Jerimaya 51:57 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵⁷ Mi che ru isun vẹ evweagnwanre rọye re idi de mu ayen, osun vẹ olotu kugbe egbofovwi rọye, ayen cha vwerhẹ ovwerhẹ ri bẹdẹ ayen rha rhọvwọ-ọ, Ovie na tarọ, ọ rẹ odẹ rọye hẹ Ọrovwohwo rẹ otuofovwi na.

Jerimaya 51:57 ပူးပေါင်းရင်းမြစ်များ

Aizaya 37:36

Etiyin amakashe re Ọrovwohwo da yan phia, ọ da ghwiẹ ihwo odu gbe ujọne gbe iyori vwẹ evun rẹ erhọn rẹ Asiria na, rẹ ihwo vwọ rhọvwọ rhe vwẹ irhiọke re, asan ejobi vọnre vẹ irivwi.

Aizaya 44:25

ono re ta echa re evwọrọn efian na na, ro vwẹ otu re bọ epha na ru ẹkpa, rọ rhan ẹvwaghwanre rẹ ẹkpa kpo uko kugbe erianriẹn rayen ẹkpa.

Aizaya 6:5

Etiyin me da ta Ekan kẹ vwẹ! Fikiridie mi ghwruru, fikiridie mẹvwẹ ohwo rẹ ẹbẹrunu rọye jẹ ẹfuọn, me ke rha dia ohri rẹ ihwo rẹ ẹbẹrunu rayen jẹ ẹfuọn, fikiridie ẹro mẹ mrẹ Ovie na, Ọrovwohwo rẹ otuofovwi na!

Jerimaya 13:13

Ku wọ ta kẹ ayen, Enẹ Ọrovwohwo tare: Nighe, idi che muẹ ihwo rẹ otọ na ejobi, ivie ri tidia vwẹ ekete ri Devid, irherẹn, emraro, vẹ ihwo ri Jerusalẹm ejobi.

Jerimaya 25:27

Kẹsiẹye wọ ke ta kẹ ayen, Enẹ Ọrovwohwo rẹ otuofovwi na, Ọghẹnẹ rẹ Izrẹl tare, Wa da re idi mu ovwan we geri, we she we gbi vrẹn ofa-a, fiki rẹ ọlọkọ re me vwọ cha ọhri rẹ ovwan na.

Jerimaya 46:18

Kirobo me herọ na, eriyin Ovie na tare, Ọ rẹ ọde rọye hẹ Ọrovwohwo rẹ otuofovwi na, kerẹ Tabọ vwẹ ohri rẹ igbenu na, je kerẹ Kamẹl vwẹ oma rẹ abadi na, ọvo cha rhe.

Jerimaya 48:15

Ọghwọrọ ri Moab vẹ irere rọye rhe nure, imighene esiri rọye na ayen yanran kpo ehwe, eriyin Ovie na tare, ọ rẹ odẹ rọye Ọrovwohwo rẹ otuofovwi na.

Jerimaya 50:30

Vwẹ ọtioye na imighene rọye che she vwẹ ọsuere rọye, ihwo rẹ ofovwi ejobi cha ghwọrọ vwẹ ẹdẹ yena, eriyin Ọrovwohwo na tare.

Jerimaya 51:39

Ọke rẹ ophu de mu ayen re ki mi mu emuọre kẹ ayen re, ke me vwẹ idi mu ayen, bẹsiẹ rẹ ayen vwọ shero ovwerhẹ ke vwerhẹ ovwerhẹ ri bẹdẹ ayen rha rhọvwọ-ọ, eriyin Ọrovwohwo tare.

Izikiẹl 20:33

Re me vwọ herọ na, eriyin Ọrovwohwo Ọghẹnẹ tare, uyota te obọ rẹ ẹgba mẹ vẹ ogangan rẹ ugbobọ mẹ, kugbe ophu ọgangan mẹ, ọye me vwọ dia ovie vwẹ enu wẹ.

Nahum 1:10

Kerẹ inwe re gba phihọ eriyin a cha ghwọrọ ayen, kerẹ ehẹbe eyaya.

Nahum 3:18

Isuigodẹ wẹn ra vwerhẹ, E Ovie rẹ Asiria, ehọnvwọre we re gọ ovwerhẹ. Ihwo wẹn hra nene enu rẹ igbenu o rhe vwo ohwo ro se ayen koko-o.

Malakae 1:14

Ekan kẹ ohwo rọ ghwa ihwo ria ro vwo egbo vwẹ ohri rẹ igode rọye, rọ nabọ ve ive nu, ọ da ra reyọ eranvwe ro vwo ẹgua vwo ze izobo kẹ Ọrovwohwo na; kidie mẹvwẹ Ovie rode, eriyin Ọrovwohwo rẹ otuofovwi na tare, ihwo rẹ akpọ na ejobi djẹ oshọ kẹ odẹ mẹ.

Ẹvwọphia 18:9

Ivie rẹ akpọ na, ri duro na re vẹ ọye gbe gbe ọfanrhie na, ke viẹ ki beroma re da mrẹ ivwirhi rẹ ẹtorhẹ rọye;