Jerimaya 51:35 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁵ Ogidi ro gidi uvwe vẹ imoni mẹ dia enu ri Babilọn jẹ ohwo rọ dia Zayon tanẹ, Ọbara mẹ hẹ enu rẹ ihwo ri Kaldia, jẹn Jerusalẹm ta.

Jerimaya 51:35 ပူးပေါင်းရင်းမြစ်များ

Jẹnẹsis 16:5

Serai da ta kẹ Ebram, Jẹn oruchọ ri mi ruru dia uyovwi wẹn; Me da vwẹ ọmọtẹ mẹ vwọ kẹ wẹ vwọ rọvwọ, rọ rhe vwọ mrẹ nẹ ọye mrevun na, ko ni vwe saka. Gbe jẹ Ọrovwohwo brorhiẹ mẹ vẹ ọwẹn,

Une rẹ Ejiro 12:5

Fikiridie ivwiogbere na e miovwe ayen, ọ rẹ akpọ bẹnre de irhivwẹ, Mi vrẹn vwẹ Asakiephana, eriyin Ọrovwohwo tare; Mi phio phihọ evun re ufuoma rẹ urhuru rọye sio na.

Une rẹ Ejiro 9:12

Kidie ihwo re reihri rẹ ọbara ọ karophihọ ayen, oviẹ rẹ ohwo rọ ukpokpogho sa chọrọ ẹro-o.

Jerimaya 50:10

A cha kua Kaldia fiotọ, otu re kuarọ ejobi evun kọ vọn ayen tunu, eriyin Ọrovwohwo tare.

Jerimaya 50:29

Se esedada vwọ so Babilọn, ayen otu ri siẹ umurhabọ ejobi, muerhọn yariẹ phihọ, wo jẹ ohwo ọvuọvo vabọ-ọ. Hwa osa kẹ kerẹ obo rẹ iruo reyọ epha, ru kẹ kirobo ro ruru kẹ ihwo, kidie ọ vwẹ Ọrovwohwo na jehwẹ miomiovwi, Ọfuanfon Ọvuọvo rẹ Izrẹl na.

Jerimaya 51:24

Me cha reihri ri Babilọn vẹ ihwo ri Kaldia ejobi vwẹ irharo wẹn koko na vwi fiki rẹ umiovwo rẹ ayen ruru vwi Zayọn, eriyin Ọrovwohwo tare.

Uvwerhe 1:22

Gbe jẹ obrarba rayen bru uwe rhe; rere wo ru ayen kirobo ri wo ru vwe vwi fiki rẹ ogbeku mẹ ejobi; kidie iguegu me pha buebu udu mẹ ki rhe sherua.

Habakọk 2:17

Emu ozighi re ru ki Lẹbanọn ko che shenyẹ wẹn; ẹghwọrọ rẹ eranvwe na kọ cha djẹ uguegue mu we, fiki rẹ ọbara rẹ ihwo kugbe ozighi re gbe vwẹ otọ na, ke irere kugbe ihwo re dia evun rẹ ayen.

Zekaraya 1:15

Ẹgborho re hẹ ofuvwegbe na ivun rayen miovwo uvwe gangan, kidie ọke re ivun de ghwe miovwo uvwe emerha ẹgborho efa ki di hwe ayen.

Matiu 7:2

Kidie oghẹre rẹ orhiẹn ru we bru kẹ ihwo, ọye e ji bru kẹ ovwan. Uchunu wọ vwọ vwavwe kẹ ihwo, ọye a je vwọ vwavwe kẹ ovwan.

Jems 2:13

Kidie ohwo ro ni arodọvwẹ-ẹ ọ je cha mrẹ arodọvwẹ vwe ọke re de brorhiẹ rọye-e.

Ẹvwọphia 16:6

Kidie ihwo sun ọbara rẹ ihwo efuanfon kugbe emraro na te otọ, wọ da vwẹ ọbara kẹ ayen da. Ọye hẹ ute rayen!

Ẹvwọphia 18:20

Ghọghọ vwẹ enu rọye, E odjuvwu, E ihwo efuanfon kugbe iyinkọn kugbe emraro, kidie Ọghẹnẹ brorhiẹ hwe kẹ wẹ!

Ẹvwọphia 18:6

Ru kẹ kirobo rẹ okpuyovwi rọye ru kẹ ihwo efa, hwa osa kpahe kẹ fiki robo ro ruru; uko rọ je vọn na jẹ ọtiọye ọhwọhwivẹ kẹ.

Ẹvwọphia 6:10

ayen da van kperi tanẹ, E Ọrovwohwo Osun, ọfuanfon kugbe uyota, mavọ o krite wo ki rhi guẹdjọ kugbe re wọ ke rhe reihri rẹ ọbara rẹ avwanre vwẹ obọ rẹ ihwo re dia enu rẹ akpọ na?

Iguẹdjọ 9:20

ẹkẹvuọvo ọ gbe dia eriyi-in, e gbe jẹn erhanre nẹ oma rẹ Abimẹlẹk rhe torhẹ ihwo rẹ Shikẹm, kugbe Bẹtmillo; gbe jẹn erhanre la phia vwẹ oma rẹ ihwo ri Shikẹm, kugbe Bẹtmillo, rere ọ torhẹ Abimẹlẹk.

Iguẹdjọ 9:24

rere umwemwu ro ru kpahe emeshare ujorha gbe ihwe ri Jerubbaal kugbe rere a reihri rẹ ọbara rọye vwẹ uyovwi rẹ Abimẹlẹk rẹ ọmọsẹ rayen, ro hwe ayen, kugbe uyovwi rẹ ihwo ri Shikẹm, ri phi ogangan phihọ abọ rọye ro vwo hwe emesẹ rọye.