Jerimaya 52:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ O da torhẹ uwevwi rẹ Ọrovwohwo na, te uwevwi rẹ ovie vẹ iwevwi ri Jerusalẹm ejobi; uwevwi kuwevwi rẹ rhoro ejobi ọ torherọ te otọ.

Jerimaya 52:13 ပူးပေါင်းရင်းမြစ်များ

1 Ivie 9:8

Uwevwi nana ko che hirhe phihọ erhurhu; kohwo kohwo rọ wanvrẹn ejobi ko gbe unu, kọ fiọn unu; kẹ ayen ta, Die Ọrovwohwo vwo ru enẹ kẹ otọ nana kugbe uwevwi nana?

Ivie rẹ Ivẹ 25:9

Ọ da torhẹ uwevwi rẹ Ọrovwohwo na, kugbe ighẹn rẹ ovie na, kugbe iwevwi ejobi rẹ Jerusalẹm; ọ da torhẹ ikpi iwevwi na ejobi muotọ.

2 Ikun rẹ Ivie 36:19

Ayen da torhẹ uwevwi rẹ Ọghẹnẹ, ayen de kporo igbẹhẹ ri Jerusalẹm te otọ, ayen da vwẹ erhanre torhẹ ighẹn rọye ejobi, ọ da guọghọ ekuakua esiri rọye ejobi.

Une rẹ Ejiro 79:1

E Ọghẹnẹ, egedjọ na yanro ẹkẹn uku wẹn; ayen gbe uwevwi ọfuanfon wẹn ẹgua, ayen vwi Jerusalẹm ru erhurhu

Jerimaya 19:13

Iwevwi ri Jerusalẹm kugbe iwevwi rẹ ivie ri Juda–iwevwi ra dia enu rayen da torhẹ izobo kẹ otu rẹ obenu ejobi, ra da vwẹ idi gọ iye kẹ eghẹnẹ efa, e che gbe ayen ẹgua vwi Tọfẹt.

Jerimaya 21:10

Kidie mi mu opharo mẹ kpahe orere na vwẹ ọ rẹ umiovwo ọ dia ọ rẹ erhuvwu-u eriyin Ọrovwonwo tare. A cha vwọ kẹ Ovie ri Babilọn, ọ cha vwẹ erhanre torhẹ.

Jerimaya 21:14

Obo rẹ omamọ rẹ iruo rẹ ovwan teri mi che ru ovwan dja te, eriyin Ọrovwohwo tare, Mi che koko erhanre phihọ aghwa rọye, kọ cha torhẹ emu rọ yarierẹ phihọ ejobi.

Jerimaya 22:14

rọ tanẹ, me cha bọn uwevwi rode vẹ ivun phẹphẹ vwẹ obenu, re ji bru evakpo buebu phihọ, phi echẹ ri igedu phihọ evakpo na, vwẹ oda ọvwavware rharọ.

Jerimaya 32:29

Ihwo ri Kaldia re họnra orere nana na cha rhe rhi phi erhanre phihọ orere na, rọ da torhẹ, kugbe uwevwi ra diẹ enu rayen de torhẹ ugboduma kẹ Baal ra da je udi ku edjọ na, rẹ ophu vwo mu vwe na.

Jerimaya 34:22

Nighe, mi che ji urhi, eriyin Ọrovwohwo tare, me cha rhoma reyọ ayen rhe orere nana; ayen cha họnrọ rẹ ayen da reyọ, ra da vwẹ erhanre torhẹ. Mi che ru irere ri Juda ifefe rẹ ihwo de jẹn ayen ẹdia.

Jerimaya 38:23

Eya wẹn kugbe emọ wẹn ejobi ke sun ayen rhe ihwo ri Kaldia, wẹ vẹ ekpuyovwi wẹn cha sa djẹ va ayen abọ-ọ, ẹkẹvuọvo ovie ri Babilọn che mu we; ra da vwẹ erhanre torhẹ orere na totọ.

Jerimaya 6:5

Vrẹn re a ra họnrọ vwẹ asọn ra ghwọrọ ighẹn rọye!

