Jerimaya 51:60 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶⁰ Jerimaya de si umiovwo ro te Babilọn ejobi phihọ ọbe, eta nana ejobi re siri kpahe Babilọn na.

Jerimaya 51:60 ပူးပေါင်းရင်းမြစ်များ

Aizaya 30:8

Asakiephana, yanran, re sio phihọ isemeti vwọ kẹ ayen, re wọ tuọn phihọ ọbe, rere ọ vwọ dia vwẹ ọke rọ cha kerẹ iseri bẹdẹ.

Jerimaya 36:32

Kẹsiẹye Jerimaya ke reyọ ọbe ọfa vwọ kẹ Barọk rẹ osiẹbe na, ọmọ ri Neraya, ọye si eta na ejobi phihọ ọbe ri Jerimaya se kẹ, eta rẹ ọbe rẹ ẹsosuọ ri Jehoiakim ovie ri Juda torhẹre vwẹ erhanre na, e ji phi eghẹre rẹ eta tiọyẹ na efa ba ayen.

Jerimaya 51:1

Enẹ Ọrovwohwo tare: Nighe, me cha kpare erhi rẹ oghwọrọ ọvo vwọ kpahe Babilọn, vwo kpahe ihwo ri Kaldia.

Jerimaya 51:61

Jerimaya da ta kẹ Siraya: Ọke wo de te Babilọn, mrẹ nẹ wọ se eta nana ejobi,

Daniẹl 12:4

Ẹkẹvuọvo wẹ, Daniẹl, rhurhu eta na, ko ọbe na gbe, bẹsiẹ rẹ ọke rẹ oba na vwo te. Ihwo buebu cha djẹ rhe djẹ kpo, erianriẹn che bu phihọ.

Ẹvwọphia 1:11

rọ tanẹ, Si obo ru wọ mrẹre na phihọ ọbe re wo vwo rhe ishọshi ighwrẹ na, vwo rhe Ẹfesọs kugbe Simana kugbe Pẹgamọm vwo rhe Taetira vwo rhe Sadis vwo rhe Filadẹlfia vwo rhe Laodisia.

Ẹvwọphia 1:19

Asakiephana gbe si obo re wọ mrẹre, obo re herọ vwẹ asakiephana kugbe obo ri che ru vwobọ.