Jerimaya 51:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Kidie Izrẹl vi Juda a je siẹn aye-en Ọrovwohwo Ọghẹnẹ yẹ otuofovwi rayen; ẹkẹvuọvo otọ ri Kaldia vọnre vẹ abe vwọ kpahe Ọfuanfon Ọvuọvo ri Izrẹl na.

Jerimaya 51:5 ပူးပေါင်းရင်းမြစ်များ

1 Ivie 6:13

Ke Me dia uherevie rẹ emọ rẹ Izrẹl, Me gbe sẹn Izrẹl rẹ ihwo mẹ-ẹ.

Ivie rẹ Ivẹ 21:16

Ọ rọ marho Manasse sun ọbara rẹ evwata buebu te otọ vwi Jerusalẹm nẹ oba ọvo re te oba rivẹ, je vwọ ba umwemwu rọ nẹrhẹ Juda ru rere ayen vwo ru obo ri miovwiri vwẹ obaro rẹ Ọrovwohwo na.

Ezra 9:9

Kidie avwanre eviẹn, ẹkẹvuọvo Ọghẹnẹ rẹ avwanre siẹn avwanre vwẹ otọ rẹ eviẹn rẹ avwanre epha na-a, ẹkẹvuọvo ọ da riẹn abọ rẹ eguọnọ ro jẹrhẹriẹ rọye kẹ avwanre vwẹ obaro rẹ ovie ri Pẹsha, re ọ vwọ sasa avwanre oma rere avwanre re mu uwevwi rẹ Ọghẹnẹ vi, ra rhuẹrẹ asan ro miovwiri vwọ ejobi, rere ọ rha vwẹ ugbuko rhurhu avwanre vwi Juda vi Jerusalẹm.

Une rẹ Ejiro 94:14

Kidie Ọrovwohwo cha sen ihwo rọye-e ọ cha djẹ je ireuku rọye vwọ-ọ,

Aizaya 44:21

Karophihọ imu nana, E Jekọp, kugbe Izrẹl, kidie wẹ odibo mẹ, Mẹvwẹ re ma wẹ, wẹ ke odibo mẹ, E Izrẹl wọ sa chọro ovwẹ ẹro-o.

Aizaya 51:15

Kidie Mẹvwẹ Ọrovwohwo Ọghẹnẹ wẹn, ro kpogho abadi rọ ke họnra– Ọrovwohwo rẹ otuofovwi na ọye he odẹ rọye.

Aizaya 62:12

Ke se ayen ihwo efuanfon na, re Ọrovwohwo tan hirhe, ke se we nẹ Aguọnọ phia, orere re jẹ siọ.

Jerimaya 14:19

Wọ ghwa siẹn Juda tototo? Ki Zayọn ghwe tu erhi wẹn oma? Die wọ vwọ ghwiẹ avwanre, rẹ esivwo gbe herọ kẹ avwanre-e? Avwanre phiẹro phihọ ufuoma, ye erhuvwu cha-a; vwẹ ọke rẹ esivwo, gbe nighe kẹ uguegue.

Jerimaya 14:9

Die nẹrhẹ wọ họhọ ohwo gedegede kẹrẹ ogba ro se sivwẹ-ẹ? ye wẹ, E Ọrovwohwo, wọ hẹ ohri rẹ avwanre, a vwẹ odẹ wẹn se avwanre, wo jẹ avwanre vwo-o.

Jerimaya 16:18

Me hwa osa rẹ orukuruku vẹ imwemwu rayen kpahe kẹ ayen, fikiridie ayen vwẹ irivwi rẹ edjọ rayen ri mioma na vwo imovwi otọ mẹ, ayen vwẹ ẹgua-egbe rayen vọn ukuẹriọ mẹ.

Jerimaya 19:4

Fikiridie ihwo na sen vwẹ, ayen torhẹ incẹnse kẹ eghẹnẹ efa vwo miovwo etinẹ na, eghẹnẹ re ayen vẹ esẹ rayen kugbe ivie ri Juda riẹnre-e, fikiridie ayen ghwa ọbara rẹ evwata rhe vwọ vọn etine na.

Jerimaya 23:15

Ọtiọye na enẹ Ọrovwohwo rẹ otuofovwi na ta kpahe emraro na: Nighe, me cha vwẹ emu ro muenu ghẹrẹ ayen, me ke ayen ame rẹ obi da, kidie vwẹ obọ rẹ emraro ri Jerusalẹm Jẹn ọghẹnẹ ẹriẹn rhe wan ro otọ na ejobi.

Jerimaya 31:37

Enẹ Ọrovwohwo na tare: A da sa vwanvwẹ idjuvwu rẹ enu na, ya je sa guọnọ uchivwo rẹ obotọ rẹ akpọ na phia, kẹsiẹye mi ki che ku uvwiẹ rẹ Izrẹl fia vwi fiki rẹ obo rẹ ayen ruru, eriyin Ọrovwohwo tare.

Jerimaya 46:28

Wọ djẹ oshọ-ọ, E Jekọp odibo mẹ, eriyin Ọrovwohwo tare, kidie me vẹ owẹ herọ. Mi che furhie ẹgborho na ejobi re me cha djẹ ovwan ra na, ẹkẹvuọvo mi che furhie ovwa-an, ẹfa me cha fa wẹ mi che je ovwan vwo riẹrieriẹ-ẹ.

Jerimaya 50:20

Vwẹ ẹdẹ yena vẹ ọke yena, eriyin Ọrovwohwo tare, a cha guọnọ orukuruku vwẹ Izrẹl, a gbe mrẹ vwọ-ọ, kugbe umwemwu vwi Juda a gbe rnrẹ ọvuọvo vwọ-ọ, kidie umuku ri mi che jovwo mi che vwo ghovwo ayen.

Jerimaya 51:19

Ọ dia etiọna ẹkẹn ri Jekọp họhọre-e, kidie ọye re ma imu ejobi, Izrẹl je orua rẹ ukuẹriọ rọye; Ọrovwohwo rẹ otuofovwi ọye odẹ rọye.

Izikiẹl 8:17

Etiyin ọ da ta kẹ vwẹ, Wọ mrẹ ọnana re, E ọmọ rẹ ohwo? Wo roro nẹ emu ọphapharhe vwọ kẹ uwevwi ri Juda re ayen vwo gbe ẹgua nana re ayen gbe ozighi vwọ vọn otọ na, rere ayen rhoma vwo kpare ophu mẹ? Nighe, ayen phi oghọn phihọ uwen rayen.

Izikiẹl 9:9

Etiyin ọ da ta kẹ vwẹ, abe rẹ uwevwi rẹ Izrẹl vi Juda rhoro gangan, otọ na vọnre vẹ ọbara, orere na da rha vọn vẹ orhiẹn rẹ eku, kidie ayen ta, Ọrovwohwo siẹn otọ na, Ọrovwohwo gbe mrẹ-ẹ.

Hosia 1:10

Ihwo rẹ Izrẹl cha dia kerẹ ehavwo rẹ urhie ra sa vwavwe-e eyẹ e se keri-i, vwẹ asan rẹ a da ta kẹ ayen nẹ, Ovwan dia ihwo mẹ-ẹ, ka je ta kẹ ayen nẹ, Ovwan emọ rẹ Ọghẹnẹ ri bẹdẹ na.

Hosia 2:1

Ta kẹ oniọvo wẹn rẹ ọshare, Ihwo mẹ, ta kẹ oniọvo wẹn rẹ ọmọtẹ nẹ, Ọ mrẹ ehrọre reyọ.

Hosia 2:3

me da rhe ban phihọ ọ da rhe dia kerẹ ọke re vwo vwiẹ, mi de rhi ruọ hirhe phihọ aghwa mi de rhe ruo hirhe phihọ otọ ọyaya, me da vwẹ urhuru rẹ ame hwe.

Hosia 4:1

Nyo ota rẹ Ọrovwohwo E ihwo rẹ Izrẹl, kidie Ọrovwohwo vẹ ihwo rẹ otọ na vwo aphro. O gbi vwo ọvwata yẹrẹ aruẹdọ-ọn, ọ rhe vwo erianriẹn rẹ Ọghẹnẹ vwẹ otọ na-a;

Hosia 4:2

Iyori eduvwo, efian, ozighẹ, uji vẹ ọfarhiẹ egbe, ayen miovwo urhi ejobi, ozighẹ vwọ kpahe ozighẹ.

Maika 7:18

Ono Ọghẹnẹ rọ họhọ owẹ, rọ vwẹ orukuruku vwọ ghovwo ro mi gbobọnye ogbeku vwi fiki rẹ umuku rẹ ihwo rọye ri chekọ? O phiẹ ophu rọye phihọ evun bẹdẹ-ẹ fikiridie ẹguọnọ ro jẹrhẹriẹ ri je.

Maika 7:20

Wọ vwẹ evun esiri nẹ Jekọp ẹguọnọ esiri wẹn na kẹ Ebraham, kirobo wo ruru kẹ esẹ rẹ avwanre nẹ ọke awanre rhe.

Zekaraya 12:6

Vwẹ ẹdẹ yena ki mi ru orua ri Juda họhọ ochẹ rọ vwara vwẹ uherevie rẹ erhanre, họhọ urhukpẹ rọ la vwe ohri rẹ ekrẹbe; ayen ke guọghọ ihwo re yariẹ obọrhe vẹ obọhwẹre ejobi phihọ yẹ a je dia Jerusalẹm kirobo rọ epha jovwo .

Zekaraya 12:8

Vwẹ ẹdẹ yena Ọrovwohwo kọ cha vwẹ ekpọfia kẹ ihwo ri Jerusalẹm rere ihwo re ma vwiẹrẹ vwẹ ohri rayen vwọ họhọ Devid, re uwevwi ri Devid vwọ họhọ Ọghẹnẹ, kere amakashe rẹ Ọrovwohwo vwẹ uyovwi rayen.

Zekaraya 2:12

Ọrovwohwo na kọ vwẹ Juda reuku kerẹ ẹkẹn rọye vwẹ otọ ọfuanfon na, kọ rhoma jẹ Jerusalẹm reyọ.

1 Samuẹl 12:22

Kidie Ọrovwohwo cha sa djẹ ihwo rọye kufia-a, fiki rẹ odẹ rọye rode, fikiridie o je Ọrovwohwo rọ vwọ vwẹ ovwan ru ihwo kẹ oma rọye.