Jerimaya 7:14

vwẹ ọtiọye na ki mi che ru kẹ uwevwi na ra vwẹ ode mẹ se na, re wa vwẹ ẹro so, kugbe asan na re me vwọ kẹ esẹ rẹ ovwan na, kirobo ri mi ru ki Shiloh.

Uvwerhe 2:5

Ọrovwohwo rhe rhoma họhọ ọvweghrẹ re, Ọ da rhe guọghọ Izrẹl; ọ rhe guọghọ ighẹn rọye ejobi, hirhe ogba ọgangan rọye phihọ erhurhu, O ki rhe ru omaemuohọ vẹ oviẹ buphihọ vwẹ evun rẹ ọmọtẹ ri Juda.

Uvwerhe 2:6

Ọ guọghọ ọgarivi rọye te otọ kere ogba rẹ ekankọn. Ọ ke je guọghọ ẹdia rẹ orẹ re bruru na phihọ erhurhu, Ọrovwohwo da nẹrhẹ ẹdorẹ re bruru kugbe ẹdidjala re vwẹ evun ri Zayọn. Vwẹ evun rẹ ophu ọgangan rọye na ọ da siẹn ivie vẹ irherẹn.

Uvwerhe 2:7

Ọrovwohwo na reyọ agbada rọye vwọ jehwẹ ọ da siẹn ẹshẹ rọye. O phi igbẹhẹ rẹ ighẹn rọye phihọ obọ rẹ ivwighrẹ rọye, Ọsẹghẹ de rhi she vwẹ uwevwi rẹ Ọrovwohwo kerẹ ẹdorẹ re bruru.

Uvwerhe 2:8

Ọrovwohwo jẹ iroro ro vwo hirhe igbẹhẹ rẹ ọmọtẹ ri Zayọn phihọ erhurhu, O de si usi vwo gbere ughwru phihọ, Ọ da obọ rẹ ẹghwọrọ rọye ji-i; ọ da nẹrhẹ udio vẹ igbẹhẹ viẹ, ayen re koko vwere oma.

Izikiẹl 16:41

Ayen ke torhẹ iwevwi wẹn ayen me vwẹ owẹ guẹdjọ vwẹ irharo rẹ eya na, ke me da obọ rẹ igberadja egbe wẹ na ji, wọ gbe hwa osa kẹ ihwo ri bru we rhe ọfa-a.

Izikiẹl 24:21

Ta kẹ uwevwi rẹ Izrẹl, E nẹ Ọrovwohwo Ọghẹnẹ tare: Nighe mi che gbe ẹshẹ mẹ na ẹgua, eheri ọgangan wẹn na, obo ri je ibiẹro wẹn na kugbe obo rẹ ẹnwẹn wẹn guọnọ na; te emeshare wẹn te emetẹ wẹn ru wọ yan jovwo vwẹ obuko na ka vwẹ ọlọkọ nyavwe ayen hwe.

Emọs 2:5

Fiki rẹ ọtiọye na ki mi phi erhanre phihọ Juda, kọ torhẹ ogba ọgangan ri Jerusalẹm.

Emọs 6:11

Kidie nighere, Ọrovwohwo tare, uwevwi rode na ka guọghọ te otọ, kugbe uwevwi otete na ka guọghọ vworovworo.

Maika 3:12

Vwẹ ọtiọye na fiki wẹ ka cha vwi Zayọn voro udju, Jerusalẹm ko che hirhe phihọ ẹkuerhurhu, Ugbenu rẹ uwevwi na kẹ egbo rẹ irhe.

Zekaraya 11:1

Rhie ẹchẹ wẹn, E Lẹbanọn, rere erhanre vwọ ghwọrọ igedu wẹn!

Matiu 24:2

Ẹkẹvuọvo ọ da kpahe ọ da ta kẹ ayen nẹ, Ovwan mrẹ ekuakua nana? uyota me ta kẹ ovwan, Oragha ọvuọvo che mudia vwẹ enu rẹ ohwohwo, re je kporo she-e.