Jerimaya 52:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ghine uyota fiki rẹ ophu rẹ Ọrovwohwo na eravwọ da rhe gbaphihọ vwi Jerusalẹm vi Juda te obo ro de phi ayen kufia nẹ obaro rọye. Zedikaya de rhi mu kpahe ovie ri Babilọn.

Jerimaya 52:3 ပူးပေါင်းရင်းမြစ်များ

Jẹnẹsis 4:14

Nighe wọ djẹ vwẹ nonẹ na vwo nẹ otọ na re, Me da mrẹ opharo wẹn ki mi sioma nẹ, ke Me dia ọvwisusu kugbe osoghoro vwẹ evun rẹ akpọ na, ohwo kohwo rọ mrẹ vwẹ ejobi ko hwe vwe.

Jẹnẹsis 4:16

Ken da yan nẹ obaro rẹ Ọrovwohwo, ọ da ra dia otọ ri Nọd, vwẹ obọrhe rẹ Idẹn

2 Samuẹl 24:1

Ophu rẹ Ọrovwohwo da rhoma tua kpahe emọ rẹ Izrẹl, o de fovwo Devid vwọ kpahe ayen nẹ, yanran re kere Izrẹl vi Juda.

1 Ivie 10:9

Ebruba kẹ Ọrovwohwo Ọghẹnẹ wẹn, rẹ ivun wẹ vwerhere rọ da vwẹ owẹ tidia ekete rẹ Izrẹl. Fikiridie Ọrovwohwo guọnọ Izrẹl bẹdẹ, kọye ọ vwọ vwẹ owẹ mu ovie, rere wo vwo brorhiẹ rẹ ọsoso vẹ ọvwata.

Ivie rẹ Ivẹ 17:18

Fiki rẹ ọtiọye na Ọrovwohwo de mu ophu kpahe Izrẹl gangan, o de si ayen nẹ obaro rọye; ọvuọvo rhe chekọ-ọ, jokpa rẹ orua ri Juda ọvo.

Ivie rẹ Ivẹ 17:20

Ọrovwohwo da siẹn ekrun rẹ Izrẹl ejobi, Ọ da vwẹ oja re ayen, o de siobọ nẹ ayen kẹ ihwo re ghwọrọ ihwo, bẹsiẹ rọ rhe vwọ djẹ ayen ejobi nẹ obaro rọye.

Ivie rẹ Ivẹ 17:23

bẹsiẹ rẹ Ọrovwohwo ri vwo si Izrẹl nẹ obaro rọye kirobo rọ wan oma rẹ idibo rọye emraro ejobi na ta. Kọye a da kua Izrẹl nẹ otọ rayen vwo kpo Asiria ra dia ighuvwu re te ẹdẹ ri nonẹ na.

Ivie rẹ Ivẹ 24:20

Kidie fiki rẹ ophu rẹ Ọrovwohwo na ọye o rhi vwo te asan rọ vwọ kpare Jerusalẹm vi Juda kufia nẹ obaro rọye. Zẹdikaya da vwẹ ẹghwọ so ovie ri Babilọn.

2 Ikun rẹ Ivie 36:13

Ọ se mukpahe Ovie Nẹbukadreza, rọ nẹrhẹ vwẹ odẹ rẹ Ọghẹnẹ duvwu iyori; o de ohọre rọye ghaghagha o de ru udu kpohro kẹ Ọrovwohwo, Ọghẹnẹ rẹ Izrẹl.

Ezra 4:15

rere a nabọ ra hiẹ ọbe re si eyenre rẹ esẹ rẹ ovwan phihọ. Wọ cha mrẹ vwẹ evun rẹ ọbe rẹ eyenre na nẹ orere nana orere rẹ okpetu, rọ djoma kpahe ovie kugbe ubrakpọ ejobi, nẹ nẹ awanre rhe ọye ukpokpoma vwọ herọ. Ọye re sorọ ra vwọ guọghọ fiọtọ na.

Isẹ 28:2

Otọ de fi ẹdjọ ihwo ri suo ki buebu, ẹkẹvuọvo ihwo ri vwo iroro vẹ erianriẹn da herọ kọ se muẹdia krekri.

Aghwoghwo 10:16

Ekan kẹ wẹ, E otọ, vwọ ọke rẹ ovie wẹn da hẹ omotete, ọke rẹ isun wẹn da re orẹ rẹ irhiọke!

Aizaya 19:4

Ki mi siobọ nẹ ihwo rẹ Ijipt vwọ kẹ onini rọ goma; ovie rọ djoma ko che sun ayen, eriyin Ọrovwohwo, Ọrovwohwo rẹ otuofovwi na tare.

Aizaya 3:1

Gbe nighe, Ọrovwohwo na, Ọrovwohwo rẹ ofovwi na, o cha reyọ echoma kugbe ọkpọ nẹ Jerusalẹm kugbe Juda rhe echoma rẹ ikara ejobi, echoma rẹ ame ejobi,

Aizaya 36:5

Wo rori nẹ eta gheghe eye ona vẹ egba rẹ ofovwi? Ono wọ vwẹ oma da, ru wo vwo yivwaro kpahe ovwẹ?

Jerimaya 15:1

Etiyin Ọrovwohwo da ta kẹ vwẹ, owenẹ Mosis vẹ Samuẹl mudia vwẹ obaro mẹ dede, udu mẹ sa rhẹriẹ bru ihwo nana-a. Si ayen nẹ obaro mẹ, rere wo jẹn ayen yanran.

Jerimaya 7:15

Ke me djẹ ovwan nẹ obaro mẹ, kirobo me djẹ imoni rẹ ovwan kufia ye, uvwiẹ rẹ Ifrem ejobi.