Jerimaya 52:27 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁷ Ovie ri Babilọn de hwe ayen, o de hwe ayen ghwu vwẹ Ribla vwẹ evun rẹ otọ ri Hamat, eriyin na e de mu Juda ighuvwu nẹ otọ rẹ obọ rọye na.

Jerimaya 52:27 ပူးပေါင်းရင်းမြစ်များ

2 Samuẹl 8:9

Ọke ri Toi rẹ ovie ri Hamat vwo nyo nẹ Devid phi utuofovwi ri Hadadezar ejobi kua,

Ivie rẹ Ivẹ 17:20

Ọrovwohwo da siẹn ekrun rẹ Izrẹl ejobi, Ọ da vwẹ oja re ayen, o de siobọ nẹ ayen kẹ ihwo re ghwọrọ ihwo, bẹsiẹ rọ rhe vwọ djẹ ayen ejobi nẹ obaro rọye.

Ivie rẹ Ivẹ 17:23

bẹsiẹ rẹ Ọrovwohwo ri vwo si Izrẹl nẹ obaro rọye kirobo rọ wan oma rẹ idibo rọye emraro ejobi na ta. Kọye a da kua Izrẹl nẹ otọ rayen vwo kpo Asiria ra dia ighuvwu re te ẹdẹ ri nonẹ na.

Ivie rẹ Ivẹ 23:27

Ọrovwohwo na da ta, Mi che si Juda nẹ obaro mẹ kirobo ri mi ru Izrẹl, ke me cha kpare orere nana re me jẹreyọ na kufia, Jerusalẹm, uwevwi re me tare, nẹ ọde mẹ cha dia etiyin.

Aizaya 24:3

Akpọ na ejobi ka guọghọ kakare ke miovwo; kidie Ọrovwohwo ta ọnana nure.

Aizaya 27:10

Kidie orere ra gba ogba phihọ ro hirhe phihọ ofefe, orere ra kuanu ra senre, kerẹ aghwa; etiyin upene rẹ erhuẹn da ria odi, etiyin o sherhẹ phihọ rọ da savwan abọ rọye ria.

Aizaya 43:28

Ọtiọye na Mi de gbe isun rẹ ẹshẹ na ẹgua, Mi de siobọ nẹ Jekọp kẹ ẹghwọrọ Izrẹl vwọ ehwẹjẹ.

Jerimaya 13:19

Irere ri Nẹgẹb na, a karẹ ẹchẹ gbe ayen o gbi vwo ohwo ro rhiẹ aye-en; E mu Juda ejobi kpo ighuvwu, ayen ejobi tototo kpo ighuvwu.

Jerimaya 20:4

Kidie enẹ Ọrovwohwo tare, Nighe, mi che ru we vwọ dia imuọshọ kẹ omobọ wẹn ji kugbe igbeyan wẹn ejobi. Ọlọkọ rẹ ivwighrẹ rayen che gere ayen she yi wo di ni ughe. Ki mi phi Juda ejobi phihọ obọ rẹ ọvie ri Babilọn, ọ cha ghwa ayen kpọ imu kpo Babilọn, ọ da vwe ọlọkọ hwe ayen.

Jerimaya 21:7

Ukuko rọye, eriyin Ọrovwohwo tare, mi che phi Zẹdikaya ovie ri Juda tẹ idibo rọye, vẹ ihwo rẹ orere nana rẹ emiavwe vẹ ọlọkọ kugbe owẹvwe hwe chekọ phihọ obọ ri Nẹbukadreza ovie ri Babilọn ji phihọ obọ rẹ ivwighrẹ rayen, phihọ obọ rẹ ihwo re guọnọ arhọ rayen. Ọ cha vwẹ arọ rẹ ọlọkọ nyavwẹ ayen, o che mu ayen ẹro-o, o ji jẹn ayen vwo-o, ọ je rẹ ehrọre raye-en.

Jerimaya 39:10

Nebuzaradan, onotu rẹ ohẹrhẹ na, de jẹn ivwiogbere evu vẹ ihwo ri vwo emuọvo-o vwo vwẹ otọ ri Juda, ọ da kẹ ayen ogba ri vain vẹ idju vwẹ ọke yena.

Jerimaya 39:9

Etiyin Nebuzaradan, onotu rẹ ohẹrhẹ na, de mu ihwo ri chekọ vwẹ orere na ighuvwu kpo Babilọn, tẹ ihwo re djẹ bro, vẹ ihwo ri chekọ.

Jerimaya 52:9

Etiyin ayen de mu ovie na, ayen da reyọ vwo rhe ovie ri Babilọn vwẹ obi Ribla vwẹ otọ ri Hamat, o de brorhiẹ hwe.

Izikiẹl 33:28

Ki mi ru otọ na rọ da kuare ro de hirhe phihọ ofefe, egba rọye ro vwo herẹ na ko che vwo oba, Igbenu rẹ Izrẹl ka cha kua fiotọ ra gbe mrẹ ohwo ọvuọvo ro cha wanvrẹ-ẹn.

Maika 4:10

Gbune ye wọ guan, E ọmọtẹ ri Zayọn kerẹ aye rọ chuẹ uvwiẹ, kidie Asakiephana ku wo che vrẹn nẹ orere na evun rẹ ogo kọye wọ cha ra dia ku wo che kpo Babilọn. Kẹ oboyi e de che sivwi uwe reyọ, etiyin Ọrovwohwo da cha tan wẹ reyọ nẹ obọ rẹ ivwighrẹ wẹn.

Urhi Rivẹ 28:36

Ọrovwohwo cha reyọ ovwan, vẹ ovie re vwo mu vwẹ enu rẹ ovwan na, vwo rhe ẹgborho re te owẹ te esẹ wẹn je riẹn dẹvo-o; Etiyin wọ da ga edjọ, e rẹ urhe vẹ e re elalọ.

Urhi Rivẹ 28:64

Ọrovwohwo kọ hra ovwan ro uherevie rẹ ihwo na ejobi, nẹ oba rẹ akpọ na re te oba rẹ ivẹ; oboyi wọ da ga edjọ, edjọ rẹ irhe vẹ e rẹ elalọ e rẹ ovwan vẹ esẹ rẹ ovwan riẹnre-e.

Urhi Rivẹ 4:26

Mẹ vwẹ odjuvwu vẹ akpọ se iseri hwe ovwan nonẹ na nẹ, wa cha ghwọrọ tototo nẹ otọ na re wa wan Jọdan vrẹn re yere na; ẹdẹ rẹ ovwan gbi gro vwẹ otọ na-a, ẹkẹvuọvo kẹ wa cha ghwọrọ roro.