Jerimaya 52:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Onotu rẹ ohẹrhẹ na da reyọ Seraya olori rẹ irherẹn na, vẹ Zefanaya orherẹn rivẹ na, kugbe erhẹrotọ erha rẹ anurhoro na;

Jerimaya 52:24 ပူးပေါင်းရင်းမြစ်များ

Ivie rẹ Ivẹ 23:4

Ovie na da ta kẹ Hilkaya, orherẹn ro kpenu na, vẹ irherẹn re edje rivẹ, kugbe ihwo re sẹro rẹ anurhoro na, nẹ ayen ghwa iwawa re ru kẹ Baal vẹ Ashera vẹ otu rẹ obo odjuvwu ejobi nẹ uwevwi rẹ ẹga re Ọrovwohwo na phihọ otafe; ọ da torhẹ vwẹ ogo ri Kidron vwẹ ughere ri Jerusalẹm, a da ghwa iwurhie rayen kpo Bẹtẹl.

Ivie rẹ Ivẹ 25:18

Olotu rẹ ohẹrhẹ na da reyọ Seraya olori rẹ irherẹn na, kugbe Zefanaya orherẹn rọ vwọ kpahọ, kugbe ihwo erha na re vwẹ ẹro te anurhoro na;

1 Ikun rẹ Ivie 6:14

Azariah ri Serayah, Serayah ri Jehozadak;

Ezra 7:1

Asakiephana rẹ enana vwọ wan nu, vwẹ ẹriọ rẹ Artaxterxes ovie ri Pẹsha, Ẹzra rẹ ọmọ ri Seraya, ọmọ rẹ Azaraya, ọmọ ri Hilkaya,

Une rẹ Ejiro 84:10

Kidie ẹdẹ ọvo vwẹ eguan wẹn o yovwi nọ uriori vwẹ asan ọfa O fori re me dia ọrhẹrẹ ẹchẹ vwẹ uwevwi rẹ Ọghẹnẹ mẹ nọ re me da dia itughẹ rẹ ihwo imwemwu.

Jerimaya 20:4

Kidie enẹ Ọrovwohwo tare, Nighe, mi che ru we vwọ dia imuọshọ kẹ omobọ wẹn ji kugbe igbeyan wẹn ejobi. Ọlọkọ rẹ ivwighrẹ rayen che gere ayen she yi wo di ni ughe. Ki mi phi Juda ejobi phihọ obọ rẹ ọvie ri Babilọn, ọ cha ghwa ayen kpọ imu kpo Babilọn, ọ da vwe ọlọkọ hwe ayen.

Jerimaya 21:1

Ọnana ota ro nẹ obọ rẹ Ọrovwohwo bru Jerimaya rhe, vwẹ ọke rẹ Ovie Zẹdikaya vwo ji Pashọ rẹ ọmọ ri Malkaya kugbe Zẹfanaya rẹ orherẹn na, rẹ ọmọ ri Maaseai bro ra, nẹ,

Jerimaya 29:25

Enẹ Ọrovwohwo rẹ otuofovwi, Ọghẹnẹ rẹ Izrẹl tare; Wọ vwẹ odẹ wẹn si ọbe rhe ihwo ejobi re hẹ obo Jerusalẹm, ji vwo rhe Zefanaya ọmọ ri Masaya orherẹn na, kugbe irherẹn na ejobi, ta nẹ,

Jerimaya 29:29

Zefanaya rẹ orherẹn na de se ọbe nana kẹ Jerimaya rẹ ọmraro na nyo.

Jerimaya 34:21

Zẹdikaya ovie ri Juda vẹ isun rọye mi che phi ayen phihọ obọ rẹ ivwighrẹ rayen ji te obọ rẹ otu re guọnọ urhuarhọ rayen, phihọ obọ rẹ otuofovwi rẹ ovie ri Babilọn rọ yan jẹn ovwan vwo jovwo nu na.

Jerimaya 35:4

Me da reyọ ayen rhe uwevwi rẹ Ọrovwohwo na. Me davwẹ ayen kpo uvun rẹ emọ ri Hanan ọmọ rẹ Igdalaya, ohwo rẹ Ọghẹnẹ na, rọ kẹrẹ uvun rẹ isun na, vwẹ enu rẹ uvun ri Maeseya ọmọ ri Shalum, rọ rhẹrẹ unurhoro na.

Jerimaya 37:3

Ovie Zedikaya de ji Jehukal ọmọ ri Shelemaya, vẹ Zẹfanaya orherẹn na, ọmọ ri Maseya, bru Jerimaya re ọmraro na rhe nẹ, Re Ọrovwohwo Ọghẹnẹ rẹ avwanre na kẹ avwanre.

Jerimaya 52:12

Vwẹ evun rẹ emeranvwe riyori, vwẹ ẹdẹ rihwe rẹ emeranvwe na–-rọ dia ẹgbukpe rihwe gbẹ irhiri rẹ Ovie Nebukadreza, ovie ri Babilọn–Nebuzaradan olotu rẹ ohẹrhẹ ohwo rọ ga ovie ri Babilọn na, da ro Jerusalẹm.

Jerimaya 52:15

Ọye Nebuzaradan olotu rẹ ohẹrhẹ na de mu ihwo ẹvo re ma dia igbere vwẹ ihwo na vẹ otu ri chekọ vwẹ orere na kugbe otu rẹ djẹre na ighuvwu rhe ovie ri Babilọn, ji kugbe otu rẹ ewena ri chekọ.

Uvwerhe 4:16

Okpuyovwi rẹ Ọrovwohwo ọvo cha hra ayen ejobi, o gbi che se ayen gbe emuọvo ọfa-a, ọghọ gbe herọ kẹ irherẹn na-a, ẹroesiri gbe herọ kẹ ekpakọ na-a.

Izikiẹl 11:7

Fiki rẹ ọtiọye na enẹ Ọrovwohwo Ọghẹnẹ tare: Ihwo wẹn ri wo hweri re wọ riẹn phihọ uherevie rọye, ayen hẹ uvwo na, orere nana kọye hẹ ubrochẹ na; ẹkẹvuọvo ka cha reyọ owẹ nẹ uherevie rọye rhe.

Izikiẹl 24:5

Reyọ omamọ rẹ eranvwe vwẹ usun rẹ uchuru na, she ibrirhe phihọ otọ rọye, chere eranvwe na chere esuansọ na vwẹ evun rọye.

Izikiẹl 34:10

E nẹ Ọrovwohwo Ọghẹnẹ tare, Nighe, mi mukpahe isuigegede na, ke me nọ ekpẹn rẹ igegede mẹ vwẹ obọ rayen, ayen gbe cha ghẹrẹ igegede mẹ na ọfa-a, ekpuyovwi rẹ isuigegede na gbe cha ghẹrẹ oma rayen ọfa-a. Ki mi sivwi igegede mẹ nẹ ugbunu rayen, e gbe dia emuọre kẹ ayen ọfa-a.