Jerimaya 51:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Kpregede ọye Babilọn she guọghọ; viẹ ke! Kẹ umwuodirhẹ fiki rẹ odjadja rọye na; ọkeọvo e mi se sivwo vwobọ.

Jerimaya 51:8 ပူးပေါင်းရင်းမြစ်များ

Aizaya 21:9

Nighere, ihwo re gua na yan cha, ihwo re gua iyesi urhiẹ ivivẹ! Ọ da kpahe, Osheri, Babilọn sheri ọ vẹ uhoho rẹ ẹdjọ rọye ejobi a guọghọ ayen ejobi te otọ.

Aizaya 47:11

Ẹkẹvuọvo okpetu che bru we rhe, ru wọ je sa rhuẹrẹ, ukpokpogho che she teyọ owẹ, ru wo je se phorho nẹ oma, ẹghwọrọ ko bru we rhe kpregede, ju wọ riẹn emu ọvuọvo kpahọ-ọ.

Aizaya 47:9

imu ive nana che bru we rhe vwẹ ẹroẹbre, vwẹ ẹdẹ ọvo; ughwu re emọ kugbe ayeuku ki che bru we pama, owene ẹgborho mraro kẹ we dede eyẹ ẹboepha wẹn tidia kẹrẹ owe.

Jerimaya 46:11

Yanran kpo obi Giliad, wọ reyọ adjija, E ọmọtobẹ rẹ Ijipt na! Wọ reyọ ihuvwu ibuebu wẹn na kufia; esivwo herọ kẹ wẹ-ẹ.

Jerimaya 48:20

Oma vo Moab re, kidie a ghwọerọ; kuenu wọ viẹ! Ta vwẹ oma rẹ Anọn nẹ a guọghọ Moab te otọ.

Jerimaya 48:31

Ọtiọye na ke me viẹ kẹ Moab, Mi kperi phia ke Moab ejobi, ihwo rẹ Kiheres mi muoma phihọ kẹ.

Jerimaya 50:2

Djẹ phia vwẹ ohri rẹ ẹgborho na wo ghwoghwo, vwẹ aphiana tan wo ghwoghwo, wo sionẹ-ẹ, re wo tanẹ: A reyọ Babilọn nure, oma vo Bẹl nure, ofu dje Mẹrodak nure. A vwẹ ema rọye jehwẹ, ofu dje edjọ rọye.

Jerimaya 51:41

Mavọ e mu Babilọn, ejiro rẹ akpọ ejobi de fuen! Mavọ Babilọn rhoma rhe dia emuoshọ vwẹ ohri rẹ ẹgborho na!

Jerimaya 8:22

Ifuen gbe hẹ Giliad? Ọbo hẹ oboyi? Kidie rha suọ re gbi sivwi arhọ rẹ ọmọtẹ rẹ ihwo mẹ-ẹ? na-a?

Izikiẹl 30:2

Ọmọ rẹ ohwo, mraro, re wọ ta, E nẹ Ọrovwohwo Ọghẹnẹ tare: Beroma, Eghwo kẹ ẹdẹ na!

Daniẹl 5:24

Obaro rọye ọye e ji obọ na nurhe, ọnana kọye obo re siri na.

Daniẹl 5:31

Dariọs ohwo ri Mid da reyọ uvie na, ohwo rẹ oma rẹ ẹgbukpe ujorha gbe ivẹ.

Nahum 3:19

O rhe vwo ohwo ro bruche rẹ odjadja wẹ-ẹn ora wẹn na ọrhuarho ihwo ri nyo ikun wẹn ejobi ke teyọ abọ ghwẹ phihọ owẹ. Kono ọnana je bro cha, rẹ uvumwemwu wẹn jẹ oma e te?

Ẹvwọphia 14:8

Amakashe ọfa, ọrivẹ, de nene, rọ tanẹ, Osheri, osheri, Babilọn rẹ orere rode na sheri, wẹ rọ vwẹ igberadja wẹn mu ẹgborho ejobi na.

Ẹvwọphia 18:2

O de kperi gangan tanẹ, Osheri, osheri, Babilọn rode na sheri Ọ rhi hirhe phihọ orere rẹ idẹbono, urhuẹn rẹ erhi kerhi ọbrabra, urhuẹn rẹ ọphran kọphran ro tuoma;