ da teye unuebo, ra vwọ vwẹ ikurusu vi igbẹhẹ rẹ anurhoro na, ayen da ghwẹ ẹkoekpẹn vwo vi, rere ọ vwọ bọn uwevwi rẹ ohẹrhẹ.

Izikiẹl 21:27

Eghwọrọ, eghwọrọ, eghwọrọ, mi che ruo; omogẹngẹn rọye che chekọ-ọ bẹsiẹ re ọ ro vwo asan na cha vwọ rhe, ọye me cha vwọ kẹ.

Izikiẹl 26:8

Kọ vwe ọlọkọ nyavwe emetẹ wẹn re hẹ obo ophori hwe; kọ gba ọgba rẹ ohẹrhẹ vwo bru we dje, o mi hirhe ekpọfia rẹ ubiri rọye ku we.

Izikiẹl 33:21

Vwẹ ikpe rihwivẹ rẹ imu rẹ avwanre, vwẹ emeranvwe rẹ ihwe, vwẹ ẹdẹ riyori rẹ emeranvwe na, ohwo ọvo rọ djẹ vabọ nẹ Jerusalẹm rhe de bru vwe rhe tanẹ, Orere na sheri.

Izikiẹl 40:1

Vwẹ ukpe ruje gbẹ iyori rẹ imu rẹ avwanre, vwẹ ẹtuọphihọ rẹ ukpe na, vwẹ ẹdẹ rihwe rẹ emeranvwe vwẹ ukpe rihwẹne re vwo phi orere na kua nu, vwẹ ẹdẹ yena dẹn na, obọ rẹ Ọrovwohwo vẹ ovwẹ da herọ,

Livitikọs 26:25

Ke Me cha vwẹ oda vwo bru ovwan, kọye cha re ovwan ihri vwọ kẹ ọphọ na; siẹ re ovwan de koko oma vwẹ irere rẹ ovwan ke Me vwẹ emiavwe mu ovwan, ovwan ke cha djẹ ro abọ rẹ ivwighrẹn rẹ ovwan.

Zekaraya 8:19

E nẹ Ọrovwohwo rẹ otuofovwi tare Owenẹ owẹvwe rẹ echiro rẹ emeranvwe rẹne, re fi ọriyori, vẹ ọrighwrẹ, re te ọrihwe, cha dia vwẹ uwevwi ri Juda ọke rẹ oghọghọ vẹ omavwerhe kugbe orẹ rẹ omavwerhe, ọtiọye na gba guọnọ uyota vẹ ufuoma.

Iyẹnrẹ Esiri ri Luk 19:43

Kidie ẹdẹ cha kẹ wẹ, ọke rẹ ivwighrẹ wẹn cha vwọ hwa hẹrhẹ owẹ re da gba riariẹ owẹ, rẹ ayen de ke we họ vwi kabọ kabọ,

Iyẹnrẹ Esiri ri Luk 21:20

Ẹkẹvuọvo ọke wọ da mrẹ Jerusalẹm rẹ otuofovwi gba riariẹ phihọ, etiyin gba ghwa riẹn nẹ ọke rẹ ẹkua fiotọ rọye si kẹre re.