Jerimaya 51:34 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁴ Nebukadreza ovie rẹ Babilọn ọ re vwẹ, ọ guọghọ ovwẹ o ru vwe phihọ oravwọ ofefe, ọ rọ vwẹ kerẹ eniame, ọ vwẹ asan avwerhe mẹ vọn evun rọye, o mi vwe kufia.

Jerimaya 51:34 ပူးပေါင်းရင်းမြစ်များ

ỌBE RẸ JOB 20:15

Ọ rọ efe nu ọ da rhoma kpa ayen; Ọghẹnẹ si ayen nẹ evun rọye rhe.

Une rẹ Ejiro 74:13

Wọwẹ re vwẹ ẹgba wẹn ghare abadi na, wọwẹ re guọghọ iyovwi ri dragọn vwẹ enu rẹ ame.

Isẹ 1:12

rere e mu ayen rọ ọkpokpọ kerẹ Erivwi kerẹ ihwo re mu phihọ Ushi

Aizaya 34:11

Ẹkẹvuọvo ọvo ve osorhue keye re cha dia, okpurhukpurhu ve okpemu keye cha dia. Ko che si usi re ozighi phihọ duvwu, kọ savwe iphọrọ re ozighi rhurhu ikpihwo rọye.

Aizaya 42:22

Ẹkẹvuọvo ọnana ihwo re chori re gborhori, ufi mu ayen ejobi vwẹ evun rẹ unu, ayen de si oma nu vwẹ uwodi; ayen hirhe phihọ emuọre ohwo ro sivwi ayen gbe herọ-ọ emuọre ra mrẹ ohwo ta kẹ nẹ, Rhivwi.

Jerimaya 50:17

Izrẹl kerẹ ogegede ra rhẹrẹ rẹ ikpohrokpo vwọ tua. Ẹsosuọ ovie rẹ Asiria re rerọ, vwẹ asakiephana kẹ Nebukadreza ovie ri Babilọn kẹ ọye rha gbẹrhiẹn ibeku rọye.

Jerimaya 50:7

Otu re mrẹ ayen ejobi da guọghọ ayen, ivwighrẹ rayen da tanẹ, Ma re abe-e, kidie ayen ru umwemwu kpahe Ọrovwohwo, ẹdia rẹ esẹ rayen na.

Jerimaya 51:44

Mi che hwe Bẹl vwi Babilọn, mi de si obo rọ rọre na nẹ unu rọye rhe. Ẹgborho na rha ghwiẹ bro ra ọfa-a, igbẹhẹ ri Babilọn she nure.

Jerimaya 51:49

Fiki rẹ ihwo rẹ Izrẹl re hweri na Babilọn se she, vwọ kẹ Babilọn o she kẹ ehwe rẹ akpọ na ejobi.

Uvwerhe 1:1

Mavọ orere rọ vọnre vẹ ihwo jovwo na di vwo tidia hoho! Mavọ ọ rhe vwọ dia kere ayeuku, ọ rọ rhoro vwẹ ohri rẹ ẹgborho na! ọ rọ dia ọmọte rẹ ovie vwẹ ohri rẹ irere na rhi hirhe phihọ ọviẹn.

Uvwerhe 2:16

Ivwighrẹ wẹn ejobi herọ ghwọ ku we, ayen fiunu ayen ria akọ, ayen kperi avwanre guọgherọ Ẹhẹn ọnana ẹdẹ rẹ avwanre rhẹro rọye na, asakiephana o te avwanre obọ re avwanre mrẹrẹ re!

Izikiẹl 36:3

vwẹ ọtiọye na mraro, re wo ta, E nẹ Ọrovwohwo Ọghẹnẹ tare: Fikiridie a kua wẹ fiotọ, ra da guọghọ owẹ nẹ abọ kabọ rhe, ru wo de rhi hirhe phihọ ughwẹ rẹ ẹgborho ri chekọ na, ro de rhi hirhe phihọ ikuegbe vẹ huhuhu rẹ ihwo na,

Hosia 8:8

A rọ Izrẹl nure, uherevie rẹ ẹgborho efa kọye ayen epha fafarhiẹ kirẹ ekuakua ra kpare kufia.

Emọs 8:4

We nyo ọnana, ovwan ri chiyi ihwo rẹ akpọ bẹn muotọ, rẹ ovwan de hirhiẹ ivwiogbere rẹ otọ na,

Nahum 2:2

Kidie Ọrovwohwo rhoma vwẹ ọrho ri Jekọp cha kerẹ ọrho rẹ Izrẹl, kidie igbunegbu gborho ayen ayen da guọghọ eghọn rayen.

Matiu 23:13

Ẹkẹvuọvo ekan kẹ ovwan, isiẹbe kugbe Farisi, evworọn efian! kidie we huhu ẹchẹ rẹ uvie rẹ odjuvwu gbe ihwo; ovwan guọnọ ruọ-ọ, yẹ ihwo efa re guọnọ ruọ ovwan da ayen ji.