Jerimaya 52:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Vwẹ evun rẹ emeranvwe riyori, vwẹ ẹdẹ rihwe rẹ emeranvwe na–-rọ dia ẹgbukpe rihwe gbẹ irhiri rẹ Ovie Nebukadreza, ovie ri Babilọn–Nebuzaradan olotu rẹ ohẹrhẹ ohwo rọ ga ovie ri Babilọn na, da ro Jerusalẹm.

Jerimaya 52:12 ပူးပေါင်းရင်းမြစ်များ

Jẹnẹsis 37:36

Vwẹ uvwre rẹ ọke yena ihwo ri Midian na da shẹ kpo Ijipt vwọ kẹ Potifa, onotu ri Fero, olori rẹ ihwo re rhere.

Ivie rẹ Ivẹ 24:12

Jehoyakin ovie ri Juda da vwẹ oma rọye kẹ ovie ri Babilọn, oma rọye, vẹ oni rọye, vẹ idibo rọye, vẹ isun rọye kugbe ediaguare rọye ye vwẹ oma rayen kẹ. Ovie rẹ Babilọn de mu Jehoyakin phihọ uwodi rọ vwọ re uvie ikpe ẹrẹnre nu.

Ivie rẹ Ivẹ 25:8

Vwẹ ẹdẹ ighwrẹ rẹ emeranvwe riyori rẹ ukpe rihwe gbẹ irhiri rẹ Ovie Nebukadreza, ovie ri Babilọn Nebuzaradan, olotu rẹ ohẹrhẹ, odibo rẹ ovie ri Babilọn na da rhe Jerusalẹm.

Ezra 5:12

Ẹkẹvuọvo fiki robo rẹ esẹ rẹ avwanre vwo ru Ọghẹnẹ rẹ odjuvwu emu rẹ ophu, kọye o de mu ayen phihọ obo ri Nebukadreza ovie rẹ Babilọn, ohwo ri Kaldia, rọ guọghọ uwevwi nana ọ de mu ihwo na kpo Babilọn.

Nehemaya 2:3

Me da ta kẹ ovie na, Jẹn ovie re rhiri bẹdẹ Die mi vwo je opharo emuophihọ, vwẹ ọke re orere na, asan re ishi rẹ ese me hẹ epha, vwọ ghwọrọ kufia, ra da vwẹ erhanre guọghọ anurhoro rọye?

Une rẹ Ejiro 79:1

E Ọghẹnẹ, egedjọ na yanro ẹkẹn uku wẹn; ayen gbe uwevwi ọfuanfon wẹn ẹgua, ayen vwi Jerusalẹm ru erhurhu

Jerimaya 1:3

Ọ je rhoma rhe vwẹ ọke ri Jehoakim, ọmọ ri Josaya ovie ri Juda, rhiri re te oba rẹ ẹgbukpe uhwọvo ri Zẹdikaya, ọmọ ri Josaya, ovie ri Juda, re te imu ri Jerusalẹm vwẹ emeranvwe riyori.

Jerimaya 32:29

Ihwo ri Kaldia re họnra orere nana na cha rhe rhi phi erhanre phihọ orere na, rọ da torhẹ, kugbe uwevwi ra diẹ enu rayen de torhẹ ugboduma kẹ Baal ra da je udi ku edjọ na, rẹ ophu vwo mu vwe na.

Jerimaya 39:11

Nebukadreza ovie ri Babilọn de ji urhi kẹ Nẹbuzaradan, onotu rẹ ohẹrhẹ na, kpahe Jerimaya nẹ,

Jerimaya 39:9

Etiyin Nebuzaradan, onotu rẹ ohẹrhẹ na, de mu ihwo ri chekọ vwẹ orere na ighuvwu kpo Babilọn, tẹ ihwo re djẹ bro, vẹ ihwo ri chekọ.

Jerimaya 52:14

Unuofovwi ri Kaldia, vẹ olotu rẹ ohẹrhẹ re vẹ ọye gba herọ na, da guọghọ igbẹhẹ re yariẹ Jerusalẹm phihọ te otọ.

Jerimaya 52:29

Ukpe rihwe gbẹ ẹrenre ri Nebukadreza o de mu ihwo ujori ẹrenre gbẹ ọgban gbẹ ivẹ ighuvwu nẹ Jerusalẹm yanran;

Daniẹl 1:1

Vwẹ ukpe rerha ri Jehoiakim vwọ hẹ ovie ri Juda, etiyin Nebukadreza, ovie ri Babilọn da ghwẹ unuofovwi rọye rhe vwọ gba riariẹ Jerusalẹm phihọ.

Daniẹl 2:14

Etiyin Daniẹl da vwẹ ẹghwanre vẹ iroro kpahe ota kẹ Ariọk, onotu rẹ idugbu rẹ ovie na, rọ yanran re hwe evwaghwanre ri Babilọn na.

Zekaraya 8:19

E nẹ Ọrovwohwo rẹ otuofovwi tare Owenẹ owẹvwe rẹ echiro rẹ emeranvwe rẹne, re fi ọriyori, vẹ ọrighwrẹ, re te ọrihwe, cha dia vwẹ uwevwi ri Juda ọke rẹ oghọghọ vẹ omavwerhe kugbe orẹ rẹ omavwerhe, ọtiọye na gba guọnọ uyota vẹ ufuoma.