Jerimaya 52:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ O yoghro ẹro ri Zẹdikaya nu ọ da vwẹ ejọnrọn gba, ovie ri Babilọn da reyọ kpo Babilọn, ọ de phio phihọ uwodi re te ẹdẹ ughwu rọye.

Jerimaya 52:11 ပူးပေါင်းရင်းမြစ်များ

Jerimaya 21:7

Ukuko rọye, eriyin Ọrovwohwo tare, mi che phi Zẹdikaya ovie ri Juda tẹ idibo rọye, vẹ ihwo rẹ orere nana rẹ emiavwe vẹ ọlọkọ kugbe owẹvwe hwe chekọ phihọ obọ ri Nẹbukadreza ovie ri Babilọn ji phihọ obọ rẹ ivwighrẹ rayen, phihọ obọ rẹ ihwo re guọnọ arhọ rayen. Ọ cha vwẹ arọ rẹ ọlọkọ nyavwẹ ayen, o che mu ayen ẹro-o, o ji jẹn ayen vwo-o, ọ je rẹ ehrọre raye-en.

Jerimaya 39:7

O de phre ibiẹro ri Zẹdikaya no, ọ da vwẹ ejọnrọn gba, ayen de muo kpo Babilọn.

Uvwerhe 2:6

Ọ guọghọ ọgarivi rọye te otọ kere ogba rẹ ekankọn. Ọ ke je guọghọ ẹdia rẹ orẹ re bruru na phihọ erhurhu, Ọrovwohwo da nẹrhẹ ẹdorẹ re bruru kugbe ẹdidjala re vwẹ evun ri Zayọn. Vwẹ evun rẹ ophu ọgangan rọye na ọ da siẹn ivie vẹ irherẹn.

Izikiẹl 12:13

Ki mi che phi obriki mẹ rhurho, ufi mẹ ko muo, ke me reyọ rhe Babilọn vwẹ otọ rẹ ihwo ri Kaldia, yẹ ọ cha mrẹ-ẹ, ko ghwu vwẹ oboyi.

Izikiẹl 17:16

Kirobo re me herọ na, eriyin Ọrovwohwo Ọghẹnẹ tare, imuẹro herọ nẹ asan rẹ ovie na rọ reyerọ vwo mu ovie na, ohwo ro vwo ive rọ jẹfia na, ro vwo ọphọ ro miovwiri na, vwẹ evun rẹ Babilọn kẹ etiyin o de ghwu.

Izikiẹl 23:24

Ke ayen cha vwọ so wẹ nẹ obọhwẹre ọnre rhe vẹ akpẹrẹ kugbe idjighere vẹ urogho rẹ ihwo buebu; kẹ ayen vwọ so wẹ vwi kabọ kabọ vẹ oshuẹ, kugbe ọlọkọ, kugbe erhu rẹ utehru, ke me vwẹ ẹdjeguo na vwọ kẹ ayen, kẹ ayen vwẹ owẹ gu ẹdjọ nene urhi rẹ rayen.