Jerimaya 51:46 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴⁶ We jẹn udu bru ovwa-an, wa djẹ oshọ vwẹ iyẹnrẹn re nyori vwẹ otọ na-a, rẹ iyẹnrẹn na de do rhe vwẹ ukpe ọvo vwẹ ukuko rọye iyẹnrẹn na mi rhe do rhe vwẹ ukpe ọfa, rẹ ogidi da hẹ otọ na, rẹ osun de mu kpahe osun.

Jerimaya 51:46 ပူးပေါင်းရင်းမြစ်များ

Ivie rẹ Ivẹ 19:7

Nighe, mi che phi erhi phihọ oma, ko che nyo usi rẹ ofovwi ko che rhivwi kpo otọ robọ rọye, ke me cha nẹrhẹ o ghwu ughwu rẹ ọlọkọ vwẹ otọ robọ rọye.

2 Ikun rẹ Ivie 20:23

Kidie ihwo rẹ Ammọn vi Moab vrẹnri ayen da họrhọ ro ihwo rẹ Ugbenu ri Seir, ayen da ghwọrọ ayen tototo, ọke rẹ ayen rha vwọ ghwọrọ ihwo ri Seir tototo nu, ayen ohwohwo kẹ rhẹriẹ oma ghwọrọ ohwohwo.

ỌBE RẸ JOB 23:16

Ọghẹnẹ nẹrhe oma rhọvwẹ; Ọrovwoẹgba vwẹ oshọ mu vwe,

Isẹ 24:10

Oma de bruro owẹ vwẹ ọke rẹ ukpokpogho, yẹ ogangan wẹn ọhahavwe.

Aizaya 19:2

Ke me kpare ihwo re Ijipt vwọ so ohwohwo ayen ke họnre, ọniọvo vwọ so oniọvo, ohwo kohwo ke họnre ọrivẹ rọye, orere vwọ so orere, uvie vwọ so uvie;

Aizaya 43:5

Wọ djẹ oshọ-ọ, kidie Me vẹ owẹ herọ, Me cha vwẹ uvwiẹ wẹn nẹ obaro ọnre rhe, obuko ọnre kẹ oboyi Me reyọ ovwan nurhe,

Jerimaya 46:27

Ẹkẹvuọvo wọ djẹ oshọ-ọ, E Jekọp odibo mẹ, wo ji brudu-u, E Izrẹl; kidie gbe nighe, me cha dia ogboko de sivwi uwe, ivwrọmọ wẹn nẹ otọ rẹ ighuvwu rayen rhe. Jekọp che rhivwi rhe dẹndẹn vẹ omaefuo, ohwo rha nẹrhẹ phihọ oshọ-ọ.

Jerimaya 46:28

Wọ djẹ oshọ-ọ, E Jekọp odibo mẹ, eriyin Ọrovwohwo tare, kidie me vẹ owẹ herọ. Mi che furhie ẹgborho na ejobi re me cha djẹ ovwan ra na, ẹkẹvuọvo mi che furhie ovwa-an, ẹfa me cha fa wẹ mi che je ovwan vwo riẹrieriẹ-ẹ.

Iyẹnrẹ Esiri ri Luk 21:28

Asakiephana ọke rẹ imu nana da cha phiare, ni enu re wa kpare iyovwi rẹ ovwan, fikiridie etanhirhe wẹn re siẹ kẹrẹ re.

Iguẹdjọ 7:22

Ọke rẹ ẹko erha rẹ eshare ujori erha na vwo kworo ewanre na nu, Ọrovwohwo na de hirhe aro rẹ ọlọkọ ri kohwo kohwo ku ọrivẹ rọye vwẹ evun rẹ otu ofovwi na ejobi; otu ofovwi na da djẹ shesheri kpo Betshita vwi Zererah, re te ughwru rẹ Abelmehola vwẹ oma ri Tabbat.