Jerimaya 51:56 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵⁶ Kidie oghwọrọ bruro rhire, rhe enu ri Babilọn, e mu egba ofovwi rọye e vwirhi umurhabọ rayen ibribro, kidie Ọrovwohwo ọye Ọghẹnẹ rẹ ọ hwa osa, o ghine cha hwa osa.

Jerimaya 51:56 ပူးပေါင်းရင်းမြစ်များ

Jẹnẹsis 49:24

dede na umurhabọ rọye yegherii, Etiyin abọ rọye ke tua vwẹ obọ rẹ Ogangan ọvuọvo ri Jekọp (vwẹ odẹ rẹ Osuigodẹ, Orhaga rẹ Izrẹl).

Une rẹ Ejiro 137:8

E ọmọtẹ ri Babilọn, wẹ oghwọrọ na! Aghọghọ kẹ ohwo rọ hwa osa kẹ wẹ kirobo ru wo ru kẹ avwanre na!

Une rẹ Ejiro 37:15

oda rayen cha rhoma bru udu rayen, ke vwirhi umurhabọ rayen

Une rẹ Ejiro 46:9

Ọ nẹrhẹ ofovwi fue re te oba rẹ akpọ na; o vwirhi umurhabọ, o de wurhu ubiri, ọ vwe erhanre torhẹ ekpẹrẹ rẹ ofovwi

Une rẹ Ejiro 76:3

Etiyin o de vwirhi edada re wranwran, ekpọfia, ọlọkọ, kugbe ekuakua rẹ ofovwi.

Aizaya 21:2

A da mrẹ emramre ọtuatua kẹ vwẹ, ogborhugborho re gborho, ọguọghọ ra ghwọrọ. Yanran, E Elam kpo imu, E Media; unuẹfion rọ fẹrẹ ejobi me vwẹ ayen te oba.

Aizaya 34:8

Kidie Ọrovwohwo bru ẹdẹ re ihri rọye nure, ukpe re ọsa ehwa fiki re ọbo re ru ke Zayọn.

Aizaya 35:4

Ta ke ihwo re udu rayen djẹ oshọ, Gba gan, wọ djẹ oshọ-ọ! Nighere, Ọghẹnẹ wẹn na cha rhe vẹ ihri ẹriọ, vẹ osa ẹhwa rẹ Ọghẹnẹ. Ọ cha rhe rhi sivwi uwe.

Aizaya 59:18

Kirobo rẹ uruemu rayen epha, eriyin ọ hwa osa te, ophu vwọ kẹ ukọn umwemwu rọye, osa ẹhwa kẹ ivwighrẹ rọye; vwọ kẹ erhuru na ọ cha hwa osa kẹ ayen.

Jerimaya 49:35

Enẹ Ọrovwohwo rẹ otuofovwi na tare: Nighe, mi che vwirhi umurhabọ rẹ Elam, egbe rẹ ogangan rọye;

Jerimaya 50:10

A cha kua Kaldia fiotọ, otu re kuarọ ejobi evun kọ vọn ayen tunu, eriyin Ọrovwohwo tare.

Jerimaya 50:36

Ọlọkọ vwẹ enu rẹ ihwo re bọ epha, rere ayen vwọ mrasan hirhe phihọ ẹkpa! Ọlọkọ vwẹ enu rẹ egba ofovwi rọye, rere ayen vwọ mrasan ghwọrọ!

Jerimaya 51:24

Me cha reihri ri Babilọn vẹ ihwo ri Kaldia ejobi vwẹ irharo wẹn koko na vwi fiki rẹ umiovwo rẹ ayen ruru vwi Zayọn, eriyin Ọrovwohwo tare.

Jerimaya 51:30

Egba rẹ ofovwi ri Babilọn fue ohọnre re, ayen da oma ji vwẹ ogba ọgangan rayen, ogangan rayen reri, ayen rhi hirhe phihọ eya, ẹdia rọye herọ tọrhẹ, a guọghọ itehru rọye nure.

Jerimaya 51:48

Kẹsiẹye idjuvwu vẹ akpọ, vẹ obo re hẹ evun rayen ejobi, ke so une rẹ aghogho phihọ uyovwi ri Babilọn, kidie ẹghwọrọ che nẹ obọrhe ọnre cha vwo suọ, etiyin Ọrovwohwo tare.

Jerimaya 51:53

Owenẹ Babilọn yeri kpenu te odjuvwu, owenẹ ọ gba ogba ọgangan kpenu yariẹ oma, dede ẹghwọrọ che nẹ obọ mẹ bro ra, eriyin Ọrovwohwo tare.

Jerimaya 51:6

Djẹ nẹ uherevie ri Babilọn, jẹn dohwo darhọ rọye sivwi! Wo je bru uwe kufia vwẹ ehwe rọye na-a, kidie ọnana ọke rẹ ihriẹriọ rẹ Ọrovwohwo, osa rọ hwa kẹ.

Uvwerhe 3:64

Hwa osa ke ayen, E Ọrovwohwo, kirobo rẹ iruo rẹ abọ rayen epha.

Izikiẹl 39:3

ke me cha reyọ umurhabọ wẹn nẹ obọhwẹre wẹn rhe, ki mi che ru edada wẹn she va obọrhe wẹn abọ.

Izikiẹl 39:9

Etiyin ihwo re cha dia irere rẹ Izrẹl na ke cha yan phia re koko erhanre phihọ ekuakua rẹ ofovwi na a me torhẹ ayen, te ekpọfia, te egbe, umurhabọ vẹ edada, ubiri kugbe oshuẹ, kẹ ayen vwẹ ayen koko erhanre phihọ ikpe ighwrẹn.

Emọs 2:15

Ohwo rọ yọnrọn umurhabọ gbi se mudia-a, ọgba rẹ onẹ gbi se sivwi oma rọye-e, yẹrẹ ohwo rọ gua iyesi gbi se sivwi oma rọye-e,

Ọbe rẹ Ọmraro Ọbadaya Obadaya 1:15

Kidie ẹdẹ rẹ Ọrovwohwo na si kẹre ẹgborho na ejobi re. Kirobo wo ruru, ọtiọye e ji che ru kẹ wẹ, uruemu wẹn cha rhọma she hwe uyovwi wẹn.

Habakọk 2:8

Fikiridie wo gborho ẹgborho buebu, umuku rẹ ihwo ri chekọ ki che gborho uwe, fiki rẹ ọbara rẹ ihwo kugbe ozighi wo gbe vwẹ otọ na, ru wọ gbe vwẹ irere kugbe ihwo re dia evun rayen.

Urhi Rivẹ 32:35

Ihri ẹriọ ọmẹ mẹvwẹ re hwa osa ọke rẹ owọ rayen da ghworiẹ kidie ẹdẹ rẹ okpetu rayen sikẹre re, ughwu rayen cha kpregede.

2 Tẹsalonaika 1:6

rẹ Ọghẹnẹ vwo roro nẹ o fori rere ọ vwẹ oja re ayen otu ri gbe oja kẹ ovwan ria na,

Ẹvwọphia 17:16

Ighoro ihwe ru wọ mrẹre na, ayen vẹ aye na ki che tuoma rẹ igberadja na; ayen ke kua fiotọ a me ban phihọ, ayen me re uvwo rọye ayen me vwẹ erhanre torhẹ

Ẹvwọphia 18:20

Ghọghọ vwẹ enu rọye, E odjuvwu, E ihwo efuanfon kugbe iyinkọn kugbe emraro, kidie Ọghẹnẹ brorhiẹ hwe kẹ wẹ!

Ẹvwọphia 19:2

Kidie orhiebro rọye uyota kugbe ọsoso; o brorhiẹ rẹ igberadja rode na rọ vwẹ ọfanrhiẹ rọye miovwi akpọ na, ọ da reihri rẹ ọbara rẹ idibo rọye vwẹ obọ rọye,

1 Samuẹl 2:4

Umurhabọ rẹ ọgba e vwirhi ayen, ẹkẹvuọvo ọviẹre vwẹ ogangan chobie